ଅର୍ଗସ ବ୍ୟୁରୋ:  ଅର୍ଥମନ୍ତ୍ରୀ ନିର୍ମଳା ସୀତାରମଣ ରେକର୍ଡ 50ଲକ୍ଷ କୋଟିରୁ ଅଧିକ ଟଙ୍କାର ବଜେଟ ଉପସ୍ଥାପନ କରିଛନ୍ତି । କେନ୍ଦ୍ର ବଜେଟରେ ଚାଷୀଙ୍କ ପାଇଁ ବଡ଼ ଘୋଷଣା । ବଢିଲା କିସାନ୍ କ୍ରେଡିଟ୍ କାର୍ଡର ଲିମିଟ୍ । କିସାନ କ୍ରେଡିଟ କାର୍ଡ ଲିମିଟ 3ଲକ୍ଷରୁ 5ଲକ୍ଷକୁ ବୃଦ୍ଧି କରାଯାଇଛି । ଏହି ସୁବିଧାର ଲାଭ ପାଇବେ 7 କୋଟିରୁ ଉର୍ଦ୍ଧ୍ବ ଚାଷୀ । ସେହିପରି ଧନଧାନ୍ୟ କୃଷି ଯୋଜନାରେ 1.7କୋଟି ଚାଷୀଙ୍କୁ ମିଳିବ ଫାଇଦା । ବଜେଟରେ ପର୍ଯ୍ୟଟନ ଶିଳ୍ପକୁ ଫୋକସ କଲେ ଅର୍ଥମନ୍ତ୍ରୀ । ଡେଷ୍ଟିନେସନ ଟୁରିଜିମ୍‌କୁ ଅଧିକ ଗୁରୁତ୍ବ ଦିଆଯିବ । ୫୦ଟି ଟୁରିଷ୍ଟ ସାଇଟ୍‌ର ବିକାଶ କରାଯିବ । ମେଡିକାଲ ଟୁରିଜିମ୍‌କୁ ଅଧିକ ଗୁରୁତ୍ବ ଦିଆଯିବ । ପର୍ଯ୍ୟଟନର ବିକାଶ ପାଇଁ ଖର୍ଚ୍ଚ ହେବ ୨୦ ହଜାର କୋଟି ଟଙ୍କା ।

ଚଳିତ ବଜେଟରେ ସହରାଞ୍ଚଳ ବିକାଶ ପାଇଁ ରହିଛି ୧ ଲକ୍ଷ କୋଟି ଟଙ୍କା । ୨୦୨୮ ସୁଦ୍ଧା ଜଳ ଜୀବନ ମିଶନ ସାରିବାକୁ ଲକ୍ଷ୍ୟ ରଖାଯାଇଛି । ୧୧ ଗିଗାଓ୍ବାଟ ପରମାଣୁ ଶକ୍ତି ଉତ୍ପାଦନ ଲକ୍ଷ୍ୟ ରହିଛି । ପରମାଣୁ ଶକ୍ତି ପାଇଁ ନିବେଶ ହେବ ୨୦ ହଜାର କୋଟି ଟଙ୍କା । ମଡିଫାଏଡ୍‌ ଉଡାଣ ସ୍କିମ୍‌ ଲାଗୁ ହେବ । ଯୋଡ଼ି ହେବେ ଆଉ ୪ କୋଟି ବିମାନ ଯାତ୍ରୀ । ବିହାର ପାଟ୍‌ନାରେ ହେବ ଏକ ଗ୍ରୀନ ଫିଲ୍ଡ ବିମାନବନ୍ଦର । ବଜେଟରେ ନିର୍ମଳା ନ୍ୟୁକ୍ଲିୟର ଶକ୍ତିକୁ ଗୁରୁତ୍ବ ଦେଇଛନ୍ତି । ପାରମାଣବିକ ଶକ୍ତି ଉତ୍ପାଦନକୁ ବଜେଟରେ ଗୁରୁତ୍ବାରୋପ କରାଯାଇଛି । ପ୍ରତିଷ୍ଠା କରାଯିବ ନ୍ୟୁକ୍ଲିୟର ଏନର୍ଜି ମିଶନ । ନ୍ୟୁକ୍ଲିୟର ଏନର୍ଜି ମିଶନ ପାଇଁ ୨୦ ହଜାର କୋଟି ଟଙ୍କାର ବ୍ୟୟବରାଦ କରାଯାଇଛି । କ୍ଷୁଦ୍ର ମଡ୍ୟୁଲାର ରିଆକ୍ଟର ପ୍ରତିଷ୍ଠା କରି ଶକ୍ତି ଉତ୍ପାଦନ କରାଯିବ ।

ବଜେଟ ଉପସ୍ଥାପନ ବେଳେ ଅର୍ଥମନ୍ତ୍ରୀ କହିଛନ୍ତି, MSME ବିକାଶର ଦ୍ବିତୀୟ ଇଞ୍ଜିନ । ୭.୫ କୋଟି MSME କର୍ମଚାରୀଙ୍କ ଉପରେ ଫୋକସ୍‌ କରିଛନ୍ତି ମୋଦି ସରକାର । MSME କ୍ଷେତ୍ର ପାଇଁ ଅଧିକ ଋଣ ମଞ୍ଜୁରୀ କରାଯିବ । ଯୁବକଙ୍କୁ MSME ଦ୍ବରା ଅଧିକ ନିଯୁକ୍ତି ଦେଇ ହେବ । ସେହିପରି ଅଣଚମଡ଼ା ଶିଳ୍ପ ଉପରେ ଏଥର ଫୋକସ୍‌ ରହିଛି । ଅଣଚମଡ଼ା ଶିଳ୍ପ ଦ୍ବାରା ୨୨ ଲକ୍ଷ ଉପକୃତ ହେବେ । ଖେଳନା ତିଆରି ଶିଳ୍ପକୁ ମଧ୍ୟ ଅଧିକ ଗୁରୁତ୍ବ ଦିଆଯାଇଛି ।