ଗୋଆ କ୍ଲବରେ ଅଗ୍ନିକାଣ୍ଡ ମାମଲା । କ୍ଲବର ମାଲିକ ଲୁଥ୍ରା ବ୍ରଦର୍ସଙ୍କୁ ଟ୍ରାଞ୍ଜିଟ୍ ରିମାଣ୍ଡ ଆଜି ଦିଲ୍ଲୀରୁ ଗୋଆ ନେଇଛି ପୋଲିସ । ମଙ୍ଗଳବାର ଥାଇଲ୍ୟାଣ୍ଡ ଫେରିବା ପରେ ବିର୍ଚ ବାଏ ରୋମିଓ ଲେନ୍ ନାଇଟ୍ କ୍ଲବ୍‌ର ମାଲିକ ଲୁଥ୍ରା ଭାଇଙ୍କୁ ଗୋଆ ନିଆଯାଇଛି । 

ଡିସେମ୍ବର ୬ ଅଗ୍ନିକାଣ୍ଡ ପରେ ଦୁଇ ଭାଇ ଫେରାର ହୋଇଯାଇଥିଲେ । ଗୌରବ ଓ ସୌରଭ ଲୁଥ୍ରା ଦିଲ୍ଲୀ ବିମାନବନ୍ଦରରେ ପହଞ୍ଚିବା ପରେ ମଙ୍ଗଳବାର ଗୋଆ ପୋଲିସ ଗିରଫ କରିଥିଲା । ଦୁଇ ଭାଇଙ୍କ ବିରୁଦ୍ଧରେ ଇଣ୍ଟରପୋଲ୍ ବ୍ଲୁ କର୍ଣ୍ଣର ନୋଟିସ୍ ଜାରି ହେବା ପରେ ଗତ ସପ୍ତାହରେ ଥାଇଲ୍ୟାଣ୍ଡ କର୍ତ୍ତୃପକ୍ଷ ସେମାନଙ୍କୁ ଅଟକ ରଖିଥିଲେ । ଡିସେମ୍ବର ୬ରେ କ୍ଲବ୍‌ରେ କୌଣସି ଅଗ୍ନି ନିରାପତ୍ତା ଉପକରଣ ବିନା ଏକ ଅଗ୍ନି ପ୍ରଦର୍ଶନୀ ଆୟୋଜନ କରାଯାଇଥିବା ଅଭିଯୋଗ ହୋଇଥିଲା ।

Birch by Romeo Lane fire tragedy: Luthra brothers taken to Goa after Delhi Court grants transit remand

Read @ANI Story | https://t.co/KqbTYKeedo#BirchFireTragedy #LuthraBrothers #TransitRemand pic.twitter.com/qNSWIYzV6q

— ANI Digital (@ani_digital) December 17, 2025

ସୂଚନାନୁଯାୟୀ ଥାଇଲାଣ୍ଡରେ ଅଟକ ପରେ ଭାରତ ଫେରୁଛନ୍ତି ଲୁଥ୍ରା ବ୍ରଦର୍ସ । ଗୋଆର 'ବର୍ଚ୍ଚ ବାଏ ରୋମିଓ ଲେନ୍' (Birch by Romeo Lane) ନାଇଟ୍ କ୍ଲବ୍ ଅଗ୍ନିକାଣ୍ଡ ଘଟଣାର ମୁଖ୍ୟ ଅଭିଯୁକ୍ତ ଲୁଥ୍ରା ଭ୍ରାତାଙ୍କୁ ଶେଷରେ ଭାରତ ଅଣାଯାଉଛି। ଥାଇଲ୍ୟାଣ୍ଡରେ ଅଟକ ରହିବା ପରେ କ୍ଲବ୍ ମାଲିକ ସୌରଭ ଲୁଥ୍ରା ଏବଂ ଗୌରବ ଲୁଥ୍ରାଙ୍କୁ ଭାରତକୁ ଡିପୋର୍ଟ କରାଯାଇଛି। ଏହି ନାଇଟ୍ କ୍ଲବରେ ହୋଇଥିବା ଭୟାବହ ଅଗ୍ନିକାଣ୍ଡରେ ୨୫ ଜଣଙ୍କର ମୃତ୍ୟୁ ଘଟିଥିଲା ।

ଏଥିସହ ପଢ଼ନ୍ତୁ:  ନେଇବାକୁ ପଡ଼ିଲାଥିଲେ ଲକ୍ଷେ ଟଙ୍କା ହୋଇଗଲା ୭୪ଲକ୍ଷ : ଋଣ ପରିଶୋଧ କରିବାକୁ ଚାଷୀଙ୍କୁ କିଡନୀ ବିକି

ଭାରତରେ ପହଞ୍ଚିବା ପରେ କେନ୍ଦ୍ରୀୟ ସଂସ୍ଥାର ଅଧିକାରୀମାନେ ଉଭୟଙ୍କୁ ଦିଲ୍ଲୀର ପଟିଆଲା ହାଉସ୍ କୋର୍ଟରେ ହାଜର କରିବେ। ଏହା ପରେ ଗୋଆ ପୋଲିସ ସେମାନଙ୍କୁ ଟ୍ରାଞ୍ଜିଟ୍ ରିମାଣ୍ଡରେ ନେବ ବୋଲି ଜଣାପଡିଛି। ଭାରତ ସରକାର ଲୁଥ୍ରା ଭାଇଙ୍କ ପାସପୋର୍ଟ ବାତିଲ କରିବା ସହ ଥାଇଲ୍ୟାଣ୍ଡ କର୍ତ୍ତୃପକ୍ଷଙ୍କୁ ସେମାନଙ୍କୁ ଡିପୋର୍ଟ କରିବାକୁ ଅନୁରୋଧ କରିଥିଲେ। ଏହା ପରେ ଥାଇ ପୋଲିସ ଗୁରୁବାର ଦିନ ଫୁକେଟର ଏକ ରିସର୍ଟରୁ ଉଭୟଙ୍କୁ ଅଟକ ରଖିଥିଲା। ଭାରତୀୟ ଅଧିକାରୀମାନେ ଥାଇଲ୍ୟାଣ୍ଡକୁ ଆବଶ୍ୟକୀୟ ଜରୁରୀକାଳୀନ ପ୍ରମାଣପତ୍ର (ECs) ଏବଂ ଅନ୍ୟାନ୍ୟ ଦସ୍ତାବିଜ ପ୍ରଦାନ କରିବା ପରେ ଏହି ଡିପୋର୍ଟେସନ୍ ସମ୍ଭବ ହୋଇଛି।

ଗତ ଡିସେମ୍ବର ୬ ତାରିଖରେ କ୍ଲବରେ ଏକ 'ଫାୟାର ସୋ' ଚାଲିଥିବା ବେଳେ ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି। କ୍ଲବରେ ଜରୁରୀକାଳୀନ ପ୍ରସ୍ଥାନ ଦ୍ୱାର ନଥିବା ସତ୍ତ୍ୱେ ମାଲିକମାନେ ଏଭଳି ବିପଜ୍ଜନକ ସୋ ଆୟୋଜନ କରିଥିଲେ, ଯାହା ଦ୍ଵାରା ଅନେକ ନିରୀହ ଜୀବନ ନେଇଥିଲା ।

ଅଧିକ ପଢ଼ନ୍ତୁ ଦେଶ ଖବର...