କେନ୍ଦ୍ର ବଜେଟ୍ 2026–27 ହେଉଛି ଏକ ବୃଦ୍ଧିମୁଖୀ ଓ ସୁଧାରମୁଖୀ ବଜେଟ୍, ଯାହା ଆର୍ଥିକ ଶାସନକୁ ସୁନିଶ୍ଚିତ କରି ସହିତ ଦୀର୍ଘମିୟାଦୀ