ପହଲଗାମ ପ୍ରତିଶୋଧ ପରେ ଆଜି ଦିନ ୧୧ଟାରେ ବସିବ ସର୍ବଦଳୀୟ ବୈଠକ । ଅଧ୍ୟକ୍ଷତା କରିବେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ । ଗୃହମନ୍ତ୍ରୀ ଅମିତ୍ ଶାହ ଓ ସଂସଦୀୟ ବ୍ୟାପାର ମନ୍ତ୍ରୀ ରିକଣ ରିଜିଜୁ ବି ଉପସ୍ଥିତ ରହିବେ । ଏହି ବୈଠକରେ ପହଲଗାମର ପ୍ରତିଶୋଧ ନେଇ ସବୁ ଦଳକୁ ଜଣାଇବେ କେନ୍ଦ୍ର ସରକାର । ପହଲଗାମ ଆକ୍ରମଣର ପ୍ରତିଶୋଧ ନେଇଛି ଭାରତ । ଅନ୍ଧାର ରାତିରେ କେହି କିଛି ଭାବିବା ଆଗରୁ ଅତର୍କିତ ହେଲା ମିଜାଇଲ ମାଡ।

ଖସିଯିବାକୁ ସୁଯୋଗ ପାଇଲେନି ସୈତାନ । ପାକିସ୍ତାନ ଓ ପାକ୍ ଅଧିକୃତ କାଶ୍ମୀରରେ ରାତି ଅଧିଆ ଏୟାର ଷ୍ଟ୍ରାଇକ୍ କରିଛି ଭାରତ । ପହଲଗାମ ଆକ୍ରମଣ ପରେ ମୋଦୀ ଯାହା କହିଥିଲେ ତାହା କରି ଦେଖାଇଛନ୍ତି । ଆତଙ୍କବାଦୀଙ୍କ କଳ୍ପନାଠାରୁ ଅଧିକ ଜବାବ ମିଳିଛି । ଅପରେସନ ସିନ୍ଦୂରରେ ଆତଙ୍କୀଙ୍କୁ ନିପାତ କରିଛନ୍ତି ଭାରତୀୟ ସେନା । 'ଅପରେସନ୍ ସିନ୍ଦୂର'ର କିଛି ଘଣ୍ଟା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଭେଟି ଆକ୍ରମଣ ବିଷୟରେ ସୂଚନା ଦେଇଥିଲେ ।