ଏକତାର ବଳ...ଦୁନିଆ ଦେଖିଲା ଭାରତର ଶୌର୍ଯ୍ୟ । ସୀମାରେ ଯବାନଙ୍କ ପରାକ୍ରମ, ଦେଶର କୋଣ ଅନୁକୋଣରେ ନାଗରିକଙ୍କ ଅଦ୍ଭୁତପୂର୍ବ ଉତ୍ସାହ । ପ୍ରଥମ ପର୍ଯ୍ୟାୟ ଅପରେସନ ସିନ୍ଦୁରର ସଫଳତାକୁ ନେଇ ସାରା ଦେଶରେ ସେଲିବ୍ରେସନ ସମୟରେ ଦେଶର ସମସ୍ତ ୨୪୪ ଜିଲ୍ଲାରେ ହୋଇଛି ସମ୍ଭାବ୍ୟ ଯୁଦ୍ଧ ମୁକାବିଲା ପାଇଁ ରହର୍ସାଲ । ଦେଶରେ ୧୯୭୧ ପରେ ପ୍ରଥମ ଥର ଭାରତର ସମର ପ୍ରସ୍ତୁତିରେ ସାମିଲ ହୋଇଛନ୍ତି ସାଧାରଣ ଜନତା, ଆପଦା ମିତ୍ର, ଛାତ୍ରଛାତ୍ରୀଙ୍କ ସମେତ CC, NSS କ୍ୟାଡେଟ୍ ।

ରାଜ୍ୟର ୧୨ଟି ସ୍ଥାନରେ ଆତ୍ମରକ୍ଷା କୌଶଳର ତାଲିମ ଦେଇଛନ୍ତି ବିଶେଷଜ୍ଞ । ଭୁବନେଶ୍ବର, କଟକ ସମେତ ସମ୍ବଲପୁର, ପୁରୀ, ବାଲେଶ୍ବର, ବ୍ରହ୍ମପୁର, କୋରାପୁଟରେ ବାଜିଛି ଯୁଦ୍ଧ ସାଇରନ । ଭୁବନେଶ୍ବର ରେଳ ଷ୍ଟେସନରେ ସୁରକ୍ଷା ବ୍ୟବସ୍ଥା ବଢାଯିବା ସହ BMC କଣ୍ଟ୍ରୋଲ ରୁମ୍ ରୁ ପରିଚାଳିତ ହୋଇଛି ମକ୍ ଡ୍ରିଲ ।

ଅପରାହ୍ନ ୪ଟାରେ ଗର୍ଜିଲା ସାଇରନ୍ । ଦେଶର ୨୫୯ଟି ସ୍ଥାନରେ ସିଭିଲ୍ ଡିଫେନ୍ସ ମକ୍ ଡ୍ରିଲ୍ ଉଡାଇଲା ପାକିସ୍ତାନର ହୋସ୍ । ଏୟାର ଷ୍ଟ୍ରାଇକ୍ ସମୟରେ ନାଗରିକ ନିଜ ସୁରକ୍ଷା ସହ ଜରୁରୀ ସାମଗ୍ରୀର ସ୍ଥାନାନ୍ତର, ଆହତଙ୍କ ଚିକିତ୍ସା, ଅଗ୍ନିକାଣ୍ଡ ନିୟନ୍ତ୍ରଣର ତାଲିମ ନେଇଛନ୍ତି । ରାଜଧାନୀ ଦିଲ୍ଲୀ, ମୁମ୍ବାଇ, ଚେନ୍ନାଇ, ଲକ୍ଷ୍ନୌ, ଅମୃତସର, ଆଜମେର ସମେତ ସବୁ ସହରରେ ମକ ଡ୍ରିଲରେ ସାମିଲ ହେବାକୁ ନାଗରହକଙ୍କ ମଧ୍ୟରେ ଦେଖିବାକୁ ଉତ୍ସାହ । ସୀମାବର୍ତ୍ତୀ ରାଜ୍ୟ ଗୁଡ଼ିକର ବିଭିନ୍ନ ସହରରେ ଗତ ୩ ଦିନ ଧରି ମକ୍ ଡ୍ରିଲ ହୋଇଛି । ସୋମବାର ପ୍ରଧାନମନ୍ତ୍ରୀ ମୋଦି ଏନଏସଏ ଅଜିତ ଡୋଭାଲ ଓ ଡିଫେନସ୍ ସେକ୍ରେଟାରୀଙ୍କ ସହ ବୈଠକ ପରେ ଗୃହ ମନ୍ତ୍ରଣାଳୟ ପକ୍ଷରୁ ଦେଶର ସବୁ ରାଜ୍ୟକୁ ଜାରି ହୋଇଥିଲା ମକ୍ ଡ୍ରିଲ ନିର୍ଦ୍ଦେଶ । ପହଲଗାମ ହାମଲାର ପ୍ରତିଶୋଧ ପାଇଁ ଯୋଜନାକୁ ନେଇ ସାରା ଦେଶରେ ଚର୍ଚ୍ଚା ଲାଗି ରହିଥିବାବେଳେ ମଙ୍ଗଳବାର ବିଳମ୍ବିତ ରାତିରେ ପରାକ୍ରମର ପ୍ରମାଣ ଦେଇଛନ୍ତି ଭାରତୀୟ ଯବାନ । ଅପରେସନ ସିନ୍ଦୁର ଦେଶବାସୀଙ୍କ ମଧ୍ୟରେ ମୋଦି ସରକାରଙ୍କ ପ୍ରତି ବିଶ୍ବାସ ବଢ଼ାଇବା ସହ ଦେଶର ସୁରକ୍ଷାକୁ ନିଶ୍ଚିତ କରିଛି ।

ଦେଶର ୧୮ଟି ବିମାନବନ୍ଦରରେ ପରବର୍ତ୍ତୀ ନିର୍ଦ୍ଦେଶ ଯାଏ ଉଡ଼ାଣ ବନ୍ଦ ରହିଛି । ଜମ୍ମୁ, ଶ୍ରୀନଗର, ଲେହ, ଯୋଧପୁର, ଅମୃତସର, ଭୁଜ, ଜାମନଗର, ଚଣ୍ଡିଗଡ଼, ରାଜକୋଟ ବିମାନବନ୍ଦରର ଉଡ଼ାଣ ଉପରେ ଲାଗିଛି ପ୍ରତିବନ୍ଧକ । ପାକିସ୍ତାନରେ ଆତଙ୍କବାଦୀଙ୍କ ୯ଟି ଠିକଣା ଉପରେ ଭାରତୀୟ ସଶସ୍ତ୍ର ବାହିନୀର କ୍ଷେପଣାସ୍ତ୍ର ଆକ୍ରମଣ ପରେ ବିମାନବନ୍ଦରରେ ଉଡ଼ାଣ ଉପରେ ପ୍ରତିବନ୍ଧକ ଲଗାଯାଇଛି । ଅପରେସେନ ସିନ୍ଦୁର ପରେ ମୁହଁ ଲୁଚାଇ କାନ୍ଦୁଛି ଆତଙ୍କୀହ୍କ ଆକ୍କା ପାକିସ୍ତାନ । ପହଲଗାମ ହାମଲାର ପ୍ରତିଶୋଧ ନେଇଛି ଭାରତ । ଆଗକୁ ବି ଜାରି ରହିବ ଭାରତର ଆତଙ୍କୀ ସଫେଇ ଅଭିଯାନ । ସାରା ଦେଶରେ ମକ୍ ଡ୍ରିଲର ଦୃଶ୍ୟ ଦେଖି ଥରହର ପାକିସ୍ତାନ ...ରକ୍ତାକ୍ତ ଆତଙ୍କୀ ଶିବିର ।

Argus News | argus news | -Argusnews Home: Odisha Latest News, Breaking News, Trending News, Live TV and more