ଆପଣ ବି ୟୁଟ୍ୟୁବର ହୋଇ ରୋଜଗାର କରିବାକୁ ଚାହୁଁଛନ୍ତି କି ? ତାହେଲେ ଆପଣଙ୍କ ସ୍ବପ୍ନ ପୁରଣ ହେବ। ଏଥିପାଇଁ ଚଳିତ ବଜେଟରେ କ୍ରିଏଟର ଇକୋନୋମି ଏବଂ ଗେମିଂ ସେକ୍ଟର ଉପରେ ବିଶେଷ ଗୁରୁତ୍ୱ ଦେଇଛନ୍ତି କେନ୍ଦ୍ର ସରକାର। ଗେମିଂ କ୍ଷେତ୍ରରେ ୧୦ ଲକ୍ଷରୁ ଅଧିକ ପେସାଦାରଙ୍କୁ ନିଯୁକ୍ତି ଦେବାକୁ ଲକ୍ଷ୍ୟ ରଖାଯାଇଛି । ଦେଶର ୧୫,୦୦୦ ସେକେଣ୍ଡାରୀ ସ୍କୁଲ ଏବଂ ୫୦୦ କଲେଜରେ 'କଣ୍ଟେଣ୍ଟ କ୍ରିଏଟର ଲ୍ୟାବ୍' ସ୍ଥାପନ କରାଯିବ । ଏଥିସହ ଗେମିଂ ଷ୍ଟାର୍ଟଅପ୍ ପାଇଁ ୧୦,୦୦୦ କୋଟି ଟଙ୍କାର ପାଣ୍ଠି ଘୋଷଣା କରାଯାଇଛି । ଏହା ଯୁବକ ମାନଙ୍କ ପାଇଁ ଗେମ ଚେଞ୍ଜର ହେବ। ଏହା ଦ୍ବାରା ଦେଶର ସେହି ଯୁବକ ମାନେ ଲାଭବାନ ହେବେ ଯେଉଁମାନେ ୟୁଟ୍ୟୁବରେ ସର୍ଟ ଭିଡିଓ , ପୋଡକାଷ୍ଟ ଓ ସୋସିଆଲ ମିଡିଆରେ କଣ୍ଟେଣ୍ଟ ତିଆରି କରୁଛନ୍ତି।

ଅର୍ଥମନ୍ତ୍ରୀ ନିର୍ମଳା ସୀତାରମଣ ସଂସଦରେ ତାଙ୍କର ନବମ ବଜେଟ୍ ଉପସ୍ଥାପନ କରିଛନ୍ତି । ଏହି ବଜେଟରେ ଟେକ୍ନୋଲୋଜି ଏବଂ ଇନୋଭେସନକୁ 'ବିକଶିତ ଭାରତ'ର ସବୁଠାରୁ ବଡ଼ ଶକ୍ତି ବୋଲି ଦର୍ଶାଯାଇଛି । ସୀତାରମଣ କହିଛନ୍ତି ଯେ ଭାରତ ଏବେ କେବଳ ଟେକ୍ନୋଲୋଜି ବ୍ୟବହାର କରିବ ନାହିଁ, ବରଂ ଏହି କ୍ଷେତ୍ରରେ ବିଶ୍ୱର ନେତୃତ୍ୱ ନେବ ।

ସେହିଭଳି ଆର୍ଟିଫିସିଆଲ୍ ଇଣ୍ଟେଲିଜେନ୍ସକୁ ସରକାରୀ ସେବା ଏବଂ ପ୍ରଶାସନରେ ବ୍ୟାପକ ଭାବେ ବ୍ୟବହାର କରାଯିବ । ଦେଶରେ ୫ଜି ଏବଂ ୬ଜି କନେକ୍ଟିଭିଟିକୁ ଅଧିକ ସୁଦୃଢ଼ କରିବା ପାଇଁ ୧୨.୨ ଲକ୍ଷ କୋଟି ଟଙ୍କାର ବଜେଟ୍ ରଖାଯାଇଛି । ସେହିପରି ଗବେଷଣାକୁ ପ୍ରୋତ୍ସାହନ ଦେବା ପାଇଁ IIT ଏବଂ IISc ରେ ୧୦,୦୦୦ ନୂତନ 'ଟେକ୍ ଫେଲୋସିପ୍' ଆରମ୍ଭ କରାଯିବ ।

ଆଜିର ସୁନା ଦର ଏଠାରେ ଦେଖନ୍ତୁ । ପ୍ରତିଦିନର ଅପଡେଟ୍ ପାଇଁ ଆଉ ଅଧିକ ପଢ଼ନ୍ତୁ ।