ଆଜି ପ୍ରବଳ ବର୍ଷା ଯୋଗୁ ଅମରନାଥ ଯାତ୍ରା ସ୍ଥଗିତ । ପ୍ରବଳ ବର୍ଷା ପାଇଁ ଯାତାୟାତରେ ଅସୁବିଧା ହେବା ସହ ବାଲଥାଲ ଓ ପହଲଗାମରୁ ତୀର୍ଥଯାତ୍ରୀଙ୍କ ଆଗମନକୁ ବର୍ତ୍ତମାନ ପାଇଁ ବନ୍ଦ ରଖାଯାଇଛି । ଜମ୍ମୁ କାଶ୍ମୀରରେ ପ୍ରବଳ ବର୍ଷା ଜାରି ରହିଛି । ପ୍ରବଳ ବର୍ଷା ଯୋଗୁ ନଦୀ ଓ ନାଳଗୁଡିକରେ ଜଳସ୍ତର ବୃଦ୍ଧି ପାଇଛି । ଭୂସ୍ଖଳନ ଆଶଙ୍କା ରହିଥିବାରୁ ଯାତ୍ରୀଙ୍କ ପାଇଁ ସତର୍କ ସୂଚନା ଜାରି କରିଛି ଭାରତୀୟ ପାଣିପାଗ ବିଭାଗ । ଷ୍ଟିଲ ବ୍ରିଜରେ ଭୂସ୍ଖଳନରେ ୩ ଜଣ ଯାତ୍ରୀ ଆହତ ହୋଇଥିବା ସୂଚନା ମିଳିଛି । ଆଗାମୀ ୨୧ ଜୁଲାଇ ପର୍ଯ୍ୟନ୍ତ ଜମ୍ମୁ କାଶ୍ମୀରରେ ପ୍ରବଳରୁ ଅତି ପ୍ରବଳ ବର୍ଷା ଆକଳନ କରିଛି IMD …

୪୮ ଘଣ୍ଟା ମଧ୍ୟରେ ପ୍ରବଳ ବର୍ଷା ସମ୍ଭାବନା
ମୁଖତାର ଅହମ୍ମଦ କହିଛନ୍ତି ଯେ, ଆଗାମୀ ୪୮ ଘଣ୍ଟା ମଧ୍ୟରେ କାଶ୍ମୀର ଡିଭିଜନରେ ମଧ୍ୟମରୁ ପ୍ରବଳ ବର୍ଷା ହେବାର ସମ୍ଭାବନା ଅଛି। ସେ କହିଛନ୍ତି ଯେ, 18 ଜୁଲାଇରୁ ପାଗରେ ଉନ୍ନତି ଆସିବ ଏବଂ 20 ଜୁଲାଇ ପର୍ଯ୍ୟନ୍ତ ସମାନ ପାଗ ରହିବ। ସେ କହିଛନ୍ତି ଯେ, ପୁଣି 21ରୁ 23 ଜୁଲାଇ ପର୍ଯ୍ୟନ୍ତ ଜମ୍ମୁ କାଶ୍ମୀରରେ ଅଧିକ ବର୍ଷା ହେବାର ସମ୍ଭାବନା ଅଛି। ଏହା ବାଦ୍ ଆସନ୍ତା ୪୮ ଘଣ୍ଟା ମଧ୍ୟରେ ଜମ୍ମୁ ଅଞ୍ଚଳରେ ମଧ୍ୟ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ ବୋଲି ସେ ସୂଚନା ଦେଇଛନ୍ତି।

ପାଣିପାଗ ବିଭାଗର ନିର୍ଦ୍ଦେଶକ କହିଛନ୍ତି ଯେ, ବର୍ଷା ଯୋଗୁଁ କାଶ୍ମୀର ଉପତ୍ୟକାର ତାପମାତ୍ରା 23-24 ଡିଗ୍ରୀ ସେଲସିୟସକୁ ହ୍ରାସ ପାଇଛି। ବିଶେଷ କରି ଜମ୍ମୁ ଡିଭିଜନରେ ହାରାହାରି ତାପମାତ୍ରା ହ୍ରାସ ପାଇଛି। ଏପରିକି ବର୍ଷା ଯୋଗୁଁ କାଶ୍ମୀର ଅଞ୍ଚଳରେ ଜଳକଷ୍ଟ ମଧ୍ୟ 38 ପ୍ରତିଶତରୁ 25 ପ୍ରତିଶତକୁ ହ୍ରାସ ପାଇଛି।
ପର୍ଯ୍ୟଟକଙ୍କୁ ସମ୍ବେଦନଶୀଳ ଅଞ୍ଚଳକୁ ନଯିବା ପାଇଁ ପରାମର୍ଶ

ପାଣିପାଗ ବିଭାଗର ନିର୍ଦ୍ଦେଶକଙ୍କ ପରାମର୍ଶ ଅନୁଯାୟୀ, ଭକ୍ତ ଏବଂ ପର୍ଯ୍ୟଟକମାନଙ୍କୁ ପାହାଡ଼ିଆ ଏବଂ ସମ୍ବେଦନଶୀଳ ଅଞ୍ଚଳକୁ ନଯିବାକୁ ଏବଂ ସ୍ଥଗିତ ରଖିବାକୁ ଅନୁରୋଧ କରାଯାଇଛି। ଏପରିକି ଡାଲ୍ ହ୍ରଦ ଏବଂ ଅନ୍ୟାନ୍ୟ ହ୍ରଦରେ ଡଙ୍ଗା ଚଳାଚଳ କାର୍ଯ୍ୟକଳାପ ମଧ୍ୟ ସ୍ଥଗିତ ରଖିବାକୁ ପରାମର୍ଶ ଦିଆଯାଇଛି।

ଏହି ସମୟରେ ନଦୀଗୁଡ଼ିକର ଜଳସ୍ତର ବୃଦ୍ଧି ପାଇପାରେ। ଏହି ଦିନଗୁଡ଼ିକରେ ଅତ୍ୟଧିକ ବର୍ଷା ଯୋଗୁଁ ନଦୀ ଏବଂ ନାଳରେ ଜଳସ୍ତର ବୃଦ୍ଧି ପାଇବାର ସମ୍ଭାବନ ରହିଛି, ଯାହା ବନ୍ୟା ପରିସ୍ଥିତି ସୃଷ୍ଟି କରିପାରେ। ତେବେ 19ରୁ 20 ଜୁଲାଇ ମଧ୍ୟରେ ଉପତ୍ୟକାରେ ପାଗରେ ଉନ୍ନତି ହେବାର ସମ୍ଭାବନା ଥିବାରୁ ପରିସ୍ଥିତିରେ କ୍ରମେ ସୁଧାର ଆସିବ ବୋଲି ସେ କହିଛନ୍ତି।

Argus News | argus news | -Argusnews Home: Odisha Latest News, Breaking News, Trending News, Live TV and more