ତୁଷ୍ଟିକରଣ ରାଜନୀତିର ସୀମା ପାର୍ । କର୍ଣ୍ଣାଟକ ବଜେଟକୁ ନେଇ ରାଜନୈତିକ ଘମାସାନ । ମସଜିଦ ଇମାମଙ୍କୁ ମାସିକ ୬ ହଜାର ଭତ୍ତା । ସରକାରୀ କାର୍ଯ୍ୟାଳୟରେ ମୁସଲିମଙ୍କୁ ୪ ପ୍ରତିଶତ ସଂରକ୍ଷଣ । ଅଉରଙ୍ଗଜେବ ବଜେଟ କହି ଘେରିଲା ବିଜେପି ।

କର୍ଣ୍ଣାଟକ ବଜେଟକୁ ନେଇ ସାରା ଦେଶରେ ଚର୍ଚ୍ଚା । ଯଦି ମୁସଲିମ ଲିଗ ଓ ଅଉରଙ୍ଗଜେବର ପ୍ରଭାବ ଦେଖିବାକୁ ଚାହଁ ତେବେ କଣ୍ଣାଟକ ବଜେଟକୁ ଦେଖ କହି ତୀବ୍ର ସମାଲୋଚନା କରିଛି ବିଜେପି । କଂଗ୍ରେସ ସରକାର ତୁଷ୍ଟିକରଣ ରାଜନୀତି ପାଇଁ କଣ ନିଷ୍ପତ୍ତି ନେଇପାରେ ଏହା ଚଳିତବର୍ଷ କର୍ଣ୍ଣାଟକ ବଜେରୁ ସ୍ପଷ୍ଟ ହୋଇଛି କହି ସିଦ୍ଧରମୈୟା ସରକାରକୁ କଟାକ୍ଷ କରିଛନ୍ତି ବିଜେପି ନେତା ବିଜୟନ୍ଦର ।

ଶୁକ୍ରବାର ବିଧାନସଭାରେ ଆଗତ ହୋଇଥିବା ବଜେଟରେ କେବଳ ମୁସଲମାନ ସଂପ୍ରଦାୟ ପାଇଁ ୪୭୦୦ କୋଟି ଟଙ୍କାର ଯୋଜନା ଘୋଷଣା ହୋଇଛି । ବଜେଟରେ ମସଦିଦର ଇମାମଙ୍କୁ ମାସିକ ୬ ହଜାର ଟଙ୍କା ଭତ୍ତା, ୱାକଫ ସମ୍ପତ୍ତିର ସୁରକ୍ଷା ପାଇଁ ୧୫୦ କୋଟି, ଉର୍ଦ୍ଦୁ ସ୍କୁଲ ପାଇଁ ୧୦୦ କୋଟି ଓ ସଂଖ୍ୟାଲଘୁଙ୍କ କଲ୍ୟାଣ ପାଇଁ ୧ ହଜାର କୋଟି ଟଙ୍କା ଆବଣ୍ଟିତ ହୋଇଛି । ଏହାସହ ଲୋକ କଲ୍ୟାଣ ବିଭାଗରେ ୪ ପ୍ରତିଶତ ଠିକାଦାର ପଦବୀ ମୁସଲିମ ସଂପ୍ରଦାୟ ପାଇଁ ସଂରକ୍ଷିତ ହୋଇଛି ।

କର୍ଣ୍ଣାଟକର ଚଳିତବର୍ଷର ବଜେଟ ଜରିଆରେ ଏସଟି, ଏସସି ଓ ଓବିସିଙ୍କୁ ଦୁର୍ବଳ କରିବାକୁ ପ୍ରୟାସ କରାଯାଇଥିବା ଅଭିଯୋଗ କରିଛନ୍ତି ବିଜେପି ମିଡିଆ ସେଲ ମୁଖ୍ୟ ଅମିତ ମାଲବ୍ୟ । ୯ ଡିସେମ୍ବର ୨୦୦୬ରେ ପୂର୍ବତନ ପିଏମ ମନମୋହନ ସିଂହଙ୍କ ବୟାନକୁ ମଧ୍ୟ ମନେପକାଇଛନ୍ତି ମାଲବ୍ୟ ।