ବେଙ୍ଗାଲୁରୁ ଉବୁଟୁବୁ। ଅଦିନିଆ ବର୍ଷାରେ ଜଳାର୍ଣ୍ଣବ ହୋଇଯାଇଛି ପୁରା ସହର । ରାସ୍ତାରେ ଚାଲୁଛି ଡଙ୍ଗା । ଘର ଭିତରେ ପାଣି ପଶିଯାଇଥିବାରୁ ଲୋକମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଆସବାବପତ୍ର ପାଣିରେ ଭାସୁଛି । ଅଣ୍ଟାଏ ଉଚ୍ଚର ପାଣିରେ ପଶି ଲୋକମାନେ ଯାଆସ କରୁଛନ୍ତି । ଅନେକ ଆପାର୍ଟମେଣ୍ଟର ତଳ ମହଲାରେ ପାଣି ପଶିଯାଇଛି । ସେମାନଙ୍କୁ ଉଦ୍ଧାର କରିବାକୁ ସ୍ବତନ୍ତ୍ର ଟିମ୍ ପହଞ୍ଚିଛନ୍ତି । ଟ୍ରାକ୍ଟର, ଡଙ୍ଗାରେ ସେମାନଙ୍କୁ ସ୍ଥାନାନ୍ତର କରାଯାଉଛି । ରାସ୍ତାରେ ପାଣି ଜମି ରହିଥିବାରୁ ଟ୍ରାଫିକ୍ ବ୍ୟବସ୍ଥା ବିପର୍ଯ୍ୟସ୍ତ ହୋଇପଡିଛି । ସିଲ୍କ ବୋର୍ଡ ମେଟ୍ରୋ ଷ୍ଟେସନଭିତରେ ପାଣି ପଶିଯାଇଛି । ସେପଟେ କାନ୍ତିରବା ଷ୍ଟାଡିୟମରେ ଜମିଛି ପାଣି ।