ଭାରତ-ଆମେରିକାର ସମ୍ପର୍କରେ ଆସିପାରେ ବଡ଼ ପରିବର୍ତ୍ତନ । ଦୁଇ ଦେଶ ମଧ୍ୟରେ ବଡ଼ ଡିଲ୍ ହେବାର ସମ୍ଭାବନା ରହିଛି । ଏନେଇ ଆମେରିକା ରାଷ୍ଟ୍ରପତି ଡୋନାଳଡ୍ ଟ୍ରମ୍ପ ସଙ୍କେତ ଦେଇଛନ୍ତି । ଭାରତ ସହ ଚୀନ ଓ ୟୁକେ ମଧ୍ୟରେ ବାଣିଜ୍ୟିକ ଡିଲ୍ ହୋଇପାରେ ବୋଲି ଟ୍ରମ୍ପ କହିଛନ୍ତି । ଅନ୍ୟପକ୍ଷରେ ଟ୍ରମ୍ପ ୧୪ଟି ଦେଶ ଉପରେ ୨୫ରୁ ୪୦ ପ୍ରତିଶତ ଟାରିଫ୍ ଲଗାଇବାକୁ ଘୋଷଣା କରିଛନ୍ତି। ଆମେରିକାର ଦୁଇ ମିତ୍ରରାଷ୍ଟ୍ର ଜାପାନ ଓ ଦକ୍ଷିଣ କୋରିଆକୁ ବି ଛାଡ଼ିନାହାନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସେ ଜାପାନ ଓ ଦକ୍ଷିଣ କୋରିଆ ଉପରେ ୨୫ ପ୍ରତିଶତ ଶୁଳ୍କ ବସାଇବାକୁ ଘୋଷଣା କରିଛନ୍ତି ।

ଟ୍ରମ୍ପ ସୋସିଆଲ ମିଡିଆ ପ୍ଲାଟଫର୍ମ ଟ୍ରୁଥ୍ ସୋସିଆଲରେ ଦୁଇ ପୃଷ୍ଠାର ଏକ ଚିଠି ଜାରି କରିଛନ୍ତି, ଯେଉଁଥିରେ କୁହାଯାଇଛି ଯେ ଆମେରିକା ଜାପାନ ଏବଂ ଦକ୍ଷିଣ କୋରିଆ ଉପରେ ୨୫ ପ୍ରତିଶତ ଶୁଳ୍କ ଲାଗୁ କରାଯିବ। ନୂତନ ଶୁଳ୍କ ହାର ୧ ଅଗଷ୍ଟ, ୨୦୨୫ ରୁ କାର୍ଯ୍ୟକାରୀ ହେବ।

ଟ୍ରମ୍ପ ଉଭୟ ଦେଶକୁ ଶୁଳ୍କ ଏଡାଇବା ପାଇଁ ଆମେରିକାରେ ଉତ୍ପାଦନ କରିବାକୁ ଉତ୍ସାହିତ କରିଥିଲେ। ଆମେରିକାର ରାଷ୍ଟ୍ରପତି କହିଛନ୍ତି, ଯଦି ଜାପାନ ଏବଂ ଦକ୍ଷିଣ କୋରିଆ କିମ୍ବା ଆପଣଙ୍କ ଦେଶର କମ୍ପାନୀଗୁଡ଼ିକ ଆମେରିକାରେ ସେମାନଙ୍କର ସାମଗ୍ରୀ ତିଆରି କରନ୍ତି, ତେବେ କୌଣସି ଶୁଳ୍କ ଲାଗୁ ହେବ ନାହିଁ। ସିଏନଏନ ରିପୋର୍ଟ ଅନୁଯାୟୀ, ଟ୍ରମ୍ପ ଏହା ମଧ୍ୟ ଧମକ ଦେଇଛନ୍ତି ଯେ ଯଦି ଦକ୍ଷିଣ କୋରିଆ କିମ୍ବା ଜାପାନ ଆମେରିକା ବିରୁଦ୍ଧରେ ପ୍ରତିଶୋଧମୂଳକ ଶୁଳ୍କ ଲାଗୁ କରେ, ତେବେ ଏହାକୁ ୫ ପ୍ରତିଶତରୁ ଅଧିକ ବୃଦ୍ଧି କରାଯିବ।