Akanksha Reveals / ଆକାଂକ୍ଷାଙ୍କ ବଡ଼ ଖୁଲାସା, ଝିଅ ମାନଙ୍କ ସହ ସମ୍ପର୍କ ଥିଲା

ମୁମ୍ବାଇ: ଟେଲିଭିଜନ ଅଭିନେତ୍ରୀ ଆକାଂକ୍ଷା ଚାମୋଲା ନିକଟରେ ଏକ ରିଆଲିଟି ଶୋ’ରେ ନିଜ ବ୍ୟକ୍ତିଗତ ଜୀବନ ସମ୍ପର୍କରେ କିଛି ଖୁଲାସା କରିଛନ୍ତି।  ଶୋ’ରେ କଥାବାର୍ତ୍ତା ସମୟରେ ସେ କହିଥିଲେ ଯେ ଅଭିନେତା ଗୌରବ ଖାନ୍ନାଙ୍କୁ ବିବାହ କରିବା ପୂର୍ବରୁ ସେ ବାଇସେକ୍ସୁଆଲ୍ ଥିଲେ ଏବଂ କିଛି ଝିଅଙ୍କ ସହ ସମ୍ପର୍କରେ ମଧ୍ୟ ଥିଲେ।

ଆକାଂକ୍ଷା କହିଥିଲେ, ଝିଅମାନଙ୍କ ପ୍ରତି ସେ ଆକର୍ଷିତ ହୁଅନ୍ତି ଏବଂ ସେମାନଙ୍କ ସହ ରହିବାକୁ ନିଜ ପାଇଁ ଏକ ‘ସୁରକ୍ଷିତ ସ୍ଥାନ’ ବୋଲି ଅନୁଭବ କରନ୍ତି। ତେବେ ତାଙ୍କ ଏହି ବୟାନ ପରେ ସୋସିଆଲ ମିଡିଆରେ ମିଶ୍ର ପ୍ରତିକ୍ରିୟା ଦେଖିବାକୁ ମିଳିଛି। କିଛି ୟୁଜର ଏହାକୁ ଶୋ’ର ଲୋକପ୍ରିୟତା ବଢ଼ାଇବା ପାଇଁ ‘ପବ୍ଲିସିଟି ଷ୍ଟଣ୍ଟ’ ବୋଲି କହିଥିବାବେଳେ, ଅନ୍ୟ କେତେକ ଏହାକୁ ବ୍ୟକ୍ତିଗତ ସ୍ୱୀକାରୋକ୍ତି ବୋଲି ସମର୍ଥନ କରିଛନ୍ତି।

ସନ୍ତାନ ପ୍ରସଙ୍ଗରୁ ସମ୍ପର୍କରେ ଫାଟ

ଏହି ଶୋ’ରେ ଆକାଂକ୍ଷା ତାଙ୍କ ବୈବାହିକ ଜୀବନ ସମ୍ପର୍କରେ ମଧ୍ୟ ଖୋଲାସା କରିଥିଲେ। ସେ କହିଥିଲେ, ବିବାହ ପରେ ମଧ୍ୟ ତାଙ୍କ ମନରେ ମାତୃତ୍ୱର ଇଚ୍ଛା କେବେ ବି ସୃଷ୍ଟି ହୋଇନଥିଲା। ପ୍ରଥମେ ଗୌରବ ଖାନ୍ନା ଏହାକୁ ଗ୍ରହଣ କରିଥିଲେ, କିନ୍ତୁ ପରେ ତାଙ୍କ ମତ ବଦଳିଯାଇ ସେ ସନ୍ତାନ ଚାହୁଁଥିବାବେଳେ ଆକାଂକ୍ଷା ସେଥିରେ ରାଜି ନଥିଲେ। ଏହି ମତଭେଦ ହିଁ ଦୁହିଁଙ୍କ ମଧ୍ୟରେ ଦୂରତାର ପ୍ରମୁଖ କାରଣ ବୋଲି ସେ କହିଛନ୍ତି। ଆକାଂକ୍ଷାଙ୍କ କହିବା ଅନୁସାରେ, ସେ ଏବଂ ଗୌରବ ଗତ ଏକ ବର୍ଷ ଧରି ଅଲଗା ରହୁଛନ୍ତି। ପରିସ୍ଥିତିକୁ ବୁଝି ସେ ଗୌରବଙ୍କୁ ଅଲଗା ହେବା ପାଇଁ ମଧ୍ୟ କହିଥିଲେ।

ଗୌରବଙ୍କ ପ୍ରତିକ୍ରିୟା

ଆକାଂକ୍ଷାଙ୍କ ଏହି ଘୋଷଣା ପରେ ଗୌରବ ଖାନ୍ନା ଗଣମାଧ୍ୟମକୁ କହିଥିଲେ ଯେ, ଆଜି ମଧ୍ୟ ସେ ଆକାଂକ୍ଷାଙ୍କୁ ସମାନ ଭାବରେ ଭଲ ପାଆନ୍ତି ଏବଂ ସମର୍ଥନ କରନ୍ତି। ସେ କହିଥିଲେ, “ଆକାଂକ୍ଷା ମୋର ସ୍ତ୍ରୀ। ମୁଁ ସବୁବେଳେ ତାଙ୍କ ସହିତ ଅଛି ଏବଂ ସେ ଶୋ’ରେ ଭଲ ପ୍ରଦର୍ଶନ କରନ୍ତୁ ବୋଲି ଚାହେଁ।”

ପଢନ୍ତୁ ଏହି ଖବର: ଆଜି ତୃତୀୟ ଥର ପାଇଁ ବିବାହ ବନ୍ଧନରେ ବାନ୍ଧି ହେବେ ଆମୀର ଖାନ୍

୨୦୧୬ରେ କରିଥିଲେ ବିବାହ

ଗୌରବ ଖାନ୍ନା ଓ ଆକାଂକ୍ଷା ଚାମୋଲାଙ୍କ ପରିଚୟ ଟେଲିଭିଜନ ଇଣ୍ଡଷ୍ଟ୍ରିରେ କାମ କରିବା ସମୟରେ ହୋଇଥିଲା। ପ୍ରଥମେ ଏକ ଅଡିସନରେ ସାକ୍ଷାତ ହେବା ପରେ ଦୁହେଁଙ୍କ ମଧ୍ୟରେ ବନ୍ଧୁତା ଓ ପରେ ପ୍ରେମ ସମ୍ପର୍କ ଗଢ଼ିଉଠିଥିଲା। ଦୀର୍ଘଦିନ ଡେଟିଂ କରିବା ପରେ ୨୪ ନଭେମ୍ବର ୨୦୧୬ରେ କାନପୁରରେ ସେମାନେ ବିବାହ କରିଥିଲେ।

ଗୌରବ ଖାନ୍ନା ‘ଅନୁପମା’ ଭଳି ଲୋକପ୍ରିୟ ଧାରାବାହିକରେ ଅଭିନୟ କରିଥିବାବେଳେ ଆକାଂକ୍ଷା ଚାମୋଲା ‘ସ୍ୱାଗିନୀ’, ‘ସନ୍ତୋଷୀ ମା’, ‘ଏହେ ହେଉଛି ଆଶିକୀ’ ଏବଂ ‘କ୍ରାଇମ ପାଟ୍ରୋଲ’ ଭଳି ଶୋ’ରେ କାମ କରିଛନ୍ତି।