Anbil Mahesh / ତାମିଲନାଡ଼ୁର ପୂର୍ବତନ ଶିକ୍ଷା ମନ୍ତ୍ରୀ ତଥା DMK ତଥା ଅନବିଲ ମହେଶ ଗିରଫ

ଚେନ୍ନାଇ: ତାମିଲନାଡୁର ଡିଏମକେ (DMK) ନେତା ତଥା ପୂର୍ବତନ ସ୍କୁଲ ଶିକ୍ଷା ମନ୍ତ୍ରୀ ଅନବିଲ ମହେଶ ପୋୟାମୋଝିଙ୍କୁ ଗିରଫ ହୋଇଛନ୍ତି । ଅନବିଲ ମହେଶଙ୍କୁ ଚେନ୍ନାଇ ପୋଲିସର ସେଣ୍ଟ୍ରାଲ କ୍ରାଇମ ବ୍ରାଞ୍ଚ (CCB) । ଘରୋଇ ସ୍କୁଲଗୁଡ଼ିକୁ ସରକାରୀ ଅନୁମତି ଓ ମାନ୍ୟତା ଦେବା ନାଁରେ ୧୦୦ କୋଟି ଟଙ୍କାର ଲାଞ୍ଚ କାରବାର ଅଭିଯୋଗରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ପୋଲିସ ।

ମାଡ୍ରାସ ହାଇକୋର୍ଟ ଅନବିଲ ମହେଶଙ୍କ ଆଗୁଆ ଜାମିନ ଆବେଦନ ଅକ୍ଟୋବର ୨୬ (ସୋମବାର) ଖାରଜ କରିବାର କିଛି ଘଣ୍ଟା ପରେ ପୋଲିସ ତାଙ୍କୁ ଗିରଫ କରିଛି । ତେବେ ମହେଶ ତାଙ୍କ ବିରୋଧରେ ଥିବା ଅଭିଯୋଗକୁ ଖଣ୍ଡନ କରିଛନ୍ତି । ଏହି ମାମଲାରେ ତଦନ୍ତ ଜାରି ରହିଛି ।

ଏଥିସହ ପଢ଼ନ୍ତୁ: ବନ୍ଧା ହେଲେ ସଫ୍ଟୱେର୍ ଇଞ୍ଜିନିୟର; ଦେଶ ସାରା ଦେଇଥିଲେ ୮ ଶହରୁ ଅଧିକ ଧମକ 

ପୂରା ମାମଲା କ’ଣ ?

ପୋଲିସ ଅନୁସାରେ, ତାମିଲନାଡୁର ଘରୋଇ ସ୍କୁଲ୍ ଗୁଡ଼ିକୁ ସ୍ଥାୟୀ ମାନ୍ୟତା, ସ୍କୁଲର ଉନ୍ନତିକରଣ ଓ କୋଠା ନିର୍ମାଣ ପାଇଁ ଆବଶ୍ୟକ ସରକାରୀ ଅନୁମତି ଦେବାର ପ୍ରତିଶ୍ରୁତି ଦେଇ ଟଙ୍କା ଆଦାୟ କରାଯାଇଥିଲା ।

ଏହି ମାମଲାରେ ୧୭୭ରୁ ଅଧିକ ଘରୋଇ ସ୍କୁଲର ପରିଚାଳନା କମିଟି ସମ୍ପର୍କରେ ତଦନ୍ତକାରୀ ସଂସ୍ଥା ତଥ୍ୟ ପାଇଥିବା କହିଛି । ସ୍କୁଲ୍ ଗୁଡ଼ିକଠାରୁ ଆଦାୟ ହୋଇଥିବା ଟଙ୍କାକୁ ‘ପାର୍ଟି ଫଣ୍ଡ୍‌’ ବୋଲି ଦର୍ଶାଯାଇଥିବା ମଧ୍ୟ ପୋଲିସ ଅଭିଯୋଗ କରିଛି । ତେବେ ୧୦୦ କୋଟି ଟଙ୍କାର ଲାଞ୍ଚ ନେଇଥିବା ଅଭିଯୋଗ ଏବେ ତଦନ୍ତ ପର୍ଯ୍ୟାୟରେ ରହିଛି; ଏହା ଅଦାଲତରେ ପ୍ରମାଣିତ ହୋଇନାହିଁ ।

ତଦନ୍ତରେ କ’ଣ ମିଳିଲା ?

