ପାକିସ୍ତାନ ପୋଷୁଥିବା ଆତଙ୍କବାଦୀଙ୍କୁ ନିପାତ କରିବାକୁ ଭାରତୀୟ ବାୟୁସେନାକୁ 23 ମିନିଟ୍ ହିଁ ଯଥେଷ୍ଟ । ଲୋକଙ୍କୁ ଜଳଖିଆ କରିବାକୁ ଯେତିକି ସମୟ ଲାଗେ ସେତିକି ସମୟରେ ଆତଙ୍କବାଦୀକୁ ନିପାତ କରିଛି ଭାରତ । ଭୁଜ ଏୟାର ବେସ୍ ରୁ ବାୟୁବୀରଙ୍କୁ ସମ୍ବୋଧନ କରିବା ସମୟରେ ଏପରି କହିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ଗତକାଲି ଜମ୍ମୁକାଶ୍ମୀର ଶ୍ରୀନଗର ଗସ୍ତ କରିଥିଲେ ରାଜନାଥ । ଏହାପରେ ଆଜି ଭୁଜ ଏୟାରବେସରୁ ପାକିସ୍ତାନର ପୋଲ୍ ଖୋଲିଛନ୍ତି ରାଜନାଥ ସିଂ । ଏପର୍ଯ୍ୟନ୍ତ ଅପରେସନ ସିନ୍ଦୂର ସରିନି । ଇଏ ତ ଥିଲା ଟ୍ରେଲର । ସଠିକ ସମୟ ଆସିଲେ ସାରା ବିଶ୍ବକୁ ପୁରା ଫିଲ୍ମ ଦେଖାଯିବ । ପାକିସ୍ତାନକୁ ଏବେ ନଜରରେ ରଖାଯାଇଛି । ଯଦି ସୁଧୁରି ଯାଏ ତେବେ ଠିକ୍ ଅଛି । ନ ହେଲେ ଆଗାମୀ ଦିନରେ ନିଆଯିବ କଠୋର କାର୍ଯ୍ୟାନୁଷ୍ଠାନ । ପ୍ରତିରକ୍ଷା ମନ୍ତ୍ରୀ ବାୟୁବୀରଙ୍କ ମନୋବଳ ବଢାଇବା ସହ ଅପରେସନ୍‌ ସିନ୍ଦୂର ନାଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରଖିଥିବା କହିଛନ୍ତି ।

#WATCH | Bhuj, Gujarat | Defence Minister Rajnath Singh says, "#OperationSindoor is not over yet. Whatever happened was just a trailer. When the right time comes, we will show the full picture to the world." pic.twitter.com/13BHeIZgkS

— ANI (@ANI) May 16, 2025

ପାକିସ୍ତାନ ବିପକ୍ଷ ବିଜୟରେ ଭୁଜ୍ ଏୟାର ବେସ ପୂର୍ବରୁ ସାକ୍ଷୀ ରହିଥିଲା । ଏବେ ଅପରେସନ୍ ସିନ୍ଦୂରରେ ମଧ୍ୟ ସାକ୍ଷୀ ରହିଛି ଭୁଜ ଏୟାର ବେସ୍ । ଅପରେସନ ସିନ୍ଦୂରକୁ ସାରା ବିଶ୍ବ ପ୍ରଶଂସା କରୁଛି । ସେନାର ପରାକ୍ରମକୁ ମିଳୁଛି ପ୍ରଶଂସା । ପାକିସ୍ତାନର ଯେ କୌଣସି ଅଂଚଳକୁ ଭେଦ କରିବାକୁ ଭାରତୀୟ ବାୟୁସେନା ସମର୍ଥ । ଏହାର ବଡ ପ୍ରମାଣ ହେଉଛି ଅପରେସନ ସିନ୍ଦୂର । କାରଣ ଲୋକଙ୍କୁ ଜଳଖିଆ କରିବାକୁ ଯେତିକି ସମୟ ଲାଗେ ସେତିକି ସମୟରେ ଆତଙ୍କୀ ଅଡ୍ଡାକୁ ନଷ୍ଟ କରିଛି ଭାରତୀୟ ସେନା ।

ସେହିପରି ବ୍ରହ୍ମୋସ ମିସାଇଲ କଥା କହିଛନ୍ତି ପ୍ରତିରକ୍ଷା ମନ୍ତ୍ରୀ । ବ୍ରହ୍ମୋସ ମିସାଇଲ୍‌ ଘନ ଅନ୍ଧକାର ମଧ୍ୟରେ ପାକିସ୍ତାନକୁ ଆଲୋକ ଦେଖାଇଛି । ଏଣିକି ସ୍ବଦେଶୀ ଜ୍ଞାନ କୌଶଳରେ ନିର୍ମିତ ଯୁଦ୍ଧାସ୍ତ୍ର ଚମକ ଦେଖାଇଛି ବୋଲି କହିଛନ୍ତି ରାଜନାଥ । ଭାରତ ଏବେ ଆତ୍ମନିର୍ଭର । ସ୍ବଦେଶୀ ଯୁଦ୍ଧ ଅସ୍ତ୍ର କମାଲ କରୁଛି । ଭାରତ ଏବେ ଯୁଦ୍ଧାସ୍ତ୍ର ରପ୍ତାନୀ କରୁଛି । ୧୯୬୫ ଯୁଦ୍ଧରେ ବି ଭୁଜ୍ ସାକ୍ଷୀ ଥିଲା । ଅପରେସନ୍‌ ସିନ୍ଦୂରର ସାକ୍ଷୀ ରହିଛି ଭୁଜ୍ ଏୟାର ବେସ୍‌ ।

ଅପରେସନ ସିନ୍ଦୂର ଆତଙ୍କବାଦ ବିରୋଧରେ ସବୁଠୁ ବଡ଼ ଆକ୍ସନ । ଭାରତ ପୂରା ବିଶ୍ବକୁ ସନ୍ଦେଶ ଦେଇଛି, ଆତଙ୍କବାଦକୁ ବରଦାସ୍ତ କରାଯିବନି । ଭାରତ ବିରୋଧରେ ଷଡ଼ଯନ୍ତ୍ର ବନ୍ଦ କରୁ ପାକିସ୍ତାନ । ପାକିସ୍ତାନ ନିଜ ମାଟିରେ ଆତଙ୍କବାଦୀଙ୍କୁ ନ ପୋଷୁ । ପାକିସ୍ତାନ ହାତରେ ପରମାଣୁ ରହିବା ସୁରକ୍ଷିତ କି ବୋଲି ପ୍ରଶ୍ନ କରିଛନ୍ତି । ଆତଙ୍କବାଦ ଓ କଥାବାର୍ତ୍ତା ଏକସଙ୍ଗେ ଚାଲିବନି ପ୍ରଧାନମନ୍ତ୍ରୀ ସ୍ପଷ୍ଟ କରିଛନ୍ତି । ଯଦି କଥାବାର୍ତ୍ତା ହେବ କେବଳ POKକୁ ନେଇ ।

#WATCH | Gujarat: At Bhuj Air Force Station, Defence Minister Rajnath Singh says, "Now, the fight against terrorism is not just a matter of security, but it is now also a part of the National Defence Doctrine. Together will uproot this proxy and hybrid warfare, as the Defence… pic.twitter.com/VnkhYBMs61

— ANI (@ANI) May 16, 2025

ଭୁଜ୍‌ ଏୟାର ବେସ୍‌ରେ ପ୍ରତିରକ୍ଷା ମନ୍ତ୍ରୀ ବାୟୁ ସେନା ଯୋଦ୍ଧାଙ୍କୁ ଭେଟି ସ୍ଥିତି ସମୀକ୍ଷା କରିଛନ୍ତି । ଭୁଜ୍‌ ଗସ୍ତକରି ପାକିସ୍ତାନକୁ ବଡ଼ ବାର୍ତ୍ତା ଦେଲେ ରାଜନାଥ ସିଂ । ଡ୍ରୋନ୍‌ ଦ୍ବାରା ଭୁଜ୍‌ ଏୟାର ବେସ୍‌ ନଷ୍ଟ କରିଥିବା ଦାବି କରିଥିଲା ପାକ୍‌ । କିନ୍ତୁ ସତ କଣ ଏବେ ପୁରା ବିଶ୍ୱ ଦେଖୁଛି ବୋଲି କହିଛନ୍ତି । ସେହିପରି ସେ ସଦିହ ଯବାନଙ୍କର ଶ୍ରଦ୍ଧାଞ୍ଜଳି ଜଣାଇବା ସହ ଅପରେସନ୍‌ ସିନ୍ଦୂର ପାଇଁ ଦେଶ ଗର୍ବିତ ବୋଲି ବାୟୁସେନାକୁ କହିଛନ୍ତି । ଏହାସହ ବାୟୁବୀରଙ୍କ ମନୋବଳ ବଢାଇଛନ୍ତି ।

#WATCH | Gujarat: As Defence Minister Rajnath Singh interacts with them at Bhuj Air Force Station, Indian armed forces jawans raise slogans of 'Bharat Mata ki jai'. pic.twitter.com/Kj0OMYLa4s

— ANI (@ANI) May 16, 2025