ନୂଆଦିଲ୍ଲୀ: ରୋଚକ ମୋଡରେ ରହିଛି ଦିଲ୍ଲୀ ଲୋକସଭା ନିର୍ବାଚନ ମଣ୍ଡଳୀର ରାଜନୀତି  । ଏହି ସ୍ଥାନରୁ ବିଜେପିର ଭେଟରାନ ନେତ୍ରୀ ସୁଷମା ସ୍ଵରାଜଙ୍କ ଝିଅ ବଂଶୁରୀ ସ୍ଵରାଜଙ୍କୁ ବିଜେପି ପ୍ରାର୍ଥୀ କରିଥିବା ବେଳେ ତାଙ୍କ ବିପକ୍ଷରେ ଆମ ଆଦମୀ ପାଟିର ତଥା କେଜ୍ରିୱାଲ ସରକାରର ନେତା ସୋମନାଥ ଭାରତୀଙ୍କୁ ଦଳ ଟିକେଟ ଦେଇଛି । ବଂଶୁରୀ ପ୍ରଥମ ଥର ପାଇଁ ରାଜନୀତି ମଇଦାନକୁ ଓହ୍ଲାଇଥିବା ବେଳେ ସୋମନାଥ ମଧ୍ୟ ପ୍ରଥମ ଥର ନିର୍ବାଚନ ଲଢିବାକୁ ଯାଉଛନ୍ତି ।

ସୁଷମା ସ୍ଵରାଜ ୧୯୭୭ ମସିହାରୁ ବିଧାୟକ ଭାଵେ ନିର୍ଵାଚନ ମଇଦାନକୁ ଆସିଥିଲେ । ୧୯୮୭ ମସିହାରୁ ବିଧାୟକ ହେବା ପରଠାରୁ ରାଜନୀତି ମଇଦାନରେ ସୁଷମାଙ୍କ ଦବଦବା ରହିଥିଲା । ସୂଚନାନୁସାରେ, ଦିଲ୍ଲୀରେ ୨୫ ମେ ରେ ନିର୍ବାଚନ ଥିବା ବେଳେ ଏହାର ଫଳାଫଳ ୪ଜୁନରେ ଘୋଷଣା ହେବ । ସବୁଠାରୁ ବଡ କଥା ହେଉଛି ୨୦୧୯ ନିର୍ବାଚନକୁ ଦେଖିବାକୁ ଗଲେ ବିଜେପି ସବୁ ଆସନରେ ବିଜୟ ଲାଭ କରିଥିଲା । ୨୪ରେ ମଧ୍ୟ ବିଜୟ ଲକ୍ଷରେ ରହିଛି ବିଜେପି । 
ଅଧିକ ପଢନ୍ତୁ ଭାରତ ଖବର