ଚେନ୍ନାଇ ପୋଲିସର ସେଣ୍ଟ୍ରାଲ କ୍ରାଇମବ୍ରାଞ୍ଚ ଅନୁସାରେ, ଏହି ମାମଲାରେ ଏକ ଅଣପଞ୍ଜୀକୃତ ସଂଗଠନର ଭୂମିକା ରହିଛି । ବି.ଟି. ଅରାସାକୁମାରଙ୍କ ନେତୃତ୍ୱରେ ଏହି ସଂଗଠନ ଘରୋଇ ସ୍କୁଲ୍ ଗୁଡ଼ିକଠାରୁ ଟଙ୍କା ଆଦାୟ କରିଥିବା ତଦନ୍ତକାରୀ ସଂସ୍ଥା କହିଛି ।

ତଦନ୍ତକାରୀଙ୍କ ଅଧିକାରୀଙ୍କ ଦାବି ଅନୁସାରେ, ଏହି ମାମଲାରେ ଏପର୍ଯ୍ୟନ୍ତ ୧୭.୨୬ କୋଟି ଟଙ୍କାର ସନ୍ଦେହ ଜନକ କାରବାରର ତଥ୍ୟ ମିଳିଛି । ଡିଜିଟାଲ ଉପକରଣରୁ ମିଳିଥିବା ତଥ୍ୟ ଓ କିଛି ବ୍ୟକ୍ତିଙ୍କ ବୟାନ ଆଧାରରେ ମହେଶଙ୍କ ସମ୍ପୃକ୍ତି ଥିବା ସନ୍ଦେହ କରାଯାଇଛି । ଏହି ମାମଲାରେ ତାଙ୍କୁ ପଞ୍ଚମ ଅଭିଯୁକ୍ତ ଭାବେ ଗିରଫ କରାଯାଇଛି ।

ମାଡ୍ରାସ ହାଇକୋର୍ଟରେ କ’ଣ ହେଲା ?

ଅନବିଲ ମହେଶ ଗିରଫଦାରୀରୁ ସୁରକ୍ଷା ପାଇବା ପାଇଁ ଆଗୁଆ ଜାମିନ ଆବେଦନ କରିଥିଲେ । କିନ୍ତୁ ସୋମବାର ଅକ୍ଟୋବର ୨୬ରେ ମାଡ୍ରାସ ହାଇକୋର୍ଟ ତାଙ୍କ ଆବେଦନ ଖାରଜ କରି ଦେଇଛନ୍ତି । ଯାହା ପରେ ଚେନ୍ନାଇ ପୋଲିସ ତାଙ୍କୁ ଗିରଫ କରିଛି ।

ଏଥିସହ ପଢ଼ନ୍ତୁ: ଆଖି ଲୁହରେ ଭରିଯିବ ! ବଡ଼ ହୃଦୟ ଦେଖାଇଲେ ଅନନ୍ତ, ଡେଲିଭରି ବୟଙ୍କୁ ଦେଲେ ସ୍କୁଟର ଉପହାର 

ଅନ୍ୟପଟେ, ମହେଶ ତାଙ୍କ ବିରୋଧରେ ରୁଜୁ ଏଫ୍‌ଆଇଆର୍‌କୁ ରଦ୍ଦ କରିବା ପାଇଁ ମଧ୍ୟ ଅଦାଲତର ଦ୍ୱାରସ୍ଥ ହୋଇଛନ୍ତି । ଡିଏମକେ ପକ୍ଷରୁ ଅଭିଯୋଗ କରାଯାଇଛି ଯେ, ତାମିଲନାଡୁର ଶାସକ ଦଳ ଟିଭିକେ (TVK) ରାଜନୈତିକ ବିରୋଧୀଙ୍କୁ ଟାର୍ଗେଟ୍‌ କରିବା ପାଇଁ ତଦନ୍ତକାରୀ ସଂସ୍ଥାର ବ୍ୟବହାର କରୁଛି ।