ଦିଲ୍ଲୀର ସ୍ଵାସ୍ଥ୍ୟକୁ କେମିତି ବିଗାଡ଼ି ଦେଇଥିଲା 'ଆପ୍' ? CAG ରିପୋର୍ଟରେ ହେଲା ଖୁଲାସା...
Key Points
ମଦ ନୀତି ପରେ ସ୍ଵାସ୍ଥ୍ୟ ବିଭାଗକୁ ନେଇ ଆସିଥିବା ସିଏଜି ରିପୋର୍ଟ ଆପ୍ ପାଇଁ ଅଡ଼ୁଆ ବଢ଼ାଇଛି । ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା ସ୍ଵାସ୍ଥ୍ୟ ବିଭାଗର ସିଏଜି ରିପୋର୍ଟ ଉପସ୍ଥାପନ କରିଛନ୍ତି ।
ଦିଲ୍ଲୀ ବିଧାନସଭାରେ ଦ୍ଵିତୀୟ ସିଏଜି ରିପୋର୍ଟ ଉପସ୍ଥାପିତ ହୋଇଛି । ମଦ ନୀତି ପରେ ସ୍ଵାସ୍ଥ୍ୟ ବିଭାଗକୁ ନେଇ ଆସିଥିବା ସିଏଜି ରିପୋର୍ଟ ଆପ୍ ପାଇଁ ଅଡ଼ୁଆ ବଢ଼ାଇଛି । ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା ସ୍ଵାସ୍ଥ୍ୟ ବିଭାଗର ସିଏଜି ରିପୋର୍ଟ ଉପସ୍ଥାପନ କରିଛନ୍ତି । ୨୪୦ ପୃଷ୍ଠାର ସିଏଜି ରିପୋର୍ଟରେ ଦର୍ଶା ଯାଇଛି, କେମିତି ହୋଇଛି ଆର୍ଥିକ ଅନିୟମିତତା ।
କେଜ୍ରିୱାଲ୍ଙ୍କ ନେତୃତ୍ଵାଧିନ ଆପ୍ ସରକାରର ୧୧ ବର୍ଷର ଶାସନରେ ଦିଲ୍ଲୀରେ ମାତ୍ର ୩ଗୋଟି ମେଡିକାଲ୍ ହୋଇଛି ଅଥବା ପୂର୍ବ ମେଡିକାଲର ସମ୍ପ୍ରସାରଣ କରାଯାଇଛି । ଇନ୍ଦିରା ଗାନ୍ଧୀ ହସ୍ପିଟାଲ୍ ନିର୍ମାଣ ୫ ବର୍ଷ ବିଳମ୍ବ ହୋଇଥିବା ବେଳେ ଏଥିପାଇଁ ଅଧିକ ୩୧୪ କୋଟି ଟଙ୍କା ଖର୍ଚ୍ଚ କରା ଯାଇଥିବା ସିଏଜି ରିପୋର୍ଟରେ ଉଲ୍ଲେଖ ରହିଛି ।
କେବଳ ଇନ୍ଦିରା ଗାନ୍ଧୀ ହସ୍ପିଟାଲ୍ ନୁହେଁ ବୁରାଡ଼ି ସହ ମୋଟ ୩ଟି ହସ୍ପିଟାଲ୍ ନିର୍ମାଣରେ ହୋଇଛି ଅହେତୁକ ବିଳମ୍ବ । ଏଥିପାଇଁ ରାଜକୋଷରୁ ଅତିରିକ୍ତ ଭାବେ ୩୮୨ କୋଟି ଟଙ୍କା ଖର୍ଚ୍ଚ ହୋଇଛି । ମହାମାରୀ କୋଭିଡ୍ ସମୟରେ କେନ୍ଦ୍ର ସରକାର, ଦିଲ୍ଲୀ ସରକାରଙ୍କୁ ଦେଇଥିବା ଅର୍ଥ ବି ଖର୍ଚ୍ଚ ହୋଇ ପାରିନି ।
ତା' ଛଡ଼଼ାଦିଲ୍ଲୀର ସରକାରୀ ହସ୍ପିଟାଲ୍ରେ ଔଷଧ ଅଭାବ, ବିଭିନ୍ନ ବିଶେଷଜ୍ଞ ପଦ ଖାଲି ପଡ଼ିବା, ଦିଲ୍ଲୀ ଆରୋଗ୍ୟ କୋଷକୁ ମେଣ୍ଟେନ୍ ନ କରିବା ଆଦି ସିଏଜି ଧରିଛନ୍ତି । ଦିଲ୍ଲୀର ଆମ୍ ଆଦମୀ ସରକାରରେ ସ୍ଵାସ୍ଥ୍ୟ କ୍ଷେତ୍ରରେ ଏଭଳି ଏକାଧିକ ଅନିୟମିତତା ଧରିଛନ୍ତି ସିଏଜି । ଦିଲ୍ଲୀରେ ନିର୍ମାଣାଧିନ ୮ଟି ହସ୍ପିଟାଲ୍ରୁ ୩ଟି ସରିଥିବା ବେଳେ ୩ଟି ସରିଛି ।
ଜାତୀୟ ସ୍ଵାସ୍ଥ୍ୟ ମିଶନରେ ଦିଲ୍ଲୀ ଷ୍ଟେଟ ହେଲ୍ଥ ମିଶନକୁ ମିଳିଥିବା ଅର୍ଥ ବି ଖର୍ଚ୍ଚ ହୋଇ ପାରିନି । ଦିଲ୍ଲୀ ଷ୍ଟେଟ ହେଲ୍ଥ ମିଶନ ଆକାଉଣ୍ଟ ଏବଂ ୧୧ ଜିଲ୍ଲା ସହ ଜଡ଼ିତ ୫୧୦.୭୧ କୋଟି ଟଙ୍କା ଖର୍ଚ୍ଚ ନ ହୋଇ ମାର୍ଚ୍ଚ ୨୦୨୨ ପର୍ଯ୍ୟନ୍ତ ପଡ଼ି ରହିଥିଲା । ଦିଲ୍ଲୀର ସରକାରୀ ହସ୍ପିଟାଲ୍ରେ କୁକୁର କାମୁଡ଼ା ଇଞ୍ଜେକ୍ସନ୍ ମଧ୍ୟ ଆବଶ୍ୟକ ପରିମାଣର ନଥିଲା ।
୨୦୧୧ ସେପ୍ଟେମ୍ବରରେ ଦିଲ୍ଲୀ ସରକାର ଗଢ଼ିଥିବା ଦିଲ୍ଲୀ ଆରୋଗ୍ୟ କୋଷରେ ଯୋଜନା ଅନୁଯାୟୀ ହିତାଧିକାରୀଙ୍କ ତଥ୍ୟ ଅପଡେଟ୍ ହେଉ ନଥିଲା । ଆର୍ଥିକ ଦୃଷ୍ଟିରୁ ସ୍ଵଚ୍ଛଳ ନଥିବା ଗରିବଙ୍କ ଚିକିତ୍ସା ଲାଗି ଆରମ୍ଭ ହୋଇଥିଲା ଦିଲ୍ଲୀ ଆରୋଗ୍ୟ କୋଷ ।
