ଅର୍ଗସ ବ୍ୟୁରୋ:  ଝାଡଖଣ୍ଡ ବିଧାନସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ବିଜେପି ପ୍ରାର୍ଥୀ ଘୋଷଣା । 66 ଜଣିଆ ପ୍ରାର୍ଥୀ ତାଲିକା ଘୋଷଣା କରିଛି ବିଜେପି । ସରାୟକେଲାରୁ ପୂର୍ବତନ ମୁଖ୍ୟମନ୍ତ୍ରୀ ଚମ୍ପାଇ ସୋରେନ, ଧନୱାରରୁ ବାବୁଲାଲଙ୍କୁ ଟିକେଟ ଦେଇଛି ବିଜେପି । ସେହିପରି ଜାମତାଡାରୁ ସୀତା ସୋରେନ, କୋଡରାମରୁ ନୀରୀ ଯାଦବ, ଗାଣ୍ଡେୟରୁ ମୁନିୟା ଦେବୀ, ସିନ୍ଦରୀରୁ  ତାରା ଦେବୀଙ୍କୁ ପ୍ରାର୍ଥୀ କରିଛି ବିଜେପି । ଆଜି ପ୍ରାର୍ଥୀ ଘୋଷଣା ହେବା ନେଇ ଗତକାଲି ଘୋଷଣା କରିଥିଲେ ଝାଡ଼ଖଣ୍ଡ ବିଜେପି ସହପ୍ରଭାରୀ ହିମନ୍ତ ବିଶ୍ବଶର୍ମା । ଗତକାଲି ହୋଇଥିଲା NDA ଆସନ ବୁଝାମଣା । ନିର୍ବାଚନରେ ଏକାକୀ ବିଜେପି  ୮୧ରୁ ୬୮ଟି ଆସନରେ ପ୍ରାର୍ଥୀ  ଦେବ। ଅନ୍ୟ ୧୩ଟି ଆସନରେ ପ୍ରାର୍ଥୀ ଦେବେ ସହଯୋଗୀ AJSU, ଜେଡିୟୁ ଓ ଏଲଜେପି । ରାଜ୍ୟରେ ବିଜେପିର ବିଜୟ ନେଇ ଆଶାଦବାଦୀ ଅଛନ୍ତି ବିଜେପି ରାଜ୍ୟ ସଭାପତି ବାବୁଲାଲ ମାରଣ୍ଡି, ଝାଡ଼ଖଣ୍ଡ ନିର୍ବାଚନ ବିଜେପି ସହପ୍ରଭାରୀ ହିମନ୍ତ ବିଶ୍ୱଶର୍ମା ।

ଅଧିକ ପଢ଼ନ୍ତୁ ଦେଶ ଖବର: