ଘାଟିକୁ ଖସିଲା ସେନା ଟ୍ରକ । ଦୁର୍ଘଟଣାରେ ୩ ଜଣ ଯବାନ ସହିଦ । ଜମ୍ମୁ-କାଶ୍ମୀର ରାମବାନର ବ୍ୟାଟେରୀ ଚଷମାରେ ସେନା ଟ୍ରକଟି ପ୍ରାୟ 200-300 ମିଟର ତଳ ଘାଟିକୁ ଖସି ପଡ଼ିଛି । ଏଥିରେ ୩ ଜଣ ଯବାନଙ୍କ ମୃତ୍ୟୁ ନେଇ ସୂଚନା ମିଳିଛି । ସ୍ଥାନୀୟ ପୋଲିସ, SDRF, ସେନା ଏବଂ ସ୍ଥାନୀୟ ଲୋକଙ୍କ ଦ୍ବାରା ଉଦ୍ଧାର କାର୍ଯ୍ୟ ଜାରି ରହିଛି । ଟ୍ରକଟି ଜମ୍ମୁରୁ ଶ୍ରୀନଗର ଯାଉଥିଲା । ମୃତଦେହ ଗୁଡ଼ିକୁ ରାମବାନ ଜିଲ୍ଲା ହସ୍ପିଟାଲକୁ ଅଣାଯାଉଛି । ମୃତ ଯବାନ ହେଉଛନ୍ତି ଅମିତ କୁମାର, ସୁଜିତ କୁମାର, ମନ ବାହାଦୂର ।