ନୂଆଦିଲ୍ଲୀ: ଦେଶରେ ବିଜୁଳିର ବବ୍ୟହାର ବୃଦ୍ଧି ପାଉଥିବାବେଳେ, ଅଗଷ୍ଟ ମାସରେ କିନ୍ତୁ ଏହାର ବ୍ୟତିକ୍ରମ ଦେଖିବାକୁ ମିଳିଛି । ଅଗଷ୍ଟରେ ହ୍ରାସ ପାଇଛି ବିଜୁଳି ବବ୍ୟହାର । ଗତବର୍ଷ ଅଗଷ୍ଟ ତୁଳନାରେ ଚଳିତବର୍ଷ ଅଗଷ୍ଟରେ ବିଜୁଳି ବ୍ୟବହାର ୪.୭ ପ୍ରତିଶତ ହ୍ରାସ ପାଇ ୧୪୪.୨୧ ବିଲିଅନ ୟୁନିଟ୍ ରହିଛି । 

ଭାରତୀୟ ପାଣିପାଗ ବିଭାଗର ସୂଚନା ଅନୁଯାୟୀ, ଅଗଷ୍ଟ ମାସରେ ଦେଶରେ ୨୮୭.୧ ମିଲିମିଟର ବର୍ଷା ହୋଇଛି । ଯାହାକି ସ୍ବାଭାବିକ ବର୍ଷା ୨୪୮.୧ ମିଲିମିଟର ତୁଳନାରେ ପ୍ରାୟ ୧୬ ପ୍ରତିଶତ ଅଧିକ । ୨୦୨୩ ଅଗଷ୍ଟରେ ଦେଶରେ ବିଜୁଳି ବ୍ୟବହାର ୧୫୧.୩୨ ବିଲିଅନ ୟୁନିଟ୍ ରହିଥିଲା । 

ମୁଖ୍ୟତଃ ସ୍ବାଭାବିକ ଠାରୁ ଅଧିକ ବର୍ଷା କାରଣରୁ ଏପରି ହୋଇଛି । ପାଣିପାଗ ଥଣ୍ଡା ରହିବା ଫଳରେ ଏୟାର କଣ୍ଡିସନର ଓ କୁଲର୍  ବବ୍ୟବହାର କମିଛି । ଯାହାର ପ୍ରଭାବ ବିଜୁଳି ବବ୍ୟହାର ଉପରେ ପଡିଛି । 

ଆଗାମୀ ଦିନରେ ଶିଳ୍ପ ଓ ବାଣିଜ୍ୟ ସଂସ୍ଥା ଗୁଡିକରେ ବିଜୁଳି ବବ୍ୟହାରରେ ଉନ୍ନତି ଆସିବ ବୋଲି ଆଶା କରାଯାଉଛି ।