Childhood Obesity / ସ୍କୁଲ ଯାଉଥିବା ଝିଅମାନଙ୍କ ମଧ୍ୟରେ ବଢ଼ୁଛି ମୋଟାପଣ ଏବଂ PCOS ବିପଦ….ଏମ୍ସ କଲା ବଡ଼ ଖୁଲାସା

ପଲିସିଷ୍ଟିକ୍ ଓଭାରି ସିଣ୍ଡ୍ରୋମ୍ (PCOS) ମହିଳାମାନଙ୍କ ମଧ୍ୟରେ ଏକ ସାଧାରଣ ସମସ୍ୟା ପାଲଟିଛି। ନୂଆଦିଲ୍ଲୀର ଅଖିଳ ଭାରତୀୟ ଚିକିତ୍ସା ବିଜ୍ଞାନ ସଂସ୍ଥାନ (AIIMS) ଦ୍ୱାରା କରାଯାଇଥିବା ଏକ ଅଧ୍ୟୟନରେ ମୋଟାପା ଯୋଗୁ କିଶୋରୀ ମାନଙ୍କ ମଧ୍ୟରେ PCOS ଭଳି ଅଧ୍ୟୟନ ଅନୁଯାୟୀ, ଖରାପ ଜୀବନଶୈଳୀ, ସ୍କ୍ରିନ୍ ସମୟ ଏବଂ ଶାରୀରିକ କାର୍ଯ୍ୟକଳାପର ଅଭାବ ଯୋଗୁଁ ସ୍କୁଲ ଯାଉଥିବା ଝିଅମାନେ ଏହି ଗୁରୁତର ମେଟାବୋଲିକ୍ ଏବଂ ହରମୋନ୍ ଅସନ୍ତୁଳନର ଶିକାର ହେଉଛନ୍ତି। ବିଶେଷଜ୍ଞମାନେ ଏହାକୁ ଏକ ଗୁରୁତର ଚିନ୍ତାର ବିଷୟ ବୋଲି କହିଛନ୍ତି ଏବଂ ପୁଷ୍ଟିସାର, ଶାରୀରିକ କାର୍ଯ୍ୟକଳାପ ଏବଂ ଡିଜିଟାଲ୍ ସୁସ୍ଥତା ବିଷୟରେ ସଚେତନତା ବୃଦ୍ଧି କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଛନ୍ତି।

#WATCH | Delhi | Professor in the Division of Pediatric Endocrinology, Department of Pediatrics, at the prestigious All India Institute of Medical Sciences (AIIMS), New Delhi, Dr. Rajni Sharma says, "We are conducting this study with the help of an NGO called the Society of… pic.twitter.com/RBdSRplhLd

— ANI (@ANI) September 23, 2026

• ମହିଳା ଛାତ୍ରୀଙ୍କ ମଧ୍ୟରେ ମୋଟାପଣ, PCOS ଏବଂ ମାସିକ ଋତୁସ୍ରାବ ଅନିୟମିତତା

ଏମ୍ସ, ଶିଶୁ ବିଭାଗ, ଶିଶୁ ଏଣ୍ଡୋକ୍ରାଇନୋଲୋଜି ବିଭାଗର ପ୍ରଫେସର ଡକ୍ଟର ରଜନୀ ଶର୍ମା ବ୍ୟାଖ୍ୟା କରିଛନ୍ତି ଯେ ଏମ୍ସ ଗତ ତିନି ବର୍ଷ ଧରି ସ୍କୁଲଗୁଡ଼ିକରେ ଏହି ଅଧ୍ୟୟନ କରିଆସୁଛି, ଏକ ଏନଜିଓ ସୋସାଇଟି ଅଫ୍ ଏଣ୍ଡୋକ୍ରାଇନ୍ ହେଲ୍ଥ ଇନ୍ ଏଲ୍ଡର୍ଲି, ଆଡୋଲେସେଣ୍ଟସ୍ ଆଣ୍ଡ୍ ଚିଲ୍‌ଡ୍ରେନ୍ ସହିତ। ଏହି ଅଧ୍ୟୟନରେ, ଡାକ୍ତରଙ୍କ ଟିମ ସ୍କୁଲ ପରିଦର୍ଶନ କରନ୍ତି ଏବଂ ମେଟାବୋଲିକ୍ ସମସ୍ୟା, ପୁଷ୍ଟିକର ସ୍ୱାସ୍ଥ୍ୟ ସମସ୍ୟା ଏବଂ PCOS ଭଳି ଜଟିଳତା ପାଇଁ ଛାତ୍ରୀମାନଙ୍କର ସ୍କ୍ରିନିଂ କରନ୍ତି। ଡକ୍ଟର ରଜନୀ ଶର୍ମା କହିଛନ୍ତି, "ଆମେ ଏହି ଝିଅମାନଙ୍କୁ ସ୍କ୍ରିନିଂ କରୁ, ଫଲୋ ଅପ୍ କରୁ ଏବଂ ଅଧିକ ଚେକଅପ ପାଇଁ ସମସ୍ୟା ଥିବା ଲୋକଙ୍କୁ ଏମ୍ସକୁ ଆଣୁ। ଆମେ ଗତ ତିନି ବର୍ଷ ଧରି ଏହି ଅଧ୍ୟୟନ କରିଆସୁଛୁ ଏବଂ ଏହାକୁ ଏକ ଫଲୋ-ଅପ୍ ଅଧ୍ୟୟନ ଭାବରେ ଜାରି ରଖିଛୁ। ଆମେ ମୋଟାପଣ ମାମଲା ଅଧିକ ଦେଖିବାକୁ ପାଉଛୁ।

ଏମ୍ସ ଅଧ୍ୟୟନରୁ ଜଣାପଡିଛି ଯେ ବେସରକାରୀ ସ୍କୁଲଗୁଡ଼ିକରେ ୪୦% ରୁ ୪୫% ଝିଅ ମେଦବହୁଳ କିମ୍ବା ଅଧିକ ଓଜନର। ସରକାରୀ ସ୍କୁଲଗୁଡ଼ିକରେ ୧୫% ଝିଅ ମେଦବହୁଳ କିମ୍ବା ଅଧିକ ମୋଟା ହୋଇଥାଆନ୍ତି। କିନ୍ତୁ କିଛି ବର୍ଷ ପୂର୍ବରୁ ଏହିଭଳି ମାମଲା ଆସୁ ନଥିଲା।
ଛାତ୍ରୀମାନଙ୍କ ମଧ୍ୟରେ PCOS ମାମଲା ବଢ଼ିବାରେ ଲାଗିଛି। ଖରାପ ଜୀବନଶୈଳୀକୁ ଅନୁସରଣ କରୁଥିବାରୁ ଛାତ୍ରୀମାନେ ଖାସକରି ମୋଟାପଣର ଶିକାର ହୋଇଥାଆନ୍ତି। ସେମାନଙ୍କର ଋତୁସ୍ରାବରେ ଅନିୟମିତତା ହୋଇଥାଏ ଏହାବ୍ୟତୀତ ପିସିଓଏସ ସମସ୍ୟା ବଢ଼ିଯାଇଥାଏ। ଯେତେବେଳେ ଛାତ୍ରୀମାନେ ଭଲ ପୁଷ୍ଟିକର ଖାଦ୍ୟ ପାଉଥିଲେ, ସେତେବେଳେ ଋତୁସ୍ରାବର ବୟସ ପ୍ରାୟ 12 ବର୍ଷ ଥିଲା, କିନ୍ତୁ ବର୍ତ୍ତମାନ ମୋଟାପଣ ଯୋଗୁ ୮ ବର୍ଷରୁ ମଧ୍ୟ ପିରିୟଡ୍ସ ହୋଇଯାଉଛି। ପରିବେଶଗତ ସମସ୍ୟା ମଧ୍ୟ ଏହାର କାରଣ ହୋଇପାରେ।

ପିସିଓଏସ୍, ଯାହାକୁ ପଲିସିଷ୍ଟିକ୍ ଓଭାରି ସିଣ୍ଡ୍ରୋମ୍ ମଧ୍ୟ କୁହାଯାଏ, ଏହା ଏକ ହର୍ମୋନାଲ ଡିସଅର୍ଡର ଯାହା କେବଳ ମହିଳାଙ୍କ କ୍ଷେତ୍ରରେ ଦେଖାଦେଇଥାଏ। ପିସିଓଏସ୍ ଋତୁସ୍ରାବ ସମସ୍ୟା ସୃଷ୍ଟି କରିପାରେ ଏବଂ ଡିମ୍ବାଶୟରେ ସିଷ୍ଟ ଗଠନର କାରଣ ହୋଇପାରେ। ଏହି ସିଷ୍ଟଗୁଡ଼ିକରେ ଫଲିକିଲ୍ ନାମକ ଅପରିପକ୍ୱ ଡିମ୍ବାଣୁ ଥାଏ। ଏହି ଫଲିକିଲ୍ ନିୟମିତ ଡିମ୍ବାଣୁ ନିର୍ଗତ ହେବାକୁ ବାଧା ଦିଏ। ପରେ ମହିଳାମାନେ ଗର୍ଭବତୀ ହେବାରେ ସମସ୍ୟା ସୃଷ୍ଟି କରିଥାଏ। ତେଣୁ, ଭଲ ସ୍ୱାସ୍ଥ୍ୟ ବଜାୟ ରଖିବା ପାଇଁ PCOSର ଯାଞ୍ଚ କରି ନିୟମିତ ବ୍ୟାୟାମ କରନ୍ତୁ ଏବଂ ସନ୍ତୁଳିତ ଖାଦ୍ୟ ଆହାର କରନ୍ତୁ। ଜଙ୍କଫୁଡ ଖାଆନ୍ତୁ ନାହିଁ। ଦେଖିବେ ମୋଟାପଣ କେବେ ଆପଣଙ୍କ ପାଖ ମାଡ଼ିବନି।