ଦର୍ଶନ ନପାଇ କାନ୍ଦୁଛନ୍ତି ହଜାର ହଜାର ଭକ୍ତ... ଦର୍ଶନ ନଦେଇ ଉଭେଇଗଲେ ବର୍ଫାନୀ ବାବା ଅମରନାଥ । ବହୁତ କଷ୍ଟରେ ପାହାଡ଼ ଚଢ଼ି ଚଢ଼ି ଦର୍ଶନ ପାଇଲେ ନାହିଁ ଭକ୍ତ । ଉଭେଇଗଲେ ଦେବ ଦେବ ମହାଦେବ ପ୍ରଭୁ ଅମରନାଥ । ଭକ୍ତ ମାନେ ପହଞ୍ଚିବା ପରେ ଅମରନାଥ ଶିବଲିଙ୍ଗ ଆଉ ନଥିଲେ । କୁଆଡ଼େ ଅନ୍ତର୍ଧ୍ୟାନ ହୋଇଯାଇଥିଲେ ।
ସେମିତି ଦୃଶ୍ୟକୁ ଦେଖିବା ପରେ ଭୋ ଭୋ ହୋଇ କାନ୍ଦିଲେ ଭକ୍ତ ମାନେ । ଆଖିରୁ ଝରିଥିଲା ଧାର ଧାର ଲୁହ । ଆଜି ଭକ୍ତ ଆଉ ଭଗବାନଙ୍କର ମିଳନ ହୋଇପାରି ନାହିଁ । ଭଗବାନଙ୍କୁ ପ୍ରଶ୍ନ କରିଥିଲେ ହେ ପ୍ରଭୁ ତୁମେ କୁଆଡ଼େ ଗଲ । ଆମକୁ ଦେଖାଦିଅ ହେପ୍ରଭୁ ଆମକୁ ଦେଖାଦିଅ ।

ଏମିତି କେବେ ହୋଇ ନଥିଲା । ବର୍ଫାନୀ ବାବା ଅମରନାଥ ଉଭେଇଯିବେ ଏହା କେମିତି ବା ସମ୍ଭବ । ଯିଏ ଭକ୍ତଙ୍କୁ ଦର୍ଶନ ଦେବା ପାଇଁ ପ୍ରତି ବର୍ଷ ଆସିନ୍ତି କିନ୍ତୁ ଏବେ ଦର୍ଶନ ନଦେଇ ଉଭେଇ ଯାଇଛନ୍ତି । ପୁରା ତରଳି ଯାଇଛି ବରଫ ଶିବଲିଙ୍ଗ । ଏବେ ପୁରା ଶିବ ଲିଙ୍ଗ ଗୁମ୍ଫାରେ କୁଆଡ଼େ ଉଭେଇ ଯାଇଛନ୍ତି ।

ଅମରନାଥ ବିଲକୁଲବି ଦେଖାଯାଉ ନାହାଁନ୍ତି । ଉଭେଇ ଯାଇଛନ୍ତି ଅମରନାଥ । ବରଫ ଲିଙ୍ଗ ତରଳିକି ମାଟିରେ ମିଶି ଯାଇଛି । ଅମରନାଥ ବରଫ ଶିବଲିଙ୍ଗର ଦର୍ଶନର ପୂର୍ବରୁ ଦୃଶ୍ୟ । ଯେଉଁଥିରେ ବରଫର ଶିବଲିଙ୍ଗ ସମ୍ପୂର୍ଣ୍ଣ ରୂପରେ ଛିଡ଼ା ହୋଇଛନ୍ତି। ହେଲେ ଏବେ ଆଉ କିଛି ବି ଦେଖା ଯାଉ ନାହାଁନ୍ତି ।

ଯଦି ଦେଖିବା ୨୩ ମେରେ ଅମରନାଥ ଶିବଲିଙ୍ଗର ଉଚ୍ଚତା ପାଖା ପାଖି ୭ ଫୁଟ ଥିଲା। ଏହା ପରେ ପ୍ରଥମ ପୂଜା ଦିନ ମାନେ ୨୯ ଜୁନ୍‌ରେ ଶିବଲିଙ୍ଗର ଉଚ୍ଚତା ୫ ଫୁଟ ହୋଇଗଲା । ୬ ଜୁଲାଇରେ ଶିବଲିଙ୍ଗ ୯୦ ପ୍ରତିଶତ ତରଳି ଯାଇଥିଲେ । ଆଉ ୭ ଜୁଲାଇରେ ପୁରା ଗାୟବ ହୋଇ ଯାଇଥିଲା ଶିବଲିଙ୍ଗ । ୫୭ ଦିନିଆ ଅମରନାଥ ଯାତ୍ରା ପାଇଁ ଲକ୍ଷ ଲକ୍ଷ ଭକ୍ତଙ୍କ ଲାଇନ୍ ଲାଗିଛି । କିନ୍ତୁ ଯାତ୍ରା ଆରମ୍ଭର ମାତ୍ର ୫ ରୁ ୭ ଦିନ ମଧ୍ୟରେ ବାବା ବରଫାନୀ ଅଦୃଶ୍ୟ ହୋଇଯାଇଛନ୍ତି ।


ସବୁଠାରୁ ବଡ଼ କଥା ହେଉଛି ଅମରାନାଥ ଶିବଲିଙ୍ଗ ଅଦୃଶ୍ୟ ହେବା ପଛରେ ରହିଛି ଗ୍ଲୋବାଲ୍ ୱାର୍ମିଂ ଏବଂ ଜଳବାୟୁ ପରିବର୍ତ୍ତନ । ଅମରନାଥ ସ୍ଥଳ ଏବେ ପୁରା ପ୍ରଦୂଷଣରେ ଭରିଗଲାଣି । ପୂର୍ବରୁ ୧୦ ହଜାର ଶ୍ରଦ୍ଧାଳୁ ଦର୍ଶନ କରିବାକୁ ଯାଉଥିଲେ ।

କିନ୍ତୁ ଏବେ ଅହେତୁକ ଭାବରେ ଭକ୍ତ ଦର୍ଶନ କରିବାକୁ ଯାଉଛନ୍ତି । ଭକ୍ତଙ୍କ ଯାତ୍ରାକୁ ସୁଗମ କରିବା ପାଇଁ ଯେଉଁ ବ୍ୟବସ୍ଥା ମାନ ହେଉଛି ତାହା ହିଁ ଶିବ ଲିଙ୍ଗ ତରଳିବାର ମୁଖ୍ୟ କାରଣ । ରାସ୍ତା ପ୍ରଶସ୍ତୀକରଣ, ଗୁମ୍ଫା ନିକଟରେ କମ୍ୟୁନିଟି କିଚେନ୍ ବା ଲଙ୍ଗରର ବ୍ୟବସ୍ଥା, ହେଲିକପ୍ଟର ଚଳାଚଳ, ଏବଂ ଜେନେରେଟରର ବ୍ୟବହାର ଯୋଗୁଁ ସେହି ଅଞ୍ଚଳରେ ଉତ୍ତାପ ବୃଦ୍ଧି ପାଉଛି ।

ତେବେ ଗତ ଶୀତଦିନେ ଏହି ଅଞ୍ଚଳରେ ଆବଶ୍ୟକ ମୁତାବକ ବରଫପାତ ହୋଇନାହିଁ। ଶୀତଦିନେ କମ୍ ବରଫ ଜମିବା କାରଣରୁ ଗୁମ୍ଫାର ଆଖପାଖରେ ଥଣ୍ଡା ହ୍ରାସ ପାଇଛି । ଚଳିତ ବର୍ଷ ଜମ୍ମୁ-କାଶ୍ମୀର ଓ ପାର୍ବତ୍ୟ ଅଞ୍ଚଳରେ ଅତ୍ୟଧିକ ଗ୍ରୀଷ୍ମ ପ୍ରବାହ ବା 'ହିଟ୍ ୱେଭ୍' ଦେଖିବାକୁ ମିଳିଛି, ଯାହା ଗୁମ୍ଫାର ଚାରିପାଖର ତାପମାତ୍ରାକୁ ବଢ଼ାଇ ଦେଇଛି । ଯେଉଁଥିପାଇଁ ଏବେ ତରଳି ଯାଇଛନ୍ତି ପର୍ଫାନି ବାବା ଅମରନାଥ। ଆଉ ଏହା କେବଳ ଆମ ମାନଙ୍କ ପାଇଁହିଁ ହୋଇଛି । ଏଥିପାଇଁ ଦାୟୀ କେବଳ ଆମେ ମଣିଷ ।