ମଧ୍ୟପ୍ରଦେଶ ଚିତ୍ରକୋଟରେ ଜଳ ପ୍ରଳୟ । ଘର, ବାହାରେ ପାଣି ହିଁ ପାଣି । ପ୍ରବଳ ବର୍ଷା ଯୋଗୁ ମନ୍ଦାକିନୀ ନଦୀର ଜଳସ୍ତର ବଢୁଛି, ଫଳରେ ଏ ସ୍ଥିତି ସୃଷ୍ଟି ହୋଇଛି । ଲୋକଙ୍କ ଘରେ ପାଣି ପଶିବା ଯୋଗୁ ନାହିଁ ନଥିବା ହୀନସ୍ତା ହେଉଛନ୍ତି । ରାସ୍ତାରେ ଡଙ୍ଗା ଚାଲୁଛି । ଡଙ୍ଗାରେ ଅତ୍ୟାବଶ୍ୟକ ସାମଗ୍ରୀ ଲୋକଙ୍କ ନିକଟକୁ ପଠାଯାଉଛି । ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରୁଛନ୍ତି ।

ଜଳସେଚନ ବିଭାଗର ସୂଚନା ଅନୁଯାୟୀ, ଜିଲ୍ଲାରେ ୨୪ ଘଣ୍ଟା ମଧ୍ୟରେ ପ୍ରାୟ ୧୦୦ ମିମି ବର୍ଷା ରେକର୍ଡ ହୋଇଛି । ସୀମାନ୍ତ ମଧ୍ୟପ୍ରଦେଶର ସତନା ଜିଲ୍ଲାରୁ ଏହାଠାରୁ ଅଧିକ ବର୍ଷା ହୋଇଛି । ଫଳରେ ମନ୍ଦାକିନୀ ନଦୀର ଜଳସ୍ତର ବୃଦ୍ଧି ପାଉଛି । ଫଳରେ ଭୟବିତ ଅବସ୍ଥାରେ ଅଛନ୍ତି ସ୍ଥାନୀୟ ଲୋକେ ।

ରାମଘାଟରୁ ମଧ୍ୟପ୍ରଦେଶକୁ ଯାଉଥିବା ନିର୍ମୋଗି ଆଖଡ଼ା ରାସ୍ତାରେ ବନ୍ୟା ପାଣି । ଯେଉଁଠି ଡଙ୍ଗାରେ ଯିବା ଆସିବା କରୁଛନ୍ତି ଲୋକେ । ଲୋକମାନେ ଏହି ରାସ୍ତା ଦେଇ କାମଦଗିରିର ମୁଖ୍ୟ ଫାଟକ ପର୍ଯ୍ୟନ୍ତ ପହଞ୍ଚି ପାରୁନାହାଁନ୍ତି । ସେହିପରି ହନୁମାନଧାରା ବାଇପାସରେ ରାଜୋଲା ପୋଲ ଉପରେ ପାଣି ପ୍ରବାହିତ ହେଉଛି । ଏହି ରାସ୍ତାରୁ ମଧ୍ୟ ଏମପି ସହିତ ଯୋଗାଯୋଗ ବିଚ୍ଛିନ୍ନ ହୋଇଯାଇଛି ।