ଅର୍ଗସ ବ୍ୟୁରୋ: ଝଲସୁଛି ଶ୍ରୀରାମ ନଗରୀ । ଅଷ୍ଟମ ବାର୍ଷିକ ଦୀପୋତ୍ସବ ଆରମ୍ଭ ସହିତ ନୂଆ ରେକର୍ଡ ଅପେକ୍ଷାରେ ଅଯୋଧ୍ୟାବାସୀ । ମନ୍ଦିରରେ ରାମଲାଲାଙ୍କ ପ୍ରାଣପ୍ରତିଷ୍ଠା ପରେ ପ୍ରଥମ ଥର ପାଇଁ ଦୀପୋତ୍ସବ ଆୟୋଜନ ହୋଇଥିବାରୁ ଏହାକୁ ପୂର୍ବବର୍ଷ ଅପେକ୍ଷା ଅଧିକ ଭବ୍ୟ ଓ ଦିବ୍ୟ କରିବାକୁ ଶ୍ରୀରାମ ମନ୍ଦିର ତୀର୍ଥକ୍ଷେତ୍ର ଟ୍ରଷ୍ଟ ପକ୍ଷରୁ ସମସ୍ତ ପ୍ରୟାସ ହୋଇଛି ।

ଏ ବର୍ଷ 25 ଲକ୍ଷ ଦୀପ ପ୍ରଜ୍ବଳନ ପାଇଁ ବ୍ୟବସ୍ଥା ହୋଇଥିବାରୁ ଶ୍ରଦ୍ଧାଳୁଙ୍କ ସହ ବିଦେଶୀ ପର୍ଯ୍ୟଟକଙ୍କ ମଧ୍ୟରେ ବେଶ୍ ଉତ୍କଷ୍ଠା ଦେଖିବାକୁ ମିଳିଛି । ଦୀପୋତ୍ସବକୁ ନେଇ ପୂର୍ବବର୍ଷର ଗିନିଜ ବୁକ ଅଫ ରେକର୍ଡ ଭାଙ୍ଗି ନୂଆ ରେକର୍ଡ କରିଛି ଅଯୋଧ୍ୟା ।

ଗତ ବର୍ଷ ସପ୍ତମ ଦୀପୋତ୍ସବରେ ୨୨ ଲକ୍ଷ ୨୩ ହଜାର ଦୀପ ଜଳାଯିବା ସହ ବନିଥିଲା ଗିନିଜ୍ ବୁକ୍ ଅଫ୍ ୱାର୍ଲଡ ରେକର୍ଡ । ପ୍ରଭୁ ଶ୍ରୀରାମଙ୍କ ରଥ ଟାଣି ଉତ୍ସବର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ପ୍ରୟାଗରାଜ ଜିଲ୍ଲା ପ୍ରଶାସନ ପକ୍ଷରୁ ଦୀପୋତ୍ସବକୁ ସ୍ମରଣୀୟ କରିବା ଲାଗି ସରଜୁ ତଟ୍ଟରେ ୫ଟି ସ୍ଥାନରେ ସାମୁହିକ ଦୀପ ପ୍ରଜ୍ଜ୍ବଳିତ ହୋଇଛି ।
ଅବଧ ବିଶ୍ବବିଦ୍ୟାଳୟ ସମେତ ରାଜ୍ୟର ବିଭିନ୍ନ ମହାବିଦ୍ୟାଳୟ ଓ ବିଶ୍ବବିଦ୍ୟାଳୟର ଛାତ୍ରଛାତ୍ରୀ ଓ ସ୍ବେଚ୍ଛାସେବୀମାନେ ଦୀପ ସଜ୍ଜିତ କରିଛନ୍ତି । ଦୀପୋତ୍ସବ ସହ ଏବର୍ଷ ସରଜୁ ତଟରେ ୧୧ଶହ ମହିଳା ଏକସଙ୍ଗରେ ଆଳତୀ କରି ଆଉ ଏକ ରେକର୍ଡ କରିଛନ୍ତି ।

ଆହୁରି ପଢନ୍ତୁ ଭାରତ ଖବର...

Argus News | argus news | -Argusnews Home: Odisha Latest News, Breaking News, Trending News, Live TV and more