Cold Supermoon / ଆଜି ସୂର୍ଯ୍ୟାସ୍ତ ପରେ କୋଲ୍ଡ ସୁପର୍ମୁନ୍ ଦେଖାଯିବ
Key Points
ଆଜି ସନ୍ଧ୍ୟାରେ ଆକାଶର ଶୋଭା ବଢ଼ାଇବ ବର୍ଷର ଶେଷ ପୂର୍ଣ୍ଣ ଚନ୍ଦ୍ର ବା କୋଲ୍ଡ ମୁନ୍ । ଏହା ବର୍ଷର ସର୍ବୋଚ୍ଚ ଚନ୍ଦ୍ର ହେବ, ଯାହାକୁ କୋଲ୍ଡ ସୁପର୍ମୁନ୍ କୁହାଯାଉଛି । କାରଣ ଏହା ପୃଥିବୀର ଅତ୍ୟନ୍ତ ନିକଟରେ ଅବସ୍ଥାନ କରିବ । ଏହା ସାଧାରଣ ଚନ୍ଦ୍ରଠୁ ୧୦ ପ୍ରତିଶତ ବଡ଼ ଦିଶିବ । ୪ ଡିସେମ୍ବର, ଅର୍ଥାତ୍ ଆଜି ସୂର୍ଯ୍ୟାସ୍ତ ପରେ କୋଲ୍ଡ ସୁପର୍ମୁନ୍ ଦେଖାଯିବ । ଭାରତରେ ରାତି ପ୍ରାୟ ୭ଟାରେ ଆକାଶରେ ବଡ଼ ନାରଙ୍ଗୀ ରଙ୍ଗର ଚନ୍ଦ୍ର ଦୃଶ୍ୟମାନ ହେବ । ସବୁଠୁ ସୁନ୍ଦର ଦୃଶ୍ୟ ଶୁକ୍ରବାର ଅର୍ଥାତ୍ ଆସନ୍ତା କାଲି ସନ୍ଧ୍ୟାରେ ଦେଖିବାକୁ ମିଳିବ । ସୂର୍ଯ୍ୟାସ୍ତର ୧ ଘଣ୍ଟା ପରେ ଆକାଶରେ ପୂର୍ଣ୍ଣ ଚନ୍ଦ୍ର ଦିଶିବ । ପାଣିପାଗ ଭଲ ଥିଲେ ଟେଲିସ୍କୋପ୍ ବିନା ଏହି ଦୃଶ୍ୟ ଦେଖିହେବ ।
ଚନ୍ଦ୍ର ପୃଥିବୀର ସବୁଠୁ ନିକଟତର ହେଲେ, ପୂର୍ଣ୍ଣିମା ଆସେ । ଏହାକୁ ସୁପର୍ମୁନ୍ କୁହାଯାଏ । ଏଥର ଚନ୍ଦ୍ର ପୃଥିବୀଠୁ ମାତ୍ର ୩,୫୭,୦୦୦ କିମି ଦୂରରେ ରହିବ, ସେଥିପାଇଁ ୧୦ ପ୍ରତିଶତ ବଡ଼ ଓ ୩୦ ପ୍ରତିଶତ ଅଧିକ ଉଜ୍ଜ୍ୱଳ ଦିଶିବ । ୨୦୨୫ର ଏହା ୪ର୍ଥ ସୁପର୍ମୁନ୍ ଏବଂ ନଭେମ୍ବର ପରେ ୨ୟ ସର୍ବବୃହତ ଚନ୍ଦ୍ର ।
ଏଥିସହ ପଢ଼ନ୍ତୁ: ୨୦୦ ଇଣ୍ଡିଗୋ ଉଡ଼ାଣ ବାତିଲ, ଅପରେସନ୍ ପ୍ରଭାବିତ....ସମସ୍ତ ଯାତ୍ରୀଙ୍କୁ କ୍ଷମା ପ୍ରାର୍ଥନା କଲେ କର୍ତ୍ତୃପକ୍ଷ
ଡିସେମ୍ବର୍ର ପୂର୍ଣ୍ଣ ଚନ୍ଦ୍ର ବର୍ଷର ସମସ୍ତ ପୂର୍ଣ୍ଣିମା ଅପେକ୍ଷା ସର୍ବାଧିକ ଉପରକୁ ଯାଏ । ଏହାର କାରଣ ଆସନ୍ତା ୨୧ ତାରିଖ ସୂର୍ଯ୍ୟ ସବୁଠୁ ତଳେ ରହିବ । ଚନ୍ଦ୍ର ସର୍ବଦା ସୂର୍ଯ୍ୟର ଠିକ୍ ଓଲଟା ଦିଗରେ ଥାଏ । ସେଥିପାଇଁ ସୂର୍ଯ୍ୟ ଯେତେବେଳେ ସବୁଠୁ ତଳେ ଥାଏ, ପୂର୍ଣ୍ଣ ଚନ୍ଦ୍ର ସବୁଠୁ ଉଚ୍ଚକୁ ଚାଲିଯାଏ । ଅର୍ଥାତ୍ ଶୀତ ରାତିରେ ଆକାଶର ସବୁଠୁ ଉପରେ ଚନ୍ଦ୍ର ଅବସ୍ଥାନ କରେ । ମୁଣ୍ଡର ଠିକ୍ ଉପରେ ଅତିକ୍ରମ କରିବା ଭଳି ମନେହୁଏ ।
ଏଥିପାଇଁ ଏହାକୁ ଲଙ୍ଗ୍ ନାଇଟ୍ ମୁନ୍ ମଧ୍ୟ କୁହାଯାଏ, କାରଣ ଶୀତଦିନେ ରାତି ବଡ଼ ହୋଇଥାଏ ଏବଂ ଚନ୍ଦ୍ର ଅଧିକ ସମୟ ଦୃଶ୍ୟମାନ ହୁଏ । ଆସନ୍ତା ବର୍ଷ ଜାନୁଆରୀ ୩ରେ ଉଲ୍ଫ ମୁନ୍ ଦୃଶ୍ୟମାନ ହେବ, ଯାହା ୨୦୨୫-୨୬ର ସୁପର୍ମୁନ୍ ସିରିଜ୍ର ଶେଷ ଚନ୍ଦ୍ର ହେବ ।
ଅଧିକ ପଢ଼ନ୍ତୁ ଦେଶ ଖବର...
📱 Get Argus News App
✨Related Topics
Explore more stories