ବସ୍ ଟ୍ରକ୍ ଦୁର୍ଘଟଣାରେ ଚାଲିଗଲା କାଉଡିଆଙ୍କ ଜୀବନ । ୧୮ ଜଣ କାଉଡିଆଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଝାଡ଼ଖଣ୍ଡର ଦେଓଘର ରେ ଘଟିଛି ଏପରି ମର୍ମନ୍ତୁଦ ସଡକ ଦୁର୍ଘଟଣା । ଏନେଇ ସୂଚନା ବିଜେପି ଦେଇଛନ୍ତି ସାଂସଦ ନିଶିକାନ୍ତ ଦୁବେ । ବୈଦନାଥ ପୀଠରେ ପାଣି ଢାଳି ଫେରୁଥିବା ବେଳେ ଘଟିଛି ଏପରି ଦୁର୍ଘଟଣା । ୨୦ରୁ ଉର୍ଦ୍ଧ୍ବ କାଉଡିଆ ଗୁରୁତର ହୋଇଛନ୍ତି । ଗୁରୁତର ମାନଙ୍କୁ ସଦର ହସ୍ପିଟାଲରେ ଭର୍ତ୍ତି କରାଯାଇଛି ।

ମୋଟ ମୃତକଙ୍କ ସଂଖ୍ୟା ଆହୁରି ବୃଦ୍ଧି ପାଇବାର ଆଶଙ୍କା ରହିଛି।ତେବେ ଏହି ଭୟଙ୍କର ଦୁର୍ଘଟଣାର କାରଣ ଅସ୍ପଷ୍ଟ ଥିବା ବେଳେ କର୍ତ୍ତୃପକ୍ଷ ଏନେଇ ତଦନ୍ତ ଆରମ୍ଭ କରିଛନ୍ତି। ସେପଟେ ମୃତଦେହଗୁଡିକୁ ପୋଷ୍ଟମର୍ଟମ ପାଇଁ ପଠାଯାଇଛି । ମୃତକଙ୍କ ଆତ୍ମାର ସଦଗତି ନିମନ୍ତେ କାମନା କରିଛନ୍ତି ନିଶିକାନ୍ତ ।