ହଠାତ ଆକାଶରୁ ଖସି ପଡ଼ିଥିଲା ବିମାନ । ଭିତରେ ଚିତ୍କାର କରୁଥିଲେ ଯାତ୍ରୀ କିନ୍ତୁ କେହି ବଞ୍ଚିଲେ ନାହିଁ । ଗୁଣ୍ଡ ଗୁଣ୍ଡ ହୋଇଗଲା ପୁରା ବିମାନ । ଆକାଶରୁ ଆସି ମାଟିରେ ପ୍ରଚଣ୍ଡ ଶବ୍ଦ କରି ପିଟି ହୋଇଗଲା । ପାଇଲଟ ଯେତେ ଚେଷ୍ଟା କରିଥିଲେ ହେଲେ ବିମାନକୁ ବଞ୍ଚାଇ ପାରିଲେ ନାହିଁ । ପୁଣିଥରେ କାଳ ହୋଇଛି ବିମାନ ଦୁର୍ଘଟଣା । ଭାରତ ଭିତରେ ଗୋଟିଏ ପରେ ଗୋଟିଏ ବିମାନ ଦୁର୍ଘଟଣାଗ୍ରସ୍ତ ହେଉଛି । ଏମିତି କିଛି ଦୃଶ୍ୟ ଦେଖିବାକୁ ମିଳିଛି ଝାଡ଼ଖଣ୍ଡର ଚତରା ଜିଲ୍ଲାରେ । ବିମାନଟି ରାଞ୍ଚିରୁ ଦିଲ୍ଲୀ ଯାଉଥିବା ବେଳେ ମଝି ଆକାଶରୁ ଖସି ପଡ଼ିଛି । ବିମାନ ଭିତରେ ଥିବା ସବୁ ଯାତ୍ରୀ ମରି ଯାଇଛନ୍ତି ।

ଜଙ୍ଗଲ ଭିତରେ ପଡ଼ିଛି ଦୁର୍ଘଟଣା ଗ୍ରସ୍ତ ହୋଇଥିବା ବିମାନ । ବିମାନଟିର ଆଉ ଅବସ୍ଥା କିଛି ନାହିଁ । ପୁରା ଭାଙ୍ଗିରୁଜି ଚୁରମାର ହୋଇ ଯାଇଛି ବିମାନ । ବିମାନକୁ ଦେଖିଲେ ଜାଣିପାବେ ଯାତ୍ରୀ ମାନଙ୍କର ଅବସ୍ଥା କ'ଣ ହୋଇଥିବ । ସମସ୍ତଙ୍କର ଏକା ସାଙ୍ଗରେ ମୃତ୍ୟୁ ହୋଇ ଯାଇଛି । ଯେଉଁମାନେ ବିମାନରେ ଥିଲେ କେହି ମଧ୍ୟ ବଞ୍ଚିଲେ ନାହିଁ । ଯାତ୍ରୀଙ୍କ ସହ ପାଇଲଟଙ୍କର ମଧ୍ୟ ମୃତ୍ୟୁ ହୋଇ ଯାଇଛି ।

ସୂଚନା ମୁତାବକ ଏହା ହେଉଛି ଏୟାର ଲିଫ୍ଟ ବିମାନ । ଜଣେ ରୋଗିଙ୍କୁ ଏହି ବିମାନଟି ସନ୍ଧ୍ୟା ୭:୧୧ ରେ ରାଞ୍ଚିର ବିର୍ସା ମୁଣ୍ଡା ବିମାନବନ୍ଦରରୁ ଉଡ଼ାଣ ଆରମ୍ଭ କରିଥିଲା ଦିଲ୍ଳୀ ଅଭିମୁଖେ। ହେଲେ ଉଡ଼ାଣ ଭରିବାର କିଛି ସମୟ ମଧ୍ୟରେ ଏହା ଝାଡ଼ଖଣ୍ଡର ଚତରା ଜିଲ୍ଲାରେ ଦୁର୍ଘଟଣାଗ୍ରସ୍ତ ହୋଇଥିଲା ।

କିନ୍ତୁ ଖରାପ ପାଗ ପାଇଁ ପାଇଲଟ କୋଲକାତା ATC ସହିତ ଯୋଗାଯୋଗ କରିବା ପରେ, ବିମାନଟି ପାଗ ଯୋଗୁଁ ମାର୍ଗ ପରିବର୍ତ୍ତନ ପାଇଁ ଅନୁରୋଧ କରିଥିଲେ । କିନ୍ତୁ ସନ୍ଧ୍ୟା ୭:୩୪ ରେ ବାରାଣସୀରୁ ପ୍ରାୟ ୧୦୦ NM ଦକ୍ଷିଣ-ପୂର୍ବରେ କୋଲକାତା ସହିତ ଯୋଗାଯୋଗ ଏବଂ ରାଡାର ଯୋଗାଯୋଗ ବିଚ୍ଛିନ୍ନ ହୋଇଯାଇଥିଲା। ଯାହାପରେ ଦୁର୍ଘଟଣାଗ୍ରସ୍ତ ହୋଇଥିଲା ବିମାନଟି। ଫଳରେ ୭ ଜଣଙ୍କର ମୃତ୍ୟୁ ହୋଇଯାଇଛି।

ଏହା ଏକ ବିଚକ୍ରାଫ୍ଟ C90 ମଡେଲ ବିମାନ ଥିଲା ଯାହାର ପଞ୍ଜିକରଣ ନମ୍ବର VT-AJV ଥିଲା ଏବଂ ଏହା ଦିଲ୍ଲୀ ସ୍ଥିତ ରେଡବର୍ଡ ଏୟାରୱେଜ୍ ପ୍ରାଇଭେଟ୍ ଲିମିଟେଡ୍ ଦ୍ୱାରା ପରିଚାଳିତ ହେଉଥିଲା।

ପଢନ୍ତୁ ଏହି ଖବର: ପାଗ ହେଲା କାଳ… ରୁଟ୍ ବଦଳାଇବାକୁ ATCକୁ ଅନୁରୋଧ କରିଥିଲେ ପାଇଲଟ୍...କିନ୍ତୁ ଶୁଣିଲେନି