Viral Wedding Drama / ବେଦୀରେ ବରର ବେମାରି ଦେଖି ବାହାହେବାକୁ ମନା କରିଦେଲା କନିଆ, ଶିଶୁପାଳ ହୋଇ ଫେରିଲେ ବରଯାତ୍ରୀ

ଲକ୍ଷ୍ନୌ: ବାହା ବେଦୀରେ ବସିଥିଲେ ବର, କନିଆ । କିଛି ସମୟ ପରେ ପଡ଼ିଥାନ୍ତା ହାତଗଣ୍ଠି । ହେଲେ ହଠାତ୍ ବାହା ହେବାକୁ ମନା କରି ଦେଲା କନିଆ । କହିଲା, ବରର ସ୍ଵାସ୍ଥ୍ୟାବସ୍ଥା ଠିକ୍ ନାହିଁ । ପରିବାର ଲୋକ ସତ ଲୁଚାଉଛନ୍ତି । ବିବାହ ଆଗକୁ ବଢ଼ାଇବାକୁ ମନା କରିବା ସହ ବରର ସ୍ଵାସ୍ଥ୍ୟ ରିପୋର୍ଟ ମାଗିଲେ ।

ଆଉ ଯାହା ପରେ ବାହାଘର ଭାଙ୍ଗିଦେଲେ ଝିଅ ଘର ଲୋକେ । ଏଭଳି ଘଟଣା ଦେଖିବାକୁ ମିଳିଛି ଉତ୍ତରପ୍ରଦେଶର ଏଟା ଜିଲ୍ଲାରେ । ପୋଲିସ ଅନୁସାରେ, ଘଟଣା ସକିଟ ଅଞ୍ଚଳରେ ଘଟିଛି । ଯେଉଁଠି ବିବାହ ଚାଲିଥିବା ବେଳେ ବର ହଠାତ୍ ଅସୁସ୍ଥ ହେବାରୁ ଉଭୟ ପକ୍ଷ ମଧ୍ୟରେ ଆରମ୍ଭ ହୋଇଥିଲା ବିବାଦ ।

ଏଥିସହ ପଢ଼ନ୍ତୁ: 'ଲୁଟେରି' କନ୍ୟା: ବିବାହ କଲା, ସୁନା ଅଳଙ୍କାର ଲୁଟି ପ୍ରେମିକ ସହ ଫେରାର... 

କ'ଣ ଥିଲା ଘଟଣାକ୍ରମ ?

ସ୍ଥାନୀୟ ବାସିନ୍ଦାଙ୍କ ଅନୁସାରେ, ବର କୋତବାଲିର କଠୋଲି ଗାଁର । ରବିବାର ସନ୍ଧ୍ୟାରେ ବରଯାତ୍ରୀ ଆସି ସାକିତର ଏକ ଗେଷ୍ଟ ହାଉସ୍‌ରେ ପହଞ୍ଚିଥିଲେ । ସେଠାରେ ନାଗଲା ଫୁଲେ ଗାଁର ବିଜୟ ସିଂହଙ୍କ ଝିଅ ସହ ବାହାଘର ହୋଇଥାନ୍ତା ।

ବିବାହ ପାଇଁ ଅନ୍ୟ ପ୍ରସ୍ତୁତି ଚାଲିଥିବା ବେଳେ ବର ଚେୟାର୍‌ରେ ବସିଥିବା ବେଳେ ଭାରସାମ୍ୟ ହରାଇ ତଳେ ପଡ଼ି ଯାଇଥିଲା । ଯାହାକୁ ନେଇ ଉପସ୍ଥିତ ଲୋକେ ଚକିତ ହୋଇ ଯାଇଥିଲେ । ବରକୁ ଉଠାଇ ଉପସ୍ଥିତ ପରିବାର ଲୋକେ ପାଣି ପିଆଇଥିଲେ ।

ପ୍ରଥମେ ପରିବାର ଲୋକେ ଏହାକୁ ଅଣଦେଖା କରିଥିଲେ । କିନ୍ତୁ ପରେ କନିଆ ଓ ତାର ପରିବାର ଲୋକେ ବରର ସ୍ଵାସ୍ଥ୍ୟକୁ ନେଇ ପ୍ରଶ୍ନ ଉଠାଇବା ଆରମ୍ଭ କରିଥିଲେ । ଯାହାକୁ ନେଇ ଉଭୟ ପକ୍ଷ ମଧ୍ୟରେ ଆରମ୍ଭ ହୋଇଥିଲା ବିବାଦ ।

ଏଥିସହ ପଢ଼ନ୍ତୁ: ଇଣ୍ଡିଆନ୍ ଲୁକରେ ଇଟାଲୀ ପ୍ରଧାନମନ୍ତ୍ରୀ ମେଲୋନି; ସେଲ୍ଫିରେ ୫ ଲକ୍ଷରୁ ଅଧିକ ଲାଇକ୍, ଫିଦା ଭାରତୀୟ 

କନିଆର ସର୍ତ୍ତ, ମେଡିକାଲ୍ ରିପୋର୍ଟ ଆଣ

ଝିଅ ଘରର ଅଭିଯୋଗ ଅନୁସାରେ, ବିବାହ ପ୍ରସ୍ତାବ ପକ୍କା କରିବା ଆଗରୁ ପୁଅ ଘ ଲୋକେ ବରର ବେମାରି ନେଇ ତଥ୍ୟ ଲୁଚାଇଥିଲେ । ଏହାକୁ ନେଇ ଦୁଇ ପରିବାର ମୁହାଁମୁହିଁ ହୋଇଥିଲେ । ଉପସ୍ଥିତ ଲୋକେ ଓ ଅତିଥି ମାମଲା ସମାଧାନ ପାଇଁ ଚେଷ୍ଟା କରିଥିବା ବେଳେ ସକାଳ ପାଇ ଯାଇଥିଲା ।

ବୁଝାଇବାକୁ ପ୍ରୟାସ ଚାଲିଥିବା ବେଳେ କନିଆ ସିଧା ସିଧା ବାହା ହେବାକୁ ମନା କରି ଦେଇଥିଲା । କନିଆ କହିଥିଲେ, "ବରର ସ୍ଵାସ୍ଥ୍ୟ ଯାଞ୍ଚ ରିପୋର୍ଟ ଆଣିଲେ ହିଁ ବାହା ହେବି, ନହେଲେ ନାହିଁ ।" ଦୁଇ ପରିବାର ମଧ୍ୟରେ ବିବାଦ ପରେ ପୋଲିସ ପହଞ୍ଚିଥିଲା । ପରେ କନିଆ ପକ୍ଷ ଅସହମତ ହେବାରୁ ବରଯାତ୍ରୀ ଶିଶୁପାଳ ହୋଇ ଫେରିବାକୁ ପଡ଼ିଛି ।