କେନ୍ଦ୍ରମନ୍ତ୍ରୀ ଦେଲେ ସୂଚନା, ଶସ୍ତା ହେବ ତେଲ

ସମସ୍ତଙ୍କ ପାଇଁ ଖୁସି ଖବର । କମିବ ତେଲ ଦର । ତେଲ ଦର କମିଲେ ସାଧାରଣ ଲୋକଙ୍କୁ ମିଳିବ ଆଶ୍ୱସ୍ତି । ଦୀର୍ଘଦିନରୁ ଅପରିବର୍ତିତ ରହିଥ‌ିବା ପେଟ୍ରୋଲ୍ ଓ ଡିଜେଲ୍ ଦରରେ ଏକ ବଡ଼ ପରିବର୍ତ୍ତନ ହେବାର ସମ୍ଭାବନା ରହିଛି । ଏନେଇ କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ ସୂଚନା ଦେଇଛନ୍ତି ।

ସେ କହିଛନ୍ତି ଯଦି ଅନ୍ତର୍ଜାତୀୟ ବଜାରରେ ଅଶୋଧୀତ ତୈଳର ଦର ଲମ୍ବା ସମୟ ପର୍ଯ୍ୟନ୍ତ ସ୍ଥିର ରୁହେ ତେବେ ତେଲ ଦର କମିବା ସମ୍ଭବ । ବ୍ୟାରେଲ୍ ପିଛା ୬୫ ଡଲାର ପାଖାପାଖ୍ ସ୍ତରରେ ଯଦି ରହିବ ତେବେ ଭାରତରେ ତେଲ ଦର ନିଶ୍ଚିତ କମିବ । ଆସନ୍ତା ୨-୩ ମାସରେ ମଧ୍ୟରେ ତେଲ ଶସ୍ତା ହେବା ବୋଲି ଏକ୍ସପର୍ଟମାନେ ମଧ୍ୟ ରାୟ ଦେଇଛନ୍ତି ।

ମନ୍ତ୍ରୀଙ୍କ କହିବାନୁଯାୟୀ, ଯଦି କୌଣସି ଯୁଦ୍ଧ କିମ୍ବା ଭୂରାଜନୈତିକ ସଙ୍କଟ ଦେଖାନଯାଏ ତେବେ ନିଶ୍ଚୟ ସ୍ଥିତି ବଦଳିବ । ଯେଉଁ ତେଲ ଦର ଏବେ ୬୫ ଡଲାର ପାଖାପାଖି ରହିଛି, ତାହାର ମୂଲ୍ୟ ୧୫୦ ଡଲାର ବି ହୋଇପାରେ । ଏବେ ୬୫ ଡଲାର ରହିଥିବାରୁ ତେଲ କମ୍ପାନି ଲାଭ କରୁଛନ୍ତି। କନ୍ତୁ ଯଦି ଏହାର ଦାମ୍‌ ବଢ଼େ ତେବେ ସେମାନେ କ୍ଷତି ସହିବେ । ତେଲ କମ୍ପାନିଗୁଡ଼ିକ ଏବେ ପେଟ୍ରୋଲ୍ ଲିଟର ପିଛା ୧୨-୧୫ ଟଙ୍କା ଏବଂ ଡିଜେଲ୍ ଉପରେ ୬ ଟଙ୍କା ୧୨ ପଇସା ଲାଭ କରୁଛନ୍ତି ।

ଏହାସତ୍ତ୍ବେ ଏକ ବର୍ଷରୁ ଅଧିକ ସମୟ ଧରି କମ୍ପାନିଗୁଡ଼ିକ ପେଟ୍ରୋଲ୍ ଓ ଡିଜେଲ୍ ଦାମ୍‌ରେ କୌଣସି ପରିବର୍ତ୍ତନ କରିନାହାନ୍ତି । ବର୍ତ୍ତମାନ ଦେଶର ଅଧିକାଂଶ ରାଜ୍ୟରେ ପେଟ୍ରୋଲ୍ ଲିଟର ପିଛା ୧୦୦ ଟଙ୍କା ରହିଥ‌ିବା ବେଳେ ଡିଜେଲ୍ ଦାମ୍ ୯୦ ଟଙ୍କା ଉପରେ ରହିଛି ।