ଅର୍ଗସ ବ୍ୟୁରୋ: ଶୁକ୍ରବାର ଇଣ୍ଡିଆ ମୋବିଲିଟି ଗ୍ଲୋବାଲ ଏକ୍ସପୋ 2025କୁ ଉଦଘାଟନ କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହା ଭାରତର ସର୍ବବୃହତ ଗତିଶୀଳତା ଏକ୍ସପୋ, ଯେଉଁଥିରେ ଅଟୋମୋବାଇଲ୍, ଉପାଦାନ ଉତ୍ପାଦ ଏବଂ ପ୍ରଯୁକ୍ତିବିଦ୍ୟା କ୍ଷେତ୍ରରେ 100 ରୁ ଅଧିକ ନୂତନ ଅଟୋମୋବାଇଲ୍ ଲଞ୍ଚ ହେବ ।

ଏହି ଏକ୍ସପୋରେ 5 ହଜାରରୁ ଅଧିକ ଆନ୍ତର୍ଜାତୀୟ ଅଟୋମୋବାଇଲ୍ ନିବେଶକ ଅଂଶଗ୍ରହଣ କରବେ । ଏହି ଏକ୍ସପୋ ମୋବିଲିଟିର ବଡ ହବ୍ ହେବାକୁ ଯାଉଛି । ୨୦୪୭ ସୁଦ୍ଧା ବିକଶିତ ଭାରତ ଗଠନ ଦିଗରେ ଭାରତର ମୋବିଲିଟି କ୍ଷେତ୍ରରେ ଏହି ଅଭିବୃଦ୍ଧିର ବଡ ଅବଦାନ ରହିଛି ବୋଲି କହିଛନ୍ତି ପ୍ରଧାନମନ୍ତ୍ରୀ ମୋଦି । ପୂର୍ବ ବର୍ଷ ତୁଳନାରେ ଏହି ଏକ୍ସପୋର ବିଶ୍ବର ଆଟୋମୋବାଇଲ ଦୁନିଆରେ ଗୁରୁତ୍ବ ବଢିଛି‌ ।

ବହୁ ଶୀଘ୍ର ଏହା ଅଟୋମୋବାଇଲ ସେକ୍ଟର ୱାନ ଷ୍ଟପ୍ ଡେଷ୍ଟିନେସନ୍ ରେ ପରିଣତ ହେବ ବୋଲି ସମ୍ବୋଧନରେ କହିଛନ୍ତି ପ୍ରଧାନମନ୍ତ୍ରୀ । ଇଣ୍ଡିଆ ମୋବିଲିଟି ଗ୍ଲୋବାଲ ଏକ୍ସପୋ ଜାତୀୟ ରାଜଧାନୀର ଭାରତ ମଣ୍ଡପମ ଏବଂ ଯଶୋଭୂମି ଏବଂ ଗ୍ରେଟର ନୋଏଡାର ଇଣ୍ଡିଆ ଏକ୍ସପୋ ସେଣ୍ଟର ଏବଂ ମାର୍ଟରେ ଆୟୋଜିତ ହେଉଛି।ଏହା ୧୭-୨୨ ଜାନୁଆରୀ ପର୍ଯ୍ୟନ୍ତ ଚାଲିବ । ଉଦଘାଟନୀ ଉତ୍ସବରେ କେନ୍ଦ୍ରମନ୍ତ୍ରୀ ନୀତିନ ଗଡକରୀ, ଏଚ୍ ଡି କୁମାରସ୍ୱାମୀ, ଜିତନ ରାମ ମାଞ୍ଝି, ମନୋହର ଲାଲ, ପୀୟୁଷ ଗୋୟଲ ଏବଂ ହରଦୀପ ସିଂହ ପୁରୀ ମଧ୍ୟ ଉପସ୍ଥିତ ଥିଲେ।