Online Game / ଅନଲାଇନ୍‌ରେ ଖେଳାଯାଉଥିବା ଟଙ୍କା ଖେଳକୁ ନେଇ ନୂତନ ଆଇନ

ଅନଲାଇନ୍ ଗେମ୍‌କୁ ନେଇ କେନ୍ଦ୍ର ସରକାରଙ୍କ ବଡ଼ ନିଷ୍ପତ୍ତି । ଅନଲାଇନ୍ ଟଙ୍କା ଖେଳକୁ ସମ୍ପୂର୍ଣ୍ଣ ନିଷିଦ୍ଧ କରିବାକୁ ଯୋଜନା । ଅନଲାଇନ୍‌ରେ ଖେଳାଯାଉଥିବା ଟଙ୍କା ଖେଳକୁ ନେଇ ନୂତନ ଆଇନ ପ୍ରଣୟନ କରାଯାଇଛି । ଅକ୍ଟୋବର ୧ ରୁ ଦେଶବ୍ୟାପୀ କାର୍ଯ୍ୟକାରୀ ହେବ ଏହି ନିୟମ । ଏହି ଆଇନ କେବଳ ଜୁଆ ସମ୍ବନ୍ଧୀୟ ଖେଳ ଉପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବ ନାହିଁ, ବରଂ ଖେଳ ସହିତ ଜଡିତ ପ୍ରଚାର ଏବଂ ଟଙ୍କା କାରବାର ଉପରେ ମଧ୍ୟ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବ । ଏହି ଖେଳ ପରିଚାଳନା, ପ୍ରଚାର କିମ୍ବା ଟଙ୍କା କାରବାରରେ ଲିପ୍ତ ଧରାପଡ଼ିଲେ ବ୍ୟକ୍ତି କିମ୍ବା କମ୍ପାନୀକୁ ଜେଲ୍ ଏବଂ ଲକ୍ଷ ଲକ୍ଷ ଟଙ୍କା ଜରିମାନା ହୋଇପାରେ ।

କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି ଯେ, ସରକାର ଗତ ତିନି ବର୍ଷ ଧରି ଅନଲାଇନ୍ ଗେମିଂ କମ୍ପାନୀଗୁଡ଼ିକ ସହିତ ଆଲୋଚନା କରିଆସୁଛନ୍ତି । ସଂସଦ ଦ୍ୱାରା ଆଇନ ଗୃହୀତ ହୋଇଛି ଏବଂ ଏହାର ନିୟମଗୁଡ଼ିକୁ ଚୂଡ଼ାନ୍ତ କରାଯାଇଛି । ସେ କହିଛନ୍ତି, "ଆମେ ବ୍ୟାଙ୍କ, କମ୍ପାନୀ ଏବଂ ଅନ୍ୟମାନଙ୍କ ସହିତ କଥା ହୋଇଛୁ । ବର୍ତ୍ତମାନ ଏହି ନିୟମଗୁଡ଼ିକୁ କାର୍ଯ୍ୟକାରୀ କରିବାର ସମୟ ଆସିଛି ।