ପାଣିରେ ବ୍ରିଜ ତିଆରି କଲେ ପିମ୍ପୁଡି, ଭାଇରାଲ ହେଲା ଭିଡିଓ
ଅର୍ଗସ ବ୍ୟୁରୋ : ପିମ୍ପୁଡି ଭଗବାନଙ୍କ ସୃଷ୍ଟିରେ ସବୁଠୁ ଛୋଟ ଆଉ ବୁଦ୍ଧିମାନ କୀଟ । କିନ୍ତୁ ସେମାନଙ୍କ ଦଳଗତ କାର୍ଯ୍ୟ ଏବଂ ବୁଦ୍ଧି ପାଇଁ ସେମାନଙ୍କୁ ପରିଶ୍ରମୀ କୀଟ ବୋଲି ଆଖ୍ୟା ଦିଆଯାଏ । ସେମାନେ ସବୁ ସମୟରେ ସେମାନଙ୍କ ଖାଦ୍ୟ ସନ୍ଧାନ କରିବାରେ ଲାଗିଥାନ୍ତି । ଏବେ ପିମ୍ପୁଡିଙ୍କ ଏପରି ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଯାହାକୁ ଦେଖିଲେ ଆପଣ ବେଶ ଆଶ୍ଚର୍ଯ୍ୟ ହୋଇଯିବେ । ଯେପରି ଭଗବାନଙ୍କ ପ୍ରକୃତିର ଇଞ୍ଜିନିୟର ବୋଲି ୟୁଜର୍ସମାନେ କହିଛନ୍ତି ।
ଏହି ଭିଡିଓକୁ ନେଚର ଇଜ୍ ଆମାଜିଙ୍ଗ ଆକାଉଣ୍ଟ ଦ୍ବାରା ଟ୍ବିଟରରେ ଶେୟାର କରାଯାଇଛି । ଯେଉଁଥିରେ ସେମାନେ ପରସ୍ପର ସହ ଯୋଡି ହୋଇ ପାଣି ଉପରେ ଏକ ବ୍ରିଜ ତିଆରି କରିଛନ୍ତି । ଯାହାଦ୍ବାରା ଅନ୍ୟ ପିମ୍ପୁଡିମାନେ ଏପାର୍ଶ୍ବରୁ ସେପାର୍ଶ୍ବକୁ ସେହି ବ୍ରିଜ ଦେଇ ପାର କରୁଛନ୍ତି ।
ଏହି ଭିଡିଓକୁ ଏପର୍ଯ୍ୟନ୍ତ ୬ ଲକ୍ଷ ଲୋକ ଦେଖିଛନ୍ତି । ଅନେକ ୟୁଜର୍ସ ପିମ୍ପୁଡିମାନଙ୍କର ଏପରି କାର୍ଯ୍ୟ ଦେଖି ଖୁବ ଆଶ୍ଚର୍ଯ୍ୟ ହୋଇଛନ୍ତି ।ଜଣେ ୟୁଜର୍ସ ଲେଖିଛନ୍ତି , ପ୍ରକୃତରେ ଭଗବାନଙ୍କ ସୃଷ୍ଟି ଅତି ବିଚିତ୍ର । ସେମାନେ ମଣିଷଙ୍କ ଠାରୁ ମଧ୍ୟ ଖୁବ ଭଲ ଇଞ୍ଜିନିୟର ବୁଦ୍ଧି ଲଗାଇଛନ୍ତି । ସେହିପରି ଆଉ ଜଣେ ୟୁଜର୍ସ ଲେଖିଛନ୍ତି, ସତରେ ପିମ୍ପୁଡିମାନେ ଦଳବାନ୍ଧି କାର୍ଯ୍ୟ କରିବାରେ ଏବଂ ଋଣନୀତି ତିଆରି କରିବାରେ ମାଷ୍ଟର ଅଟନ୍ତି । ଏହି ଭିଡିଓରେ ପ୍ରକୃତିର ଚମତ୍କାରିତା ଏବଂ ଏହାର ଛୋଟ ପ୍ରାଣୀମାନଙ୍କର ବୁଦ୍ଧିମାନର କାର୍ଯ୍ୟକୁ ଦର୍ଶାଯାଇଛି ।
Ants build a bridge to cross water. pic.twitter.com/yvNcdPHJ08
— Nature is Amazing ☘️ (@AMAZlNGNATURE) December 29, 2024
