Business: ଆନନ୍ଦମୟୀଙ୍କୁ ନେଇ ଏବେ ସବୁଠି ଚର୍ଚ୍ଚା, ୨୨ ବର୍ଷରେ ୨.୫ ବିଲିୟନ ସମ୍ପତ୍ତି
Key Points
ପିତାଙ୍କ ଦ୍ୱାରା ଦିଆଯାଇଥିବା ନୂତନ ଦାୟିତ୍ୱ ସହିତ ଆନନ୍ଦମୟୀ କମ୍ପାନୀର ଷ୍ଟ୍ରାଟେଜି ବିଭାଗର କାର୍ଯ୍ୟ ସମ୍ଭାଳିବେ।
ଆନନ୍ଦମୟୀଙ୍କ ମାଆ ବାସବଦତ୍ତ ବଜାଜ ଆଦିତ୍ୟ ବିର୍ଲା ଗ୍ରୁପ୍ ଅଧ୍ୟକ୍ଷ କୁମାର ମଙ୍ଗଳମ୍ ବିର୍ଲାଙ୍କ ଭଉଣୀ।
ସାରା ଦେଶରେ ଏବେ ଆନନ୍ଦମୟୀଙ୍କୁ ନେଇ ଚର୍ଚ୍ଚା । କିଏ ଏହି ଆନନ୍ଦମୟୀ ? ମାତ୍ର ୨୨ ବର୍ଷ ବୟରେ ୨.୫ ବିଲିୟନ ସମ୍ପତ୍ତିର ମାଲିକ । ଅଚାନକ ନେଲେ ବଡ଼ ଦାୟିତ୍ୱ । ୧୦୦ ବର୍ଷର କମ୍ପାନୀ, ଯାହାର ଭାର ସମ୍ଭାଳିବେ ଆନନ୍ଦମୟୀ । ଆନନ୍ଦମୟୀ ବଜାଜ ଏବେ ସୋସିଆଲ ମିଡିଆ ଏବଂ କର୍ପୋରେଟ୍ ଜଗତରେ ଶିରୋନାମାରେ ଅଛନ୍ତି । ୨୨ ବର୍ଷିୟା ଆନନ୍ଦମୟୀ, ବଜାଜ ଗ୍ରୁପର ଅଧ୍ୟକ୍ଷ କୁଶାଗ୍ର ବଜାଜଙ୍କ ଝିଅ । ଏତେ କମ ବୟସରେ ଆନନ୍ଦମୟୀ, କମ୍ପାନୀରେ ଜେନେରାଲ ମ୍ୟାନେଜର (ଷ୍ଟ୍ରାଟେଜି) ଭାବରେ ଯୋଗ ଦେଇଛନ୍ତି । ଏହା ସହିତ ସେ ଏବେ ତାଙ୍କର ୨.୫ ବିଲିୟନ ଡଲାରର ପାରିବାରିକ ବ୍ୟବସାୟରେ ସାହାଯ୍ୟ କରିବେ। ତାଙ୍କ ପିତାଙ୍କ ଦ୍ୱାରା ଦିଆଯାଇଥିବା ଏହି ନୂତନ ଦାୟିତ୍ୱ ସହିତ ଆନନ୍ଦମୟୀ କମ୍ପାନୀର ଷ୍ଟ୍ରାଟେଜି ବିଭାଗର କାର୍ଯ୍ୟ ସମ୍ଭାଳିବେ।
ଆନନ୍ଦମୟୀଙ୍କ ମାଆ ବାସବଦତ୍ତ ବଜାଜ ଆଦିତ୍ୟ ବିର୍ଲା ଗ୍ରୁପ୍ ଅଧ୍ୟକ୍ଷ କୁମାର ମଙ୍ଗଳମ୍ ବିର୍ଲାଙ୍କ ଭଉଣୀ। ଆନନ୍ଦମୟୀ ଜୁନ୍ ମାସରେ କଲମ୍ବିଆ ବିଶ୍ୱବିଦ୍ୟାଳୟରୁ ଅର୍ଥନୀତି ଏବଂ ଗଣିତରେ ସ୍ନାତକ ଡିଗ୍ରୀ ହାସଲ କରିଛନ୍ତି। ଏହି ନୂତନ ଦାୟିତ୍ୱ ସହିତ, ଆନନ୍ଦମୟୀ ଗ୍ରୁପର ବିଭିନ୍ନ ବ୍ୟବସାୟର ନେତୃତ୍ୱ ଦଳ ସହିତ ଘନିଷ୍ଠ ଭାବରେ କାର୍ଯ୍ୟ କରିବେ ଏବଂ ପରେ କମ୍ପାନୀର ବୋର୍ଡରେ ଯୋଗଦେବେ।
ଆନନ୍ଦମୟୀ ପଶୁପକ୍ଷୀମାନଙ୍କୁ ମଧ୍ୟ ବହୁତ ଭଲ ପାଆନ୍ତି। ଏହା ବ୍ୟତୀତ ସେ ମହିଳା ସଶକ୍ତିକରଣ ପ୍ରତି ମଧ୍ୟ ବହୁତ ସଚେତନ। ତାଙ୍କର ଦୁଇ ଭାଇ ଅଛନ୍ତି - ଯୁଗାଦିକୃତ (୨୦) ଏବଂ ବିଶ୍ୱରୂପ (୧୭)। ଯୁଗାଦିକୃତ ବର୍ତ୍ତମାନ ପାଠପଢ଼ୁଛନ୍ତି ଏବଂ ଆଗାମୀ ଦୁଇ ବର୍ଷ ମଧ୍ୟରେ କମ୍ପାନୀର ବୋର୍ଡରେ ଯୋଗଦେବେ ।
ପ୍ରାୟ ୧୦୦ ବର୍ଷ ପୁରୁଣା କମ୍ପାନୀ ବଜାଜ ଗ୍ରୁପର ଏକ ବ୍ୟବସାୟ ଚିନି, ଇଥାନଲ୍, ବିଦ୍ୟୁତ୍ ଏବଂ ପର୍ସନଲ କେୟାର ଭଳି ବିଭିନ୍ନ କ୍ଷେତ୍ରରେ ବିସ୍ତାରିତ । ଜମନାଲାଲ୍ ବଜାଜ ୧୯୩୦ ମସିହାରେ ଏହି କମ୍ପାନୀ ଆରମ୍ଭ କରିଥିଲେ, ଯାହା ଆଜି ୧୨,୦୦୦ ରୁ ଅଧିକ ଲୋକଙ୍କୁ ନିଯୁକ୍ତି ଦେଉଛି। ବର୍ତ୍ତମାନ କମ୍ପାନୀଟି କୁଶାଗ୍ର ବଜାଜ, ରାଜୀବ ବଜାଜ ଏବଂ ସଞ୍ଜୀବ ବଜାଜଙ୍କ ନେତୃତ୍ୱରେ ଚାଲିଛି।
ରାଜୀବ ଓ ସଞ୍ଜୀବ, କୁଶାଗ୍ରଙ୍କ ସମ୍ପର୍କୀୟ ଭାଇ। ରାଜୀବ ବଜାଜଙ୍କ ପୁଅ ରିଷଭ ବଜାଜ ବଜାଜ ଅଟୋରେ ଡିଭିଜନାଲ୍ ମ୍ୟାନେଜର । ଯେତେବେଳେ ସଞ୍ଜୀବଙ୍କ ଝିଅ ସଞ୍ଜଳୀ ବଜାଜ ଫିନସର୍ଭରେ କାମ କରିବା ପରେ ବର୍ତ୍ତମାନ ହାର୍ଭାର୍ଡରୁ MBA କରୁଛନ୍ତି।
