୨୫ ବର୍ଷ ପରେ ମୋନିକା କପୁର ଗିରଫ, ଆମେରିକାରୁ ଭାରତ ପ୍ରତ୍ୟର୍ପଣ
Key Points
ମୋନିକା କପୁର ତଦନ୍ତରେ ସହଯୋଗ କରୁନଥିଲେ ।
ବୁଧବାର ରାତିରେ ଭାରତରେ ପହଞ୍ଚିବା ସମ୍ଭାବନା ରହିଛି ।
ଆମେରିକାରୁ ଭାରତ ଫେରୁଛନ୍ତି ଆଉ ଜଣେ ପଳାତକ । ୨୫ ବର୍ଷ ପରେ ମୋନିକା କପୁର ଗିରଫ ହେବା ପରେ ଆମେରିକାରୁ ଭାରତକୁ ପ୍ରତ୍ୟର୍ପଣ କରିଛି । କପୁରଙ୍କୁ ହେପାଜତକୁ ନେଇ ଭାରତ ଆଣୁଛି ସିବିଆଇ । ଆମେରିକୀୟ ଏୟାରଲାଇନ୍ସର ଏକ ବିମାନ ଯୋଗେ ମୋନିକାଙ୍କୁ ଭାରତ ପଠାଯାଇଛି । ଆମେରିକାରେ ମୋନିକାଙ୍କୁ ଏକ ଲମ୍ବା ଆଇନଗତ ପ୍ରକ୍ରିୟା ସମାପ୍ତ କରିବା ପରେ ଭାରତ ଅଣାଯାଉଛି । ବୁଧବାର ରାତିରେ ଭାରତରେ ପହଞ୍ଚିବା ସମ୍ଭାବନା ରହିଛି ।
୧୯୯୮- ୯୯ରେ ଗହଣା ବ୍ୟବସାୟ ପାଇଁ ନକଲି କାଗଜପତ୍ର ଦେଇ ସରକାରଙ୍କୁ ୧ କୋଟି ୪୪ ଲକ୍ଷ ଟଙ୍କାର ଚୁନା ଲଗାଇଥିଲେ ମୋନିକା । ୨୦ ଡିସେମ୍ବର ୨୦୧୭ରେ କୋର୍ଟ ମୋନିକାଙ୍କ ଦୁଇ ଭାଇ ରାଜନ ଖାନ୍ନା ଏବଂ ରାଜୀବ ଖାନ୍ନାଙ୍କୁ ଦୋଷୀ ସାବ୍ୟସ୍ତ କରିଥିଲେ । ମୋନିକା କପୁର ତଦନ୍ତରେ ସହଯୋଗ କରୁନଥିଲେ। ଏହି କାରଣରୁ, ୧୩ ଡିସେମ୍ବର ୨୦୧୬ରେ, ମୋନିକାଙ୍କୁ କୋର୍ଟ ଦ୍ୱାରା ଏକ ଘୋଷିତ ଅପରାଧୀ ଘୋଷଣା କରାଯାଇଥିଲା ।
୨୬ ଏପ୍ରିଲ୍ ୨୦୧୦ରେ, କୋର୍ଟ ମୋନିକା ବିରୋଧରେ NBW ଏବଂ ରେଡ୍ କର୍ଣ୍ଣର ନୋଟିସ୍ ଜାରି କରିବାକୁ ନିର୍ଦ୍ଦେଶ ଦେଇଥିଲେ । ୧୯ ଅକ୍ଟୋବର ୨୦୧୦ରେ, ସିବିଆଇ ମୋନିକାଙ୍କ ପ୍ରତ୍ୟର୍ପଣ ପାଇଁ ଆମେରିକୀୟ ଏଜେନ୍ସିକୁ ଅନୁରୋଧ କରିଥିଲା ।
