"ଆମେ ତୁମର ପ୍ରସବ ଅନ୍ୟ କେଉଁଠି କରାଇ ଦେବୁ । ନଚେତ ତୁମ ପ୍ରସବ ସମୟରେ ହିଁ କରିଦେବୁ ।" କିଛି ଏମିତି କହି ମହିଳା ସାମ୍ବାଦିକାଙ୍କୁ ଥଟ୍ଟା କରିଥିଲେ କଂଗ୍ରେସ

ବିଧାୟକ ଆର୍‌ବି ଦେଶପାଣ୍ଡେ ।

ଗତ କିଛିଦିନ ତଳେ ମହିଳାଙ୍କ ସୁରକ୍ଷା, ମହିଳାଙ୍କୁ ସମ୍ମାନ ନେଇ ରାଜରାସ୍ତାରେ ନାରା ଦେଉଥିଲେ କଂଗ୍ରେସ କର୍ମୀ । ହେଲେ ସେହି କଂଗ୍ରେସ ଦଳର ନେତା ମହିଳାଙ୍କୁ ପୁଣି ଅପମାନ ଦେଇ ବିବାଦରେ ଫସିଛନ୍ତି । ପୂର୍ବରୁ କଂଗ୍ରେସର ମୁଖ୍ୟ ନେତା ରାହୁଲ ଗାନ୍ଧି ହୁଅନ୍ତୁ କି ସୋନିଆ ଗାନ୍ଧି, ଦେଶର ବରିଷ୍ଠ ତଥା ସର୍ବୋଚ୍ଚ ସ୍ଥାନରେ ରହିଥିବା ମହିଳାମାନଙ୍କୁ ଅନେକ ଥର ଅପମାନିତ କରିଥିବା ଘଟଣା ନଜିର ରହିଛି । ଆଉ ତାକୁ ହିଁ ଅନୁସରଣ କରୁଛନ୍ତି କଂଗ୍ରେସର ଅନ୍ୟ ନେତା ତଥା ମୁଖପାତ୍ରମାନେ । କର୍ଣ୍ଣାଟକର କଂଗ୍ରେସ MLA ଆର୍‌ବି ଦେଶପାଣ୍ଡେ କିଛି ଏମିତି ଅସମ୍ବେଦନଶୀଳ ମନ୍ତବ୍ୟ ଦେଇ ପୁଣି ଚର୍ଚ୍ଚାରେ ରହିଛନ୍ତି ।

କର୍ଣ୍ଣାଟକ ଉତ୍ତରକନ୍ନଡ ଜିଲ୍ଲା ହଲିୟାଲର କଂଗ୍ରେସ ବିଧାୟକ ତଥା ପୂର୍ବତନ ମନ୍ତ୍ରୀଙ୍କୁ ଜଣେ ମହିଳା ସାମ୍ବାଦିକା ଡାକ୍ତରଖାନା ନେଇ ପ୍ରଶ୍ନ ପଚାରିଥିଲେ । ସେ ପଚାରିଥିଲେ , "ଜୋଏଡା, ତାଲୁକରେ କେବେ ଏକ ଡାକ୍ତରଖାନା ତିଆରି କରାଯିବ ? କାରଣ ସେଠାରେ ଅନେକ ସମୟରେ ରୋଗୀ ମାନେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । ବିଶେଷଭାବେ ଗର୍ଭବତୀ ମହିଳାମାନଙ୍କୁ ଅନେକ ସମସ୍ୟାର ସମ୍ମୁଖୀନ ହେବାକୁ ପଡୁଛି ।"

ଯାହାର ଉତ୍ତରରେ କଂଗ୍ରେସ ବିଧାୟକ କହିଥିଲେ, "ଚିନ୍ତା କରନି , ତୁମର ପ୍ରସବ ହଲିୟାଲରେ କରାଇ ଦିଆଯିବ "ସାମ୍ବାଦିକା ଜଣକ ଏପରି ଉତ୍ତର ବୁଝିନପାରି "କ'ଣ ସାର ?" ବୋଲି ପଚାରିବାରୁ ପୁଣିଥରେ ହସି ଥଟ୍ଟାର ସହ ବିଧାୟକ ଉତ୍ତର ଦେଇଥିଲେ, " ଯେତେବେଳେ ତୁମର ପ୍ରସବ ସମୟ ଆସିବ, ସେତେବେଳେ ହସ୍ପିଟାଲ ତିଆରି କରାଯିବ" ।

ଦେଶପାଣ୍ଡେଙ୍କ ଏପରି ମନ୍ତବ୍ୟକୁ ବିଭିନ୍ନ ମାହୋଲରେ ତୀବ୍ର ନିନ୍ଦା କରାଯାଇଛି । ମହିଳାଙ୍କ ପ୍ରତି ଏହା ଅପମାନ ବୋଲି ସମସ୍ତେ ପ୍ରତିକ୍ରିୟା ଦେଇଛନ୍ତି । ବିଜେପି ପକ୍ଷରୁ ଏହାକୁ କଂଗ୍ରେସର 'କୁତ୍ସିତ ମାନସିକତା' ବୋଲି କୁହାଯାଇଛି । ମହିଳାଙ୍କ ପ୍ରତି ଏପରି ଅନ୍ୟାୟକୁ ସହ୍ୟ କରିହେବନି , ଏବଂ ତୁରନ୍ତ ଦେଶପାଣ୍ଡେ ଗଣମାଧ୍ୟମ ସମ୍ମୁଖରେ କ୍ଷମା ମାଗନ୍ତୁ ବୋଲି ବିଭିନ୍ନ ମାହୋଲରୁ ଦାବି କରାଯାଇଛି ।

ଏହାକୁ ନେଇ ସେହି ମହିଳା ସାମ୍ବାଦିକା ପ୍ରତିନିଧୀ ଜଣକ କହିଛନ୍ତି, "ଆମ ଚ୍ୟାନେଲ ପକ୍ଷରୁ ତାଙ୍କୁ କେବଳ ହସ୍ପିଟାଲ କେବେ ତିଆରି ହେବାନେଇ ପ୍ରଶ୍ନ କରାଯାଇଥିଲା । ହେଲେ ତାଙ୍କଠାରୁ ଏପରି ଉତ୍ତର ମିଳିବା ଆଶା କରାଯାଉନଥିଲା । ତାଙ୍କୁ ମୋ ଚ୍ୟାନେଲ ପକ୍ଷରୁ ମତେ ଏବଂ ଚ୍ୟାନେଲ କର୍ତ୍ତୃପକ୍ଷଙ୍କୁ କ୍ଷମା ମାଗିବାକୁ କୁହାଯାଇଛି । ହେଲେ ତାଙ୍କ ପକ୍ଷରୁ ଏପର୍ଯ୍ୟନ୍ତ କୌଣସି ଜବାବ ମିଳିପାରିନାହିଁ ।"

ସେହିପରି 'x'ରେ ଜନତା ଦଳ ସେକ୍ୟୁଲାର ହ୍ୟାଣ୍ଡେଲ ପକ୍ଷରୁ ଦେଶପାଣ୍ଡେଙ୍କ ଉଦ୍ଦେଶ୍ୟରେ ଟ୍ଵିଟ କରି କୁହାଯାଇଛି , "ତୁମର ଅହଂକାରୀ କଥା ମହିଳାଙ୍କ ପ୍ରତି ଅପମାନ"। ଜିଲ୍ଲା ପାଇଁ ଏକ ସୁପର-ସ୍ପେଶାଲିଟି ହସ୍ପିଟାଲ ପାଇଁ ଅନୁରୋଧ କରିଥିବା ଜଣେ ବରିଷ୍ଠ ସାମ୍ବାଦିକଙ୍କୁ, ତୁମେ ଏପରି ଉତ୍ତର ଦେବା ଅତ୍ୟନ୍ତ ଅପମାନଜନକ। ଏହା କ'ଣ ତୁମର ମହିଳାଙ୍କ ପ୍ରତି ସମ୍ମାନ ? ଏଥିସହ ତୁରନ୍ତ ମହିଳା ସାମ୍ବାଦିକାଙ୍କୁ କ୍ଷମା ମାଗିବାକୁ ଦାବି କରାଯାଇଛି ।

" @RV_Deshpande ಅವರೇ ನಿಮ್ಮದು ಅದೆಂತಹ ಕೀಳು ಮನಸ್ಥಿತಿ ?

ಜಿಲ್ಲೆಗೆ ಒಂದು ಸೂಪರ್‌ ಸ್ಪೆಷಾಲಿಟಿ ಆಸ್ಪತ್ರೆ ಕಲ್ಪಿಸಿಕೊಡಿ ಅಂತ ಪ್ರಶ್ನೆಮಾಡಿದ ಹಿರಿಯ ಪತ್ರಕರ್ತೆಗೆ "ನಿನ್ನ ಹೆರಿಗೆಯಾಗಲಿ" ಎನ್ನುವುದು, ನೀವು ಸ್ತ್ರೀಯರಿಗೆ ಕೊಡುವ ಗೌರವವೇ ?

ಹಿರಿಯ ಶಾಸಕರಾಗಿರುವ ದೇಶಪಾಂಡೆ ಅವರೇ, ನಿಮ್ಮ ಈ ಉದ್ಧಟತನ ಮಾತುಗಳು ಮಹಿಳೆಯರ ಕುಲಕ್ಕೆ… pic.twitter.com/aEpTgeRzQZ
— Janata Dal Secular (@JanataDal_S) September 2, 2025

ପୂର୍ବରୁ କଂଗ୍ରେସ ନେତ୍ରୀ ସୋନିଆ ଗାନ୍ଧି ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ 'ପୁଅର୍ ଲେଡି' ବୋଲି କହି ଅପମାନ ଦେଇଥିଲେ । ସେହପରି କିଛିଦିନ ତଳେ ରାହୁଲ ଗାନ୍ଧି ପ୍ରଧାନମନ୍ତ୍ରୀଙ୍କ ମା'ଙ୍କୁ ଅସମ୍ମାନ କରି କହିଥିଲେ । ଏବେ ପୁଣି କଂଗ୍ରେସ ନେତାଙ୍କ ସାମ୍ବାଦିକାଙ୍କୁ ଏପରି ଅପମାନ , କଂଗ୍ରେସ ଦଳକୁ ଆହୁରି ବିବାଦ ମଧ୍ୟକୁ ଟାଣିନେଇଛି ।

Radha Hiregoudar (journalist) : When will you build a proper hospital for the Uttara Kannada region?

R V Deshpande : I will do it during your delivery.

Such an irresponsible statement. Shame !pic.twitter.com/e54WoFcjUm
— 🇮🇳 Madhukumar.V.P🇮🇳 (@MadhukumarVP1) September 2, 2025

Argus News | argus news | -Argusnews Home: Odisha Latest News, Breaking News, Trending News, Live TV and more