ନିକୋଲାସ ମାଦୁରୋଙ୍କୁ ଗିରଫ କରି, ଏକ ଡିଟେନସନ ସଣ୍ଟରରେ ରଖିଛି ଆମେରିକା । ହାତରେ ହାତକଡ଼ି ପକାଇ, ଫଟୋ ସେୟାର କରିଛି ସେନା । ଏଣିକି ଆମେରିକାରୁ ଭେନେଜୁଏଲା ଉପରେ ଶାସନ କରିବେ ଟ୍ରମ୍ପ । କୁହାଯାଉଛି ନିଷିଦ୍ଧ ଡ୍ରଗ୍ସ ବାହାନାରେ, ସେଠାକାର ତେଲ ଓ ଖଣିଜ ଉତ୍ସକୁ ନିୟନ୍ତ୍ରଣ କରିବାକୁ ଚାହୁଁଛି ଟ୍ରମ୍ପ ପ୍ରଶାସନ । ଆମେରିକାର ସାମରିକ କାର୍ଯ୍ୟାନୁଷ୍ଠାନକୁ ନିନ୍ଦା କରିଛନ୍ତି ରୁଷିଆ, ଚୀନ ଓ ଉତ୍ତର କୋରିଆ ସମେତ ଏକାଧିକ ଦେଶ । କେବଳ ଇଂଲଣ୍ଡ ଆମେରିକା ସମର୍ଥନରେ ବାହାରିଛି । ଭାରତ ମାପିଚୁପି ମନ୍ତବ୍ୟ ରଖିଛି । ସପଟେ ସହାୟତା ପାଇଁ ଅନ୍ତର୍ଜାତୀୟ ସମୁଦାୟକୁ ଅପିଲ କରିଛି ଭେନେଜୁଏଲା ।

ଭେନେଜୁଏଲାରେ ଜୋରଦାର ଆକ୍ରମଣ ପରେ ରାଷ୍ଟ୍ରପତି ନିକୋଲାସ ମାଦୁରୋଙ୍କୁ ଗିରଫ କରିଛି ଆମେରିକା ସେନା। ଆମେରିକା ସେନା ହାତରେ ଧରା ପଡ଼ିଲେ ରାଷ୍ଟ୍ରପତି ମାଦୁରୋ । କୁହାଯାଉଛି ଶୋଇବା ଘରେ ଥବାବେଳେ ପତ୍ନୀଙ୍କ ସହ ତାଙ୍କୁ ଉଠାଇ ଆଣିଲା US ଡେଲ୍ଟା ଫୋର୍ସ । ଭେନେଜୁଏଲାରୁ ବିମାନରେ ଆମେରିକା ଆଣିବା ଯାଏଁ, ମାଦୁରୋଙ୍କ ହାତରେ ପଡ଼ିଥିଲା ହାତକଡ଼ି । ଯାହାର ଫଟୋ ଓ ଭିଡିଓ ଜାରି କରିଛି ଆମେରିକା ସେନା।
ହ୍ବାଇଟ ହାଉସ ପକ୍ଷରୁ କୁହାଯାଇଛି ।

୧-୬୩ ବର୍ଷୀୟ ମାଦୁରୋଙ୍କ ବିରୋଧରେ ରହିଛି 'ନାର୍କୋ ଆତଙ୍କବାଦ' ଅଭିଯୋଗ ।
୨-ନିଷିଦ୍ଧ ଡ୍ରଗ୍ସ ଉତ୍ପାଦନ କରିବା ସହ ଆମେରିକାକୁ ପଠାଇବା ଅଭିଯୋଗରେ ଗିରଫ । 
୩-ମାରାତ୍ମକ ନିଶାଦ୍ରବ୍ୟ ଆମେରିକୀୟଙ୍କ ଜୀବନକୁ ବିପନ୍ନ କରୁଥିବା ଅଭିଯୋଗ ।
୪-ଭେନେଜୁଏଲା ବିରୋଧରେ ତେଲ ଚୋରି ଅଭିଯୋଗ ମଧ୍ୟ ରହିଛି ।

ମାଦୁରୋଙ୍କୁ ନ୍ୟୁୟର୍କର ଏକ ଡିଟେନସନ ସେଣ୍ଟରରେ ରଖାଯାଇଛି । ହେଲେ ଗୋଟିଏ ଦେଶର ରାଷ୍ଟ୍ରପତିଙ୍କୁ ଏଭଳି ବନ୍ଦୀ କରି ଉଠାଇ ଆଣିବା, ବିଶ୍ବ ପାଇଁ ବଡ଼ ବିପଦ ବୋଲି ଆଶଙ୍କା କରିଛନ୍ତି ବୈଦେଶିକ ବ୍ୟାପାର ବିଶେଷଜ୍ଞ ।

ରାଷ୍ଟ୍ରପତିଙ୍କ ଗିରଫଦାରି ପରେ ଭେନେଜୁଏଲାରେ ରାଜନୈତିକ ଅଚଳାବସ୍ଥା ସୃଷ୍ଟି ହୋଇଛି । ଉପରାଷ୍ଟ୍ରପତି ଡେଲ୍ସି ରୋଡ୍ରିଗେଜ୍ ଅନ୍ତରୀଣ ରାଷ୍ଟ୍ରପତି ଭାବେ ଦାୟିତ୍ବ ନେବା ସହ ଜରୁରୀ ପରିସ୍ଥିତି ଘୋଷଣା କରିଛନ୍ତି । ସେପଟେ ଟ୍ରମ୍ପ କହିଛନ୍ତି, ବର୍ତମାନ ସାମୟିକ ଭାବେ ଏହି ଦେଶକୁ ଚଳାଇବ ଆମେରିକା । ଏପରିକି ଏଠାକାର ତେଲ ଉତ୍ସଗୁଡ଼ିକୁ ନିୟନ୍ତ୍ରଣ କରିବ । ବାସ ଟ୍ରମ୍ପ ପ୍ରଶାସନର ଏହି କଥାଟି ଆମେରିକାର ଆଭିମୁଖ୍ୟ ଉପରେ ସନ୍ଦେହ ବଢ଼ାଇ ଦେଇଛି । କୁହାଯାଉଛି...

ଡ୍ରଗ୍ସ ବାହାନା, ଆମେରିକାର ତେଲ ନିଶାନା !
ଭେନେଜୁଏଲାର ତେଳ ଓ ଖଣିଜ ଉତ୍ସ ଉପରେ ଆମେରିକାର ଆଖି । 
ଆମେରିକାର ସାମରିକ କାର୍ଯ୍ୟାନୁଷ୍ଠାନକୁ ଭେନେଜୁଏଲାର ନିନ୍ଦା ।
ଅନ୍ତର୍ଜାତୀୟ ସମୁଦାୟ ଏଥିରେ ହସ୍ତକ୍ଷେପ କରିବାକୁ ଅପିଲ ।

ଆମେରିକାର ସାମରିକ କାର୍ଯ୍ୟାନୁଷ୍ଠାନକୁ ଚୀନ, ରୁଷିଆ, ଉତ୍ତର କୋରିଆ, ଇରାନ୍ ସମେତ ବ୍ରାଜିଲ, କଲମ୍ବିୟା, କ୍ୟୁବା ପରି ଏକାଧିକ ଦେଶ ନିନ୍ଦା କରିଛନ୍ତି । ପଡ଼ୋଶୀ ଲାଟିନ ଆମେରିକୀୟ ଦେଶଗୁଡ଼ିକ ମଧ୍ୟ ଆମେରିକା ବଳ ପ୍ରୟୋଗକୁ ନାପସନ୍ଦ କରିଛନ୍ତି । ଭାରତ ମଧ୍ୟ ପୁରା ଘଟଣାକୁ ଅନୁଧ୍ୟାନ କରୁଥିବା ଏବଂ ଆଲୋଚନା ମାଧ୍ୟମରେ ସମାଧାନ କରିବାକୁ ପରାମର୍ଶ ଦେଇଛି । କେବଳ ଇଂଲଣ୍ଡ ପ୍ରଧାନମନ୍ତ୍ରୀ ଆମେରିକା ସମର୍ଥନରେ ବାହାରିଛନ୍ତି । ମାଦୁରୋଙ୍କ କୁଶାସନର ପତନ ହେଲେ ଆଦୌ ଦୁଃଖ ହେବନାହିଁ ବୋଲି ମତ ରଖିଛନ୍ତି ।

ଭାରତୀୟ ସମୟ ଶନିବାର ରାତି ପ୍ରାୟ ୨ଟାରେ ଦକ୍ଷୀଣ ଆମେରିକୀୟ ଦେଶ ଭେନେଜୁଏଲା ଉପରେ ପ୍ରଚଣ୍ଡ ଆକ୍ରମଣ କରିଥିଲା ଆମେରିକା ସେନା । FBI ଏବଂ CIA ସହାୟତାରେ ବିଭିନ୍ନ ସାମରିକ ଘାଟି ଓ ରାଷ୍ଟ୍ରପତି ନିକୋଲାସ ମାଦୁରୋଙ୍କ ସହ ଜଡ଼ିତ ପ୍ରତିଷ୍ଠାନ ଉପରେ ମିସାଇଲ ମାଡ଼ କରିଥିଲା US ଡେଲ୍ଟା ଫୋର୍ସ । ରାଜଧାନୀ କାରକାସ ସମେତ ଭେନେଜୁଏଲାର ୪ଟି ସହରରେ ଆକାଶରୁ ହେଲା ନିଆଁବର୍ଷା । ଆମେରିକାରେ ନାର୍କୋ ଆତଙ୍କବାଦର ଅଭିଯୁକ୍ତ ଭେନେଜୁଏଲା ରାଷ୍ଟ୍ରପତି ନିକୋଲାସ ମାଦୁରୋଙ୍କୁ ଗିରଫ କରିବା ଥିଲା ଏହି ସାମରିକ ଅପରେସନର ଉଦ୍ଦଶ୍ୟ ।