ପହଲଗାମ ହାମଲାର ପ୍ରତିଶୋଧ ପାଇଁ ପ୍ରସ୍ତୁତ ହେଉଛି ବ୍ଲୁପ୍ରିଣ୍ଟ । ପାକ୍‌ ବିରୋଧରେ ବଡ଼ ଆକ୍ସନ ପୂର୍ବରୁ ପ୍ରଧାନମନ୍ତ୍ରୀ ମୋଦିଙ୍କୁ ଭେଟିଛନ୍ତି ବାୟୁସେନା ଚିଫ୍ ଏୟାର ମାର୍ଶଲ ଅମରପ୍ରୀତ୍ ସିଂହ । ଏହାପୂର୍ବରୁ ଶନିବାର ନୌସେନା ମୁଖ୍ୟ ଆଡମିରାଲ ଦୀନେଶ କେ ତ୍ରିପାଠୀଙ୍କ ସହ ଆଲୋଚନା କରିଥିଲେ ପ୍ରଧାନମନ୍ତ୍ରୀ । କୁଟନୈତିକ ସ୍ତରରେ ଭାରତର ଏକାଧିକ ବଡ଼ ପଦକ୍ଷେପ ପାକିସ୍ତାନର ଅଣ୍ଟା ଭାଙ୍ଗୁଥିବାବେଳେ ସେନାମୁଖ୍ୟଙ୍କ ସହ ମୋଦିଙ୍କ ବୈଠକ ହଜାଇଛି ଆତଙ୍କୀ ଫ୍ରାକ୍ଟ୍ରିର ନିଦ । କୌଣସି ବି ମୁହୂର୍ତ୍ତରେ ହୋଇପାରେ ବଡ଼ ଧରଣର ମିଲିଟାରୀ ଆକ୍ସନ ।

ସେପଟେ ରାଜସ୍ଥାନର ଶ୍ରୀଗଙ୍ଗାନଗରରେ ବିଏସଏଫ ଜଣେ ପାକ୍ ରେଞ୍ଜରକୁ ଗିରଫ କରିବାରେ ସଫଳ ହୋଇଛି । ଏପଟେ ଭାରତୀୟ ସେନା ସହ ଜଡ଼ିତ ସମ୍ବେଦନଶୀଳ ସୂଚନା ଲିକ୍ କରୁଥିବା 2 ପାକିସ୍ତାନୀ ଗୁପ୍ତଚର ଗିରଫ ହୋଇଛନ୍ତି । ପଳକ୍ଷର ମାସି ଓ ସୁରଜ ମାସି ଭାବରେ ଚିହ୍ନଟ ହୋଇଥିବା 2 ଗୁପ୍ତଚରଙ୍କୁ ଭାରତ-ପାକ୍ ସୀମା ନିକଟବର୍ତ୍ତୀ ଅଜନଲାରେ ଗିରଫ କରିଛି ପୋଲିସ ।