Argus News - ଛତିଶଗଡ଼ରେ ସିରିଜ୍ ଏନକାଉଣ୍ଟର ପରେ ଆତ୍ମସମର୍ପଣ ମୁହାଁ ମାଓବାଦୀ

ଛତିଶଗଡ଼ ବିଜାପୁରରେ ଆତ୍ମସମର୍ପଣ କରିଛନ୍ତି ୨୨ ନକ୍ସଲ । ହିଂସା ମାର୍ଗ ଛାଡ଼ି ସମାଜର ମୁଖ୍ୟ ସ୍ରୋତରେ ସାମିଲ ହୋଇଥିବା ସମସ୍ତଙ୍କୁ ସ୍ବାଗତ କରିଛନ୍ତି ସିଆରପିଏଫ ଡିଆଇଜି ଡିଏସ ନେଗୀ । ମୁଖ୍ୟସ୍ରୋତରେ ସାମିଲ ହୋଇଥିବା ୨୨ ଜଣଙ୍କୁ ସରକାରୀ ନିୟମ ଅନୁସାରେ ସମସ୍ତ ସହଯୋଗ ଯୋଗାଇ ଦିଆଯିବ ବୋଲି ସେ କହିଛନ୍ତି ।

ସେପଟେ ବିଜାପୁରରେ ଆଇଇଡି ବିସ୍ଫୋରଣରେ ୨ ଯବାନ ଆହତ ହୋଇଛନ୍ତି । ଗତ ଗୋଟିଏ ସପ୍ତାହ ମଧ୍ୟରେ ଛତିଶଗଡ଼ରେ ସିରିଜ୍ ମାଓ ଏନକାଉଣ୍ଟରରେ ୩୦ ମାଓବାଦୀ ନିପାତ ହୋଇଛନ୍ତି । ବିପୁଳ ପରିମାଣର ଅସ୍ତ୍ରଶସ୍ତ୍ର ଜବତ ହୋଇଛି ।

ନକ୍ସଲମୁକ୍ତ ଭାରତ ଅଭିଯାନ ଦିଗରେ ଏହାକୁ ଆଉ ଏକ ବଡ଼ ସଫଳତା କହିବା ସହ ଆତ୍ମସମର୍ପଣ କରୁ ନଥିବା ମାଓବାଦୀଙ୍କ ବିରୋଧରେ ଜିରୋ ଟଲେରାନ୍ସ ନୀତି ଆପଣାଇବାକୁ ନିର୍ଦ୍ଦେଶ ଦେଇଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ । ୨୦୨୬ ମାର୍ଚ୍ଚ ୩୧ ପୂର୍ବରୁ ଭାରତ ନକ୍ସଲମୁକ୍ତ ହେବ ବୋଲି ପୁଣିଥରେ ଦୃଢୋକ୍ତି ପ୍ରକାଶ କରିଥିଲେ ଶାହ ।