ବିବାଦୀୟ ଆପ ଉପରେ କେନ୍ଦ୍ର ସରକାରଙ୍କ ଡିଜିଟାଲ ଷ୍ଟ୍ରାଇକ୍ । ଉଲୁ ଓ ଅଲ୍ଟ ବାଲାଜୀ ଆପ ଉପରେ ପ୍ରତିବନ୍ଧକ ଲଗାଇଛନ୍ତି କେନ୍ଦ୍ର ସରକାର । ଅଶ୍ଳୀଳ କଣ୍ଟେଣ୍ଟ୍ ପ୍ରସାରଣ ଅଭିଯୋଗରେ ଆପ୍ଲିକେସନ୍ ଦେଶରେ ବ୍ୟାନ୍ ହୋଇଛି । ଉଲୁ ଓ ଅଲ୍ଟ ବାଲାଜୀ ସହ ୨୫ ଆପ୍ ବ୍ୟାନ୍ କରିଛନ୍ତି କେନ୍ଦ୍ର ସରକାର । ULLU, ALLT, ଦେଶୀଫ୍ଲିକ୍ସ, ବୁମେକ୍ସ, ନୱରସା ଲାଇଟ୍, ଗୁଲାବ ଆପ୍ ଏବଂ ବିଗ୍ ସଟ୍‌ସ୍ ଭଳି ୨୫ଟି ଆପ୍‌ ଏବଂ ୱେବସାଇଟ୍‌ ବ୍ୟାନ୍ କରାଯାଇଛି । ସୂଚନା ଏବଂ ପ୍ରସାରଣ ମନ୍ତ୍ରାଳୟ ପକ୍ଷରୁ ଏନେଇ ନୋଟିଫିକେସନ ଜାରି ହୋଇଛି । ଅଶ୍ଳୀଳ କଣ୍ଟେଣ୍ଟକୁ ପ୍ରମୋସନ କରୁଥିବା ୱେବସାଇଟ୍‌କୁ ତୁରନ୍ତ ବ୍ଲକ କରିବାକୁ ଇଣ୍ଟରନେଟ୍ ସର୍ଭିସ୍ ପ୍ରୋଭାଇଡରଙ୍କୁ ନିର୍ଦ୍ଦେଶ ଦିଆଯାଇଛି ।

ULLU ର ବିଷୟବସ୍ତୁ ସବୁବେଳେ ଆଶ୍ଳୀଳ ଓ ଆପତ୍ତିଜନକ ରହୁଥିଲା । ଏଥିପାଇଁ ଏହାକୁ ବାରମ୍ବାର ତାଗିଦ୍ କରାଯାଉଥିବା ସତ୍ତ୍ୱେ ମଧ୍ୟ କେବେ ବି ଏଥିରେ ପ୍ରତିବନ୍ଧକ ଲଗାଉନଥିଲା । ଚଳିତ ବର୍ଷ ଆରମ୍ଭରୁ ହିଁ ଅଜାଜ୍ ଖାନଙ୍କ ଦ୍ୱାରା ହୋଷ୍ଟ କରାଯାଇଥିବା ହାଉସ ଆରେଷ୍ଟ ନାମକ ଏକ ଶୋ'କୁ ଏହାର ଯୌନ ଜନିତ ବିଷୟବସ୍ତୁ ଯୋଗୁଁ ଷ୍ଟ୍ରିମିଂ ପ୍ଲାଟଫର୍ମରୁ ପ୍ରତ୍ୟାହାର କରାଯାଇଥିଲା ।

MIB ଅନୁଯାୟୀ, ଡିଜିଟାଲ୍ ପ୍ରକାଶକ ବିଷୟବସ୍ତୁ ଅଭିଯୋଗ ପରିଷଦ (DPCGC) ଦ୍ୱାରା ULLU ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯାଇଥିଲା । ରିପୋର୍ଟ ଅନୁଯାୟୀ, ଆପ୍ ରୁ 100 ଟି ୱେବ୍ ସିରିଜ୍ ହଟାଇ ଦିଆଯାଇଥିଲା । କିନ୍ତୁ ଜଣାପଡିଲା ଯେ କିଛି ସମୟ ପରେ ପ୍ଲାଟଫର୍ମ ଆପତ୍ତିଜନକ ଭିଡିଓ ଏବଂ ଏପିସୋଡ୍ ପୁନଃ ଅପଲୋଡ୍ କରିଥିଲା ।

Argus News | argus news | Odisha Latest News, Breaking News, Trending News, Live TV