ଅର୍ଗସ ବ୍ୟୁରୋ: ମହିଳାଙ୍କୁ ପ୍ରତି ମାସ ମିଳିବ 2100 ଟଙ୍କା । ଝାଡ଼ଖଣ୍ଡ ନିର୍ବାଚନ ପାଇଁ ସଂକଳ୍ପ ପତ୍ର ଜାରି କଲା ବିଜେପି। ରାଞ୍ଚିରେ ସଂକଳ୍ପ ପତ୍ର ଜାରି କଲେ ଗୃହ ମନ୍ତ୍ରୀ ଅମିତ ଶାହ । ମହିଳାଙ୍କୁ ମାସିକ ୨୧୦୦ ଟଙ୍କା ଦେବାକୁ ସଂକଳ୍ପ ପତ୍ରରେ ପ୍ରତିଶ୍ରୁତି ଦେଇଛି ବିଜେପି । `ଗୋଗୋ ଦିଦି' ଯୋଜନାରେ ମହିଳାଙ୍କୁ ପ୍ରତି ମାସ ମିଳିବ 2100 ଟଙ୍କା । ବର୍ଷକୁ ଦୁଇ ଥର ମାଗଣା ଏଲ୍‌ପିଜି ସିଲିଣ୍ଡର ଦେବାକୁ ସଂକଳ୍ପ ପତ୍ର ଉଲ୍ଲେଖ ରହିଛି। 

ଦୀପାବଳି ଓ ରାକ୍ଷୀପୂର୍ଣ୍ଣିମାରେ ଏହି ମିଳିବ ମାଗଣା ଏଲ୍‌ପିଜି ସିଲିଣ୍ଡର। ବାକି ଅନ୍ୟ ସମୟରେ ୫୦୦ ଟଙ୍କାରେ ଗ୍ୟାସ୍ ସିଲିଣ୍ଡର ଦିଆଯିବ । ବିଜେପି 21 ଲକ୍ଷ ପକ୍କା ଘର ଏବଂ ଯୁବକମାନଙ୍କ ପାଇଁ 2000 ଟଙ୍କା ଷ୍ଟାଇପେଣ୍ଡ ପ୍ରତିଶୃତି ଦେଇଛି । ଏହା ସହ ୫ ଲକ୍ଷ ନିଯୁକ୍ତି ସୁଯୋଗ ସୃଷ୍ଟି ପାଇଁ ମଧ୍ୟ ସଂକଳ୍ପପତ୍ରରେ ଘୋଷଣା ହୋଇଛି ।  ବେକାରୀ ସମସ୍ୟାକୁ ମୁକାବିଲା କରିବା ପାଇଁ  2 ‌ଲକ୍ଷ 87 ହଜାର ସରକାରୀ ଚାକିରି ସୃଷ୍ଟି ଏବଂ 5 ଲକ୍ଷ ଆତ୍ମନିଯୁକ୍ତି ସୁଯୋଗ ପ୍ରଦାନ କରିବ ବୋଲି ପ୍ରତିଶୃତି ଦେଇଛି। 

ଆଦିବାସୀ ସଂସ୍କୃତିର ପୁନରୁଦ୍ଧାର ଏବଂ ପ୍ରୋତ୍ସାହନ ପାଇଁ ସିଦ୍ଧୋ-କାନହୋ ଗବେଷଣା କେନ୍ଦ୍ର ପ୍ରତିଷ୍ଠା ହେବ । ଏହା ସହ ରାଜ୍ୟରେ UCC ଲାଗୁ ନେଇ ମଧ୍ୟ ସଂକଳ୍ପ ପତ୍ରରେ ଘୋଷଣା କରାଯାଇଛି । ବିଜେପି ସରକାର ଗଠନ ହେବା ପରେ ଅନୁପ୍ରବେଶକୁ ରୋକିବା ଏବଂ ଅଧିକୃତ ଜମି ପୁନରୁଦ୍ଧାର ପାଇଁ କଡା ଆଇନ ପ୍ରଣୟନ କରାଯିବ।