ନୀତି ଆୟୋଗ ପରିଚାଳନା ପରିଷଦରେ ପ୍ରଧାନମନ୍ତ୍ରୀ ମୋଦିଙ୍କ ଆହ୍ବାନ । ଆମର ଏକମାତ୍ର ଲକ୍ଷ୍ୟ 2047 ସୁଦ୍ଧା ବିକଶିତ ଭାରତ ଗଠନ କରିବା । ସବୁ ରାଜ୍ୟ, ସହର, ନଗରପାଳିକା ଓ ଗାଁକୁ ବିକଶିତ କରିବା । ଏହି ଲକ୍ଷ୍ୟ ହାସଲ ପାଇଁ 2047କୁ ଅପେକ୍ଷା ନ କରି ଏବେଠୁ କାମ କରିବାକୁ ଆହ୍ବାନ ଦେଇଛନ୍ତି ପ୍ରଧାନମନ୍ତ୍ରୀ । ନୂଆଦିଲ୍ଲୀରେ ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ବସିଛି ନୀତି ଆୟୋଗ ପରିଚାଳନା ପରିଷଦ ବୈଠକ । ଏଥିରେ ସମସ୍ତ ରାଜ୍ୟର ମୁଖ୍ୟମନ୍ତ୍ରୀଙ୍କ ସହ କେନ୍ଦ୍ରମନ୍ତ୍ରୀ ମାନେ ବି ଯୋଗ ଦେଇଛନ୍ତି ।

ସେହିପରି ନୀତି ଆୟୋଗ ବୈଠକରେ ବିକଶିତ ଭାରତ ପାଇଁ ବିକଶିତ ଓଡ଼ିଶାର ଭିଜନ ଉପସ୍ଥାପନ କରିଛନ୍ତି ମୁଖ୍ୟମନ୍ତ୍ରୀ । 3.2 ଲକ୍ଷ ଲୋକଙ୍କଠାରୁ ମତାମତ ନିଆଯାଇ ସଂଗ୍ରହ କରାଯାଇଛି ଭିଜନ ଡକ୍ୟୁମେଣ୍ଟ । ସମୃଦ୍ଧ ଓ ଉନ୍ନତ ଓଡ଼ିଶା ଗଠନ କରିବା ବିଜେପି ସରକାରଙ୍କ ଲକ୍ଷ୍ୟ । 2036 ସୁଦ୍ଧା ଓଡ଼ିଶାର ଅର୍ଥନୀତି 500 ବିଲିୟନ ଡଲାର ଛୁଇଁବା ଲକ୍ଷ୍ୟ । 2047 ସୁଦ୍ଧା ଓଡ଼ିଶାର ଅର୍ଥନୀତି 1.5 ଟ୍ରିଲିୟନ ଡଲାର ଛୁଇଁବା ଲକ୍ଷ୍ୟ । ରାଜ୍ୟର ସମସ୍ତ ଚାଷ ଜମିକୁ ଜଳସେଚିତ କରିବାକୁ ଲକ୍ଷ୍ୟ ରହିଥିବା କହିଛନ୍ତି ମୁଖ୍ୟମନ୍ତ୍ରୀ । 2029-30 ସୁଦ୍ଧା ରାଜ୍ୟର 15 ଲକ୍ଷ ହେକ୍ଟର ଜମିକୁ ଜଳସେଚନ କରିବା ଲକ୍ଷ୍ୟ । ଓଡ଼ିଶାରେ ବିଶ୍ବସ୍ତରୀୟ ସଡ଼କ, ରେଳ ଓ ଆକାଶ ପଥ ବିକାଶ କରିବା ଲକ୍ଷ୍ୟ । ଏ ଦିଗରେ କେନ୍ଦ୍ର ସରକାରଙ୍କ ସହଯୋଗ କାମନା କରିଛନ୍ତି ମୁଖ୍ୟମନ୍ତ୍ରୀ ।

Argus News | argus news | Odisha Latest News, Breaking News, Trending News, Live TV