ପୁଣି ଏକ ନୂଆ ରେକର୍ଡ ସୃଷ୍ଟି କଲା AIIMS । ଡାକ୍ତରମାନଙ୍କ ଦ୍ବାରା କରାଯାଇଛି ବିରଳ ଅସ୍ତ୍ରୋପଚାର । ଏକ ନୂଅଆ ଇତିହାସ ଲେଖିଛି ନୂଆଦିଲ୍ଲୀ AIIMS । ଚିକିତ୍ସା ବିଜ୍ଞାନରେ ପୁଣି ବିରଳ ଅସ୍ତ୍ରୋପଚାର ନୂଆ ଜୀବନ ଦେଇଛି ।

୧୭ ବର୍ଷର ନାବାଳକ । ଦେହରେ ୪ଟି ଗୋଡ଼ । ଘର ଉତ୍ତର ପ୍ରଦେଶର ଉନ୍ନାଓରେ । ଆସ୍ୱାଭାବିକକୁ ନେଇ ଚନ୍ତାରେ ଥିଲା ପରିବାର । ପିଲାଟିର ଭବିଷ୍ୟତକୁ ନେଇ ସମସ୍ତେ ଥିଲେ ଚିନ୍ତିତ । ହେଲେ ଦିଲ୍ଲୀ AIIMS ସାଜିଲା ସାହାରା । ଡାକ୍ତରମାନେ ସଫଳତାର ସହ ଅପରେସନ କରି ପିଲାଟିକୁ ଦେଇଛନ୍ତି ନୂଆ ଜୀବନ ।

ପିଲାଟିର ସ୍ୱାଭାବିକ୍‌ ଭାବେ ଥିବା ଦୁଇଟି ଗୋଡ଼ ସମ୍ପୂର୍ଣ୍ଣ ସୁସ୍ଥ ରହିଥିଲେ ବି ପେଟରୁ ବାହାରିଥିଲା ଦୁଇଟି ଅତିରିକ୍ତ ଗୋଡ଼ । ଯାହାକି ଅବିକଶିତ ଟ୍ୱିନ୍ସର ବୋଲି କହିଛନ୍ତି ଡାକ୍ତର ।

ଜନ୍ମରୁ ଏପରି ଅବସ୍ଥାରେ ଥିବାରୁ, ଗତ ୧୭ ବର୍ଷ ଧରି ଚିନ୍ତାରେ ଥିଲେ ପରିବାର । କ'ଣ କରିବେ ? କାହାକୁ କହିବେ ? କିଏ ଭଲ କରିବ ତାଙ୍କ ପୁଅକୁ ? ଏମିତି ଅନେକ ପ୍ରଶ୍ନ ମନରେ ଥିଲେ ବି, ଉତ୍ତର ଖୋଜି ପାଉନଥିଲେ । ଶେଷରେ ଦେବଦୂତ ଭଳି ପ୍ରକଟ ହେଲା AIIMS । ଆଉ ଆଜି ପୁଅ ତାଙ୍କର ସୁସ୍ଥ ହେବାକୁ ଲାଗିଛି ।

ପେଟରେ ଲାଗିଥିବା ଦୁଇ ଅତିରିକ୍ତ ଗୋଡ଼କୁ AIIMSର ଏକ ସ୍ୱତନ୍ତ୍ର ଡାକ୍ତରୀ ଟିମ୍‌ ଅସ୍ତ୍ରୋପଚାର କରି ବାହାର କରିଛନ୍ତି । ଫଳରେ ସ୍ୱାଭାବିକ ସ୍ଥିତିକୁ ଫେରି ଆସୁଛନ୍ତି ନାବାଳକ । ପୂର୍ବରୁ ଏମିତି ଅବସ୍ଥା ଥିବାରୁ ଏହି ନାବାଳକର ସବୁବେଳେ ସ୍ବାସ୍ଥ୍ୟ ଖରାପ ରହୁଥିଲା । କିନ୍ତୁ ଏବେ ଧିରେ ଧିରେ ସେ ସୁସ୍ଥ ହେଉଛନ୍ତି ।

AIIMS ଡାକ୍ତରଙ୍କ କହିବାନୁଯାୟୀ କୋଟିଏ ପିଲାଙ୍କ ମଧ୍ୟରୁ ଗୋଟିଏ ଶିଶୁଙ୍କ ଦେହରେ ଏଭଳି ସ୍ଥିତି ଦେଖାଯାଏ । ବର୍ତ୍ତମାନ ସୁଦ୍ଧା ସାରା ବିଶ୍ବରେ ମଣିଷର ୪ଟି ଗୋଡ଼ ଥିବା ୪୨ଟି କେସ ରହିଛି ।

Argus News | argus news | Odisha Latest News, Breaking News, Trending News, Live TV