ଅର୍ଗସ ବ୍ୟୁରୋ: ରାଜ୍ୟସଭାରେ କଂଗ୍ରେସ ସଦସ୍ୟଙ୍କ ଆସନ ତଳୁ ମିଳିଲା ଟଙ୍କା ବିଡା । ଏହାକୁ ନେଇ ରାଜ୍ୟସଭାରେ ହଟ୍ଟଗୋଳ ଦେଖିବାକୁ ମିଳିଛି । ଗତକାଲି ଗୃହ ମୁଲତବି ପରେ ସୁରକ୍ଷା କର୍ମୀଙ୍କ ପକ୍ଷରୁ ରାଜ୍ୟସଭାରେ ଚେକିଂ କରାଯାଇଥିଲା । ଏହି ସମୟରେ କଂଗ୍ରେସର ବରିଷ୍ଠ ନେତା ଅଭିଶେକ ମନୁ ସାଙ୍ଗଭିଙ୍କ ସିଟ୍ ତଳୁ ବିଡା ବିଡା ୫ଶହ ଟଙ୍କିଆ ନୋଟ୍ ମିଳିଥିଲା । ଏନେଇ ରାଜ୍ୟସଭାର ଚେୟାରମ୍ୟାନ୍ ତଥା ଉପରାଷ୍ଟ୍ରପତି ଜଗଦୀପ ଧନକଡ୍ ଗୃହରେ ସୂଚନା ଦେଇଛନ୍ତି । 

ଅଭିଶେକ ମନୁ ସାଙ୍ଗଭି ତେଲେଙ୍ଗାନାରୁ ରାଜ୍ୟସଭାକୁ ନିର୍ବାଚିତ ହୋଇଛନ୍ତି । ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ.ପି ନଡ୍ଡା ଘଟଣାକୁ ନିନ୍ଦା କରିଛନ୍ତି । ଏହା ରାଜ୍ୟସଭାର ଗାରିମାକୁ ମଳିନ କରିଛି । ମାମଲାର ତଦନ୍ତ ଚାଲୁଥିବାବେଳେ କଂଗ୍ରେସ ସାଂସଦ ନାଁ ଉଠିବାକୁ ନେଇ ପ୍ରଶ୍ନ ଉଠାଇଛନ୍ତି କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ । ସେପଟେ ସାଙ୍ଗଭି ଅଭିଯୋଗକୁ ଖଣ୍ଡନ କରିଛନ୍ତି । ସେ ଗତକାଲି ମାତ୍ର ୫ ଶହ ଟଙ୍କା ନେଇ ରାଜ୍ୟସଭାକୁ ଯାଇଥିଲେ ବୋଲି କହିଛନ୍ତି ।