ବାହାଘର କଥା ଯେତେବେଳେ ଉଠିଥାଏ ମନରେ ପ୍ରଥମେ ଆସେ ବରଯାତ୍ରୀ । ଆଉ ଏହି ବରଯାତ୍ରୀକୁ ଦେଖିବା ଲାଗି ଅନେକ ଲେକଙ୍କ ଗହଳି ମଧ୍ୟ ଲାଗିଥାଏ । ଆଉ ସେମିତି କିଛି ଏକ ଅଜବ ବରଯାତ୍ରୀ ରୋଷଣି ଦେଖିବାକୁ ମିଳିଛି ଉତ୍ତର ପ୍ରଦେଶର ମହୋବା ଜିଲ୍ଲାର ଚରଖାରୀ ସହରରେ । ଯାହା ଏକ ଅନନ୍ୟ ଏବଂ ସ୍ମରଣୀୟ ବିଦାୟ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା ।

ଯେଉଁଠାରେ ପାରମ୍ପରିକ କାର କିମ୍ବା ପାଲିଙ୍କି ବଦଳରେ, ଜଣେ ପିତା ତାଙ୍କ ବୋହୂଙ୍କୁ ଘରକୁ ଆଣିବା ପାଇଁ ଏକ ହେଲିକପ୍ଟର ପଠାଇଥିଲେ । ହେଲିକପ୍ଟରଟି ସହରର ଡାକ ବଙ୍ଗଳା ପରିସରରେ ଅବତରଣ କରିବା ମାତ୍ରେ ହଜାର ହଜାର ଲୋକ ଏହାକୁ ଦେଖିବା ପାଇଁ ଏକାଠି ହୋଇଥିଲେ । ସହରବାସୀଙ୍କ ପାଇଁ ଏହି ଦୃଶ୍ୟ କୌଣସି ଚଳଚ୍ଚିତ୍ର ଦୃଶ୍ୟଠାରୁ କମ୍ ନଥିଲା ।

ଆକାଶରୁ ଏକ ହେଲିକପ୍ଟର ଅବତରଣ କରିଥିଲା । ପୂର୍ବତନ ଗ୍ରାମ ମୁଖିଆ ଦିନେଶ କୁମାର ରାଜପୁତଙ୍କ ଝିଅ ଆକାଂକ୍ଷାଙ୍କୁ ବିଦାୟ ଦେବା ପାଇଁ ଏକ ହେଲିକପ୍ଟର ବ୍ୟବସ୍ଥା କରାଯାଇଥିଲା । ହେଲିକପ୍ଟରର ଶବ୍ଦ ଶୁଣି ନିକଟସ୍ଥ ଅଞ୍ଚଳର ଲୋକମାନେ ସେହିସ୍ଥାନକୁ ଧାଇଁ ଆସିଥିଲେ ଆଉ କିଛି ସମୟ ମଧ୍ୟରେ ସେହି ସ୍ଥାନଟି ଏକ ମେଳା ପରି ଦେଖାଯାଇଥିଲା । ଲୋକମାନେ ଏହି ବିଶେଷ ମୁହୂର୍ତ୍ତକୁ ସେମାନଙ୍କ ମୋବାଇଲ୍ କ୍ୟାମେରାରେ କଏଦ କରିବାକୁ ଲାଗିଥିଲେ ।

ଭଟେୱାର କଲାନର ପୂର୍ବତନ ମୁଖ୍ୟ ଏବଂ ସମାଜବାଦୀ ପାର୍ଟି ନେତା ଦିନେଶ କୁମାର ରାଜପୁତଙ୍କ ଝିଅ ଆକାଂକ୍ଷା, ଆଉରାଇୟାର ଜଣେ ବ୍ୟବସାୟୀ ସତ୍ୟେନ୍ଦ୍ର କୁମାରଙ୍କ ପୁଅ ନିର୍ବେଶ ରାଜପୁତଙ୍କୁ ବିବାହ କରିଥିଲେ । ଏହି ବିବାହର ସବୁଠାରୁ ଖାସ ଅଂଶ ଥିଲା କନ୍ୟାର ବିଦାୟ । ବରର ପିତା ସତ୍ୟେନ୍ଦ୍ର କୁମାରଙ୍କ ସ୍ୱପ୍ନ ଥିଲା ଯେ ତାଙ୍କ ବୋହୂକୁ ରାଣୀ ପରି ସ୍ୱାଗତ କରାଯିବ ଏବଂ ହେଲିକପ୍ଟର ଦ୍ୱାରା ବିଦାୟ ଦିଆଯିବ । ତାଙ୍କ ବାପା ଏବଂ ଜେଜେବାପାଙ୍କ ଇଚ୍ଛା ପୂରଣ କରିବା ପାଇଁ, ବର ନିର୍ବେଶ ରାଜପୁତ ହେଲିକପ୍ଟର ଯୋଗେ ଚରଖାରୀ ଯାଇଥିଲେ । କନ୍ୟା ଆକାଂକ୍ଷା ବିଦାୟ ନେବା ସମୟରେ ତାଙ୍କ ମୁହଁରେ ଖୁସି ଏବଂ ଉତ୍ସାହ ସ୍ପଷ୍ଟ ଭାବରେ ଦେଖାଯାଉଥିଲା ।

ନିର୍ବେଶଙ୍କ କହିବାନୁଯାୟୀ ଏହା ତାଙ୍କ ପରିବାରର ଏକ ବହୁଦିନର ଇଚ୍ଛା ଥିଲା, ଏବଂ ଆଜି ଏହା ପୂରଣ ହୋଇଛି । ସେ ଏହା ମଧ୍ୟ କହିଥିଲେ ଯେ ଏହା ତାଙ୍କର ପ୍ରଥମ ଥର ପାଇଁ ହେଲିକପ୍ଟରରେ ଉଡିବା । ଏହି ଭିନ୍ନ ବିଦାୟ ସମଗ୍ର ଜିଲ୍ଲାରେ ଆଲୋଚନାର ବିଷୟ ପାଲଟିଥିଲା ।କ ନ୍ୟାର ପିତା ଦିନେଶ କୁମାର ରାଜପୁତ ମଧ୍ୟ ଏହି ଅନନ୍ୟ ବିଦାୟରେ ବହୁତ ଖୁସି ହୋଇଥିଲେ । ସେ ଏହି ପଦକ୍ଷେପକୁ ସ୍ୱତନ୍ତ୍ର ଏବଂ ସ୍ମରଣୀୟ ବୋଲି ବର୍ଣ୍ଣନା କରିଥିଲେ । ଯେତେବେଳେ ବର ଏବଂ କନ୍ୟା ହେଲିକପ୍ଟରରେ ଚଢ଼ି ଆକାଶକୁ ଉଡ଼ିଲେ, ତଳେ ଠିଆ ହୋଇଥିବା ଲୋକମାନେ ହାତ ହଲାଇ ବିଦାୟ ଦେଇଥିଲେ । ଏହି ବିବାହ ଏବଂ ହେଲିକପ୍ଟର ବିଦାୟ ଏକ ସ୍ମୃତି ହୋଇ ରହିବ, କାରଣ ଏକ ପରିବାର ସେମାନଙ୍କର ବୋହୂକୁ ଏକ ଅନନ୍ୟ ଉପାୟରେ ସ୍ୱାଗତ କରିବାର ପରମ୍ପରାକୁ ତିଆରି କରିଛନ୍ତି ।