ବେଙ୍ଗାଲୁରୁ ଚିନ୍ନାସ୍ୱାମୀ ଷ୍ଟାଡିୟମ ଦଳାଚକଟାରେ ମୃତକଙ୍କ ପରିଜନଙ୍କୁ 10 ଲକ୍ଷ ବଦଳରେ ମିଳିବ 25 ଲକ୍ଷ ଟଙ୍କାର କ୍ଷତିପୂରଣ। ରାଶି ବଢ଼ାଇବା ନେଇ ଘୋଷଣା କଲେ କର୍ଣ୍ଣାଟକ ମୁଖ୍ୟମନ୍ତ୍ରୀ ସିଦ୍ଧରମୈୟା। RCBର ବିଜୟ ଉତ୍ସବ ବେଳେ ଘଟିଥିଲା ଭୟଙ୍କର ଦୁର୍ଘଟଣା, ଯାଇଥିଲା 11 ଜଣଙ୍କର ଜୀବନ। ସେପଟେ ଚିନ୍ନାସ୍ବାମୀ ଷ୍ଟାଡିୟମରେ ଦଳାଚକଟା ଘଟଣାରେ କର୍ଣ୍ଣାଟକ କ୍ରିକେଟ୍ ଆସୋସିଏସନର ଦୁଇ ଜଣ ଅଧିକାରୀ ଇସ୍ତଫା ଦେଇଛନ୍ତି ।  

ସମ୍ପାଦକ ଏ. ଶଙ୍କର ଓ କୋଷାଧ୍ୟକ୍ଷ ଇ.ଏସ. ଜୟରାମ ସେମାନଙ୍କ ପଦରୁ ଇସ୍ତଫା ଦେଇଛନ୍ତି । ଦଳାଚକଟା ପାଇଁ ସେମାନେ ନୈତିକ ଦାୟିତ୍ବ ନେଇ ଇସ୍ତଫା ଦେଇଥିବା ଜଣାଇଛନ୍ତି । କର୍ଣ୍ଣାଟକ କ୍ରିକେଟ ଆସୋସିଏସନ୍ ସଭାପତି ରଘୁରାମ ଭଟ୍ଟ କର୍ଣ୍ଣାଟକ ହାଇକୋର୍ଟରେ ଦାଖଲ କରିଥିବା ସତ୍ୟପାଠରେ ଗେଟ୍ ଓ ଲୋକ ପରିଚାଳନାରେ ସେମାନଙ୍କର କୌଣସି ଭୂମିକା ନଥିବା ଜଣାଇଥିଲେ ।