ଅରୁଣାଚଳ ପ୍ରଦେଶର ଅଞ୍ଜାଓ ଜିଲ୍ଲାରେ ଏକ ହୃଦୟ ବିଦାରକ ଦୁର୍ଘଟଣା ଘଟିଛି । ଶ୍ରମିକମାନଙ୍କୁ ନେଇ ଯାଉଥିବା ଏକ ଟ୍ରକ୍ ବିପଜ୍ଜନକ ପାହାଡ଼ିଆ ରାସ୍ତାରୁ ଖସିପଡ଼ି ହଜାର ଫୁଟ ଗଭୀର ଖାଲରେ ପଡ଼ିଛି । ଏହି ଦୁର୍ଘଟଣାରେ ପ୍ରାୟ ୨୨ ଜଣ ଶ୍ରମିକଙ୍କର ମୃତ୍ୟୁ ଘଟିଥିବା ବେଳେ କେବଳ ଜଣେ ଶ୍ରମିକଙ୍କୁ ଜୀବନ୍ତ ଉଦ୍ଧାର କରାଯାଇଛି। 

A truck carrying 22 labourers reportedly fell into a deep gorge between Hayuliang and Chakla, in the remote Chaglagam circle under Anjaw district. A rescue operation is currently underway, and efforts are on to contact authorities to know more about the incident. pic.twitter.com/rPGLnVvVXP

— DD News Arunachal (@DDNewsArunachal) December 11, 2025

ଏହାସହ ପଢ଼ନ୍ତୁ: କାରକୁ ଧକ୍କା ଦେଲା କାର, ଜଳିଗଲେ ପୋଲିସ କନଷ୍ଟେବଳଙ୍କ ପରିବାର...

ମିଳିଥିବା ସୂଚନା ଅନୁସାରେ, ଆଜି ଅରୁଣାଚଳ ପ୍ରଦେଶର ହେଲଙ୍ଗ୍-ଚାଗଲାଘମ୍ ରାସ୍ତାର ମେଟେଙ୍ଗଲିଆଙ୍ଗ ନିକଟରେ ଏହି ଦୁର୍ଘଟଣା ଘଟିଛି । ଟ୍ରକରେ ଥିବା ସମସ୍ତ ଶ୍ରମିକ ଆସାମର ତିନସୁକିଆ ଜିଲ୍ଲାର ଗେଲାପୁଖୁରି ଚା ବଗିଚାର ବାସିନ୍ଦା ଥିଲେ । ସମସ୍ତ ଶ୍ରମିକ ଅରୁଣାଚଳ ପ୍ରଦେଶର ଏକ ପ୍ରୋଜେକ୍ଟ ସାଇଟକୁ ଯାଉଥିଲେ। ଯିବା ସମୟରେ ଏକ ବିପଜ୍ଜନକ ଘାଟି ରାସ୍ତାରେ ଏହି ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଥିଲା । କିଛି ଶ୍ରମିକଙ୍କ ପରିଚୟ ମିଳିଥିବା ବେଳେ ଏପର୍ଯ୍ୟନ୍ତ ୩ ଜଣ ଶ୍ରମିକଙ୍କ ପରିଚୟ ମିଳିନାହିଁ । ମୃତକଙ୍କ ପରିବାରକୁ ଏନେଇ ସୂଚନା ମଧ୍ୟ ଦିଆଯାଇଛି । ଉଦ୍ଧାରକାରୀ ଦଳ ଦୁର୍ଘଟଣାସ୍ଥଳରୁ ୨୨ ଜଣଙ୍କ ମୃତଦେହ ଉଦ୍ଧାର କରିଥିବା ବେଳେ ଜଣଙ୍କୁ ଜୀବିତ ଉଦ୍ଧାର କରିଛନ୍ତି।

ଏହାସହ ପଢ଼ନ୍ତୁ: ବିମାନ ବାତିଲ୍ ପ୍ରଭାବିତ ଯାତ୍ରୀଙ୍କ ପାଇଁ ଇଣ୍ଡିଗୋର ବଡ଼ ଘୋଷଣା; କ୍ଷତିପୂରଣ ସହ ଦେବ ଅତିରିକ୍ତ ୧୦ ହଜାର ଟଙ୍କା

ତେବେ ଅତ୍ୟନ୍ତ ଦୁର୍ଗମ ଅଞ୍ଚଳ ଏବଂ ଖରାପ ରାସ୍ତା ଯୋଗୁଁ ଉଦ୍ଧାର କାର୍ଯ୍ୟରେ ବହୁତ ଅସୁବିଧା ହେଉଛି । ପୋଲିସ, ଜିଲ୍ଲା ପ୍ରଶାସନ, ଏସଡିଆରଏଫ ଏବଂ ସେନା ଟିମ୍ ମିଳିତ ଭାବେ ଏହି ଅପରେସନ ଚଲାଇଛନ୍ତି । ଉଦ୍ଧାର ହୋଇଥିବା ସମସ୍ତ ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି। ଆସାମ ଏବଂ ଅରୁଣାଚଳ ପ୍ରଦେଶର ବରିଷ୍ଠ ଅଧିକାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି ।

ଏହି ଅଞ୍ଚଳ କଠିନ ଭୌଗୋଳିକ ପରିସ୍ଥିତି ପାଇଁ ଜଣାଶୁଣା । ଭାରତ-ଚୀନ୍ ସୀମାରେ ସଂଯୁକ୍ତ ସଡ଼କ ପ୍ରକଳ୍ପରେ କାର୍ଯ୍ୟ କରୁଥିବା ଶ୍ରମିକମାନଙ୍କୁ ପ୍ରତିଦିନ ଅତ୍ୟନ୍ତ ବିପଜ୍ଜନକ ରାସ୍ତା ଦେଇ ଯିବାକୁ ପଡୁଥାଏ । ଅନେକ ସମୟରେ ଖରାପ ପାଗ, ଭୂସ୍ଖଳନ ଏବଂ ସଂକୀର୍ଣ୍ଣ ରାସ୍ତା ଦୁର୍ଘଟଣାର କାରଣ ହୋଇଥାଏ । ତେବେ ବର୍ତ୍ତମାନ ପର୍ଯ୍ୟନ୍ତ ଦୁର୍ଘଟଣାର କାରଣ ଜଣାପଡ଼ି ନାହିଁ । ଅଞ୍ଜାଓ ଡେପୁଟି କମିଶନର ମିଲୋ କୋଜିନ୍ କହିଛନ୍ତି ଯେ ତଦନ୍ତ ଚାଲିଛି । ଏହାର କାରଣ ଖୁବ୍ ଶୀଘ୍ର ଜଣାପଡ଼ିବ ।