ଅର୍ଗସ ବ୍ୟୁରୋ:  ବିଜୁ ଜନତା ଦଳ ଏନଡିଏରେ ସାମିଲ ହେଉଥିବା ନେଇ ବୁଧବାରଠାରୁ ଦେଇ ସାରିଛି ସଙ୍କେତ । କିନ୍ତୁ ସିଟ୍ ସେୟାରିଂ କଥାରେ ଅଟକିଛି ସସପେନ୍ସ । ଯାହାକୁ ନେଇ ଭୁବନେଶ୍ୱରରୁ ଦିଲ୍ଲୀ ସବୁଠି ଚାଲିଛି ଘନ ଘନ ବୈଠକ । ସବୁଠି ମାନସ ମନ୍ଥନ ଚଳାଇଛନ୍ତି ଦୁଇ ଦଳର ଶୀର୍ଷ ନେତୃତ୍ୱ । ଗୁରୁବାର ସନ୍ଧ୍ୟାରେ ବିଜେଡିର ଦୁଇ ଶୀର୍ଷ ନେତା ବବି ଦାସ ଓ ଭିକେ ପାଣ୍ଡିଆନ ଦିଲ୍ଲୀ ଯାଇ ବିଜେପି କେନ୍ଦ୍ରୀୟ ନେତୃତ୍ୱଙ୍କ ସହ ଆଲୋଚନା କରି ଫେରିଛନ୍ତି । ହେଲେ ଏ ସବୁ ଭିତରେ ଆସନ ବୁଝାମଣାର ସଂଖ୍ୟା ଗଣିତକୁ ନେଇ ବଢ଼ିବାରେ ଲାଗିଛି ବହୁ ଚର୍ଚ୍ଚା ଓ ଆଲୋଚନା ।

କୁହାଯାଉଛି ଅଧିକ ଲୋକସଭା ଆସନରେ ଲଢ଼ିବ ବିଜେପି, ବିଜେଡି ଭାଗରେ ପଡ଼ିବ ଅଧିକ ସଂଖ୍ୟାରେ ବିଧାନସଭା ଆସନ । ବିଧାନସଭାରେ ବିଜେଡି 100 ବିଜେପି 47 ଆସନ ଏବଂ ଲୋକସଭାରେ ବିଜେଡି 7 ଓ ବିଜେପିକୁ 14 ଆସନ ଫର୍ମୁଲାକୁ ନେଇ ଅଙ୍କକଷା ଚାଲିଥିବା କୁହାଯାଉଛି। ଏଭଳି ସସପେନ୍ସ ଭିତରେ ବିଜେପି ନେତା ପୃଥ୍ୱୀରାଜ ହରିଚନ୍ଦନଙ୍କ ଏକାକୀ ଲଢ଼ିବା ବୟାନ ବଢ଼ାଇଛି ଦ୍ବନ୍ଦ୍ବ । ସେପଟେ ବିଜେଡି କହିଛି ଦଳ ଯାହା ନିଷ୍ପତ୍ତି ନେବ ତାହା ସମସ୍ତେ ମାନିବେ । ସମୟ ଗଡୁଛି ଚର୍ଚ୍ଚା ବଢୁଛି କିନ୍ତୁ ଆସୁନି ସ୍ପଷ୍ଟ ଚିତ୍ର । ଖୁବ କମ ଦିନ ଭିତରେ ନିର୍ବାଚନ ତାରିଖ ଘୋଷଣା ହେବାକୁ ଥିବା ବେଳେ ଉଭୟ ଶିବିର ଉପରେ ଅଟକିଛି ରାଜ୍ୟବାସୀଙ୍କ ନଜର।

ଅଧିକ ପଢ଼ନ୍ତୁ ଦେଶ ଖବର: