Argus News - ଏୟାର ଇଣ୍ଡିଆ ବିମାନରେ ଯିବା ବେଳେ ଅପଦସ୍ଥ ହେଲେ କେନ୍ଦ୍ର କୃଷିମନ୍ତ୍ରୀ ଶିବରାଜ ସିଂ ଚୌହ୍ବାନ

କେନ୍ଦ୍ରମନ୍ତ୍ରୀଙ୍କୁ ଭଙ୍ଗା ଚୌକି । କେନ୍ଦ୍ର ସରକାରଙ୍କ କୃଷି ମନ୍ତ୍ରୀ ବିମାନରେ ଯିବା ବେଳେ ଏଭଳି ଅପଦସ୍ଥ ହୋଇଛନ୍ତି । ବିମାନରେ ଦେଖାଦେଇଥିବା ଅବ୍ୟବସ୍ଥାକୁ ନିଜେ ସୋସିଆଲ ମିଡିଆରେ ସେ ଜଣାଇଛନ୍ତି । ଏୟାର ଇଣ୍ଡିଆର ବ୍ୟବସ୍ଥାକୁ ନେଇ ସେ ପ୍ରଶ୍ନ କରିଛନ୍ତି । ଏକ କାର୍ଯ୍ୟକ୍ରମରେ ଯୋଗ ଦେବାକୁ କେନ୍ଦ୍ରମନ୍ତ୍ରୀ ଶିବରାଜ ସିଂ ଭୋପାଳରୁ ନୂଆଦିଲ୍ଲୀ ଯାଉଥିଲେ । କିନ୍ତୁ ବିମାନରେ ତାଙ୍କ ସିଟ୍ ଦେଖି ସେ ନିଜ ଆଖିକୁ ବିଶ୍ବାସ କରି ପାରି ନଥିଲେ। ତାଙ୍କ ଟିକେଟ ନମ୍ବରରେ ଏକ ଭଙ୍ଗା ସିଟ୍ ରହିଥିଲା ।

ସହଯାତ୍ରୀମାନେ ତାଙ୍କୁ ଅନ୍ୟ ସିଟରେ ବସିବା ପାଇଁ ଅନୁରୋଧ କରିଥିଲେ । କିନ୍ତୁ ସେ ଅନ୍ୟଯାତ୍ରୀଙ୍କୁ ଅସୁବିଧାରେ ନ ପକାଇବାକୁ ତାଙ୍କ ପାଇଁ ଉଦ୍ଦିଷ୍ଟ ସିଟରେ ବସି ପ୍ରାୟ ଦେଢଘଣ୍ଟା ବିମାନ ଯାତ୍ରା କରିଥିଲେ । ସେପଟେ ଏଭଳି ଘଟଣା ପାଇଁ ଏୟାର ଇଣ୍ଡିଆ କର୍ତ୍ତୃପକ୍ଷ କ୍ଷମା ମାଗିଛନ୍ତି । ଆଗାମୀ ଦିନରେ ଏଭଳି ଘଟଣାର ପୁନରାବୃତ୍ତି ଯେପରି ନ ହୁଏ ସେଥିପ୍ରତି ଧ୍ୟାନ ଦିଆଯିବ ବୋଲି କହିଛନ୍ତି।