ଅର୍ଗସ ବ୍ୟୁରୋ: ଦେଶରେ ବଢୁଛି ମହିଳା ଆୟକର ଦାତାଙ୍କ ସଂଖ୍ୟା । ଯାହା ସରକାରୀ ଖଜାନାର ଆୟରେ ବଡ ଅଭିବୃଦ୍ଧି ଆଣିଛି । ୨୦୧୯-୨୦ ରେ ଦେଶରେ ୧.୮୩ କୋଟି ମହିଳା ଆଇଟି ରିଟର୍ନ ଫାଇଲ୍ କରିଥିବା ବେଳେ ୨୦୨୩-୨୪ ରେ ଏଥିରେ ୨୫ ପ୍ରତିଶତ ବୃଦ୍ଧି ଘଟି ୨.୨୯ କୋଟିରେ ପହଂଚିଛି । ଆର୍ଥିକ ମନ୍ତ୍ରାଳୟ ର ରିପୋର୍ଟ ଅନୁସାରେ ମହାରାଷ୍ଟ୍ର ଏଥିରେ ଶୀର୍ଷରେ ରହିଛି । 

ଏଠାରେ ୩୬.୮୩ ଲକ୍ଷ ମହିଳା  ଆୟକର ଦାଖଲ କରିଛନ୍ତି । ଏପରି କି ଜମ୍ମୁ କାଶ୍ମୀର ମିଜୋରାମ ପରି ଛୋଟ କେନ୍ଦ୍ର ଶାସିତ ଅଂଚଳରେ ଆୟକର ଦାଖଲ କରୁଥିବା ମହିଳାଙ୍କ ସଂଖ୍ୟା ବଢିଛି । ଯାହା ସେମାନଙ୍କର ଆର୍ଥିକ ସଶକ୍ତି କରଣକୁ ପ୍ରମାଣିତ କରିଛି । ଏହା ସହିତ ଦେଶର ଅର୍ଥନୈତିକ ଅଭିବୃଦ୍ଧି ଦିଗରେ ମହିଳାମାନଙ୍କ ସହଯୋଗକୁ ମଧ୍ୟ ଦର୍ଶାଉଛି । ମିଜୋରାମରେ ITR ଦାଖଲ କରୁଥିବା ମହିଳାଙ୍କ ସଂଖ୍ୟା ୯୬ ପ୍ରତିଶତ ବୃଦ୍ଧି ହୋଇ ୨୦୯୦ ରେ ପହଞ୍ଚିଛି । 

ଜାମ୍ମୁ କାଶ୍ମୀରରେ ଏହି ସଂଖ୍ୟା ୪୯.୦୨ ପ୍ରତିଶତକୁ ବୃଦ୍ଧି ହୋଇ ୧,୧୭,୫୧୪ ରେ ପହଞ୍ଚିଛି । ସେହିପରି ଗତ ପାଞ୍ଚ ବର୍ଷ ମଧ୍ୟରେ ସାରା ଦେଶରେ ଆୟକର ଦାଖଲ ମହିଳା  ସଂଖ୍ୟା କ୍ରମାଗତ ଭାବେ ବୃଦ୍ଧି ପାଇବାରେ ଲାଗିଛି ।