ଅର୍ଗସ ବ୍ୟୁରୋ: ସୋସିଆଲ ମିଡିଆରେ ଏବେ ବିପ୍ଲବ ସୃଷ୍ଟି କରିଛନ୍ତି କଣ୍ଟେଣ୍ଟ କ୍ରିଏଟର । ଗାଁ, ଜିଲ୍ଲା , ରାଜ୍ୟଠୁ ଆରମ୍ଭ କରି ଦେଶର କୋଣ ଅନୁକୋଣରେ ଭିନ୍ନ ଭିନ୍ନ ଦିଗରେ ସୁନ୍ଦର ସୁନ୍ଦର ଭିଡିଓ ଅପଲୋଡ୍ ବି କରୁଛନ୍ତି । ଯାହା ଦ୍ୱାରା ସେହି ଅଞ୍ଚଳର କଳା, ସଂସ୍କୃତି, ଐତିହ, ପରମ୍ପରାକୁ ବିଶ୍ୱର କୋଣ ଅନୁକୋଣରେ ପହଞ୍ଚି ପାରୁଛି । 

ସେହି କଣ୍ଟେଣ୍ଟ କ୍ରିଏଟରଙ୍କ ପାଇଁ ପ୍ରଥମ ଥର ନୂଆଦିଲ୍ଲୀ ଭାରତ ମଣ୍ଡପମରେ  ନ୍ୟାସନାଲ କଣ୍ଟେଣ୍ଟ କ୍ରିଏଟରସ୍ସ ଆୱାର୍ଡ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ପାଖାପାଖି ୨୦ଟି ବର୍ଗରେ ୨୩ ଜଣଙ୍କୁ ପୁରସ୍କାର ବି ମିଳିଛି ।

ଜାଣନ୍ତୁ କାହାକୁ ମିଳିଲା ପୁରସ୍କାର ?
ମୋଟିଭେସନାଲ ସ୍ପିକର

1- ସାମାଜିକ ପରିବର୍ତ୍ତନରେ ବେଷ୍ଟ୍ କ୍ରିଏଟର୍ ଭାବରେ ଜୟା କିଶୋରୀଙ୍କୁ ମିଳିଛି ପୁରସ୍କାର । ପ୍ରସିଦ୍ଧ ପ୍ରବଚିକା ଜୟା କିଶୋରୀ (Jaya Kishori) ଙ୍କୁ କିଏ ବା ନଜାଣନ୍ତି । ତାଙ୍କର ପ୍ରେରଣାଦାୟୀ ବଚନ ଓ ଶ୍ରୀମଦ୍ ଭଗବଦ୍ ଗୀତା ପାଠ ଯୋଗୁଁ ସାରା ଦେଶରେ ତାଙ୍କର ଲକ୍ଷଲକ୍ଷ ପ୍ରଶଂସକ ରହିଛନ୍ତି । 

2-ମୈଥିଲି ଠାକୁର 

କଲଚରାଲ୍ ଆମ୍ବାସେଡର୍ ଅଫ୍ ଦ ଇୟର୍ ଆୱାର୍ଡରେ ସମ୍ମାନିତ ହୋଇଛନ୍ତି ମୈଥିଲି  । ଲୋକପ୍ରିୟ ଗାୟକ ମୈଥିଲି ଠାକୁରଙ୍କୁ ପ୍ରଧାନମନ୍ତ୍ରୀ ମୋଦି ସାଂସ୍କୃତିକ ରାଷ୍ଟ୍ରଦୂତ ପୁରସ୍କାର ପ୍ରଦାନ କରିଛନ୍ତି । ତାଙ୍କର ଗୋଟିଏ ଗୀତ ସୋସିଆଲ ମିଡିଆରେ ଅନେକ ଲୋକଙ୍କୁ ବାନ୍ଧି ରଖିଥାଏ । 

3-ଡ୍ରୁ ହିକ୍ସ

ଶ୍ରେଷ୍ଠ ଆନ୍ତର୍ଜାତୀୟ କ୍ରିଏଟର୍ସ ବା ରଚନାକାର ପୁରସ୍କାର ପାଇଛନ୍ତି ଡ୍ରୁ ହିକ୍ସ । ସେହିପରି ଖେଳ ବର୍ଗରେ ନିଶ୍ଚୟଙ୍କୁ ମିଳିଛି ଶ୍ରେଷ୍ଠ କ୍ରିଏଟର୍ସ ପୁରସ୍କାର । ଏଥି ସହିତ ଅଙ୍କିତ ବାଇୟାନପୁରିଆ ଶ୍ରେଷ୍ଠ ସ୍ବାସ୍ଥ୍ୟ ଏବଂ ଫିଟନେସ କ୍ରିଏଟର୍ସ ପୁରସ୍କାର ପାଇଛନ୍ତି । ପ୍ରଧାନମନ୍ତ୍ରୀ ମୋଦି ଶିକ୍ଷା ବର୍ଗରେ ନମନ ଦେଶମୁଖଙ୍କୁ ଶ୍ରେଷ୍ଠ ଲେଖକ ପୁରସ୍କାର ପ୍ରଦାନ କରିଛନ୍ତି । ଡିସରପଟର ଅଫ ଦି ଇୟର ପୁରସ୍କାର ପାଇଛନ୍ତି ରଣବୀର ଇଲାହାବାଦିଆ । 

ସେହିପରି ଘରେ ଘରେ ପରିଚିତ କବିତାସ୍ କିଚେନ । ଯାହାଙ୍କ ରୋଷେଇ ଦେଖି ଅନେକ ଲୋକ ନିଜ ଘରେ କିଛି ନୂଆ ଓ ସୁଆଦିଆ ଖାଇବା ପ୍ରସ୍ତୁତ କରିଥାନ୍ତି । ବେଷ୍ଟ କ୍ରିଏଟର ଇନ୍ ଫୁଡ୍ କାଟାଗୋରୀରେ କବିତା ସିଂହଙ୍କୁ ପୁରସ୍କାର ମିଳିଛି । ସେହପରି ଅମନ ଗୁପ୍ତାଙ୍କୁ ମିଳିଛି ସେଲିବ୍ରିଟି କ୍ରିଏଟର ଆୱାର୍ଡ । 

ତେବେ ଏହି ଅବସରରେ ଦେଶବାସୀଙ୍କୁ ସମ୍ୱୋଧନ କରି ପ୍ରଧାନମନ୍ତ୍ରୀ କହିଛନ୍ତି ଯେ ଏହି ଆୱାର୍ଡ ଆଗାମୀ ଦିନରେ ମହତ୍ତ୍ୱପୂର୍ଣ୍ଣ ସ୍ଥାନ ନେବାକୁ ଯାଉଛି । ଏହି ପୁରସ୍କାର ଦ୍ୱାରା ଯୁବପିଢିଙ୍କୁ ସ୍ୱତନ୍ତ୍ର ପରିଚୟ ମିଳିବ । 

ଯୁବପିଢି ଦେଶର ଭବିଷ୍ୟତ । ଇଏ ସେହି ଯୁବପିଢି ଯିଏ କଣ୍ଟେଣ୍ଟ ଲେଖନ୍ତି, ନିଜେ ଅଭିନୟ କରନ୍ତି, ଏହାକୁ ଏଡିଟ୍ କରନ୍ତି । ଏବଂ ଶେଷରେ ପ୍ରୋଜେକ୍ଟ ଅପଲୋଡ୍ କରନ୍ତି । ଏଥିରୁ ଏହା ସଫା ସଫା ବୁଝି ହେଉଛି ଯେ ଯୁବପିଢି ମଧ୍ୟରେ କେତେ ଶକ୍ତି କେତେ ପ୍ରତିଭା ଅଛି । 

ଆପଣଙ୍କ କଣ୍ଟେଣ୍ଟ ଆଜି ପୁରା ଭାରତବର୍ଷର ଜବରଦସ୍ତ ପ୍ରଭାବ ପକାଉଛି । ଆଜିକା ଦିନରେ ଲକ୍ଷ ଲକ୍ଷ ଲୋକ ଇଣ୍ଟରନେଟ୍ ରେ କଣ୍ଟେଣ୍ଟ ତିଆରି କରୁଛନ୍ତି । ହେଲେ ପୂର୍ବରୁ ଏହା କିଏ କେବେ ଭାବିନଥିଲେ ଯେ ସୋସିଆଲ ମିଡିଆ କଣ୍ଟେଣ୍ଟ ଏତେ ପ୍ରଭାବଶାଳୀ । ଏହା ଏକ କ୍ରାନ୍ତି ବୋଲି କହିଛନ୍ତି ପ୍ରଧାନମନ୍ତ୍ରୀ ।

ଆହୁରି ପଢନ୍ତୁ ଭାରତ ଖବର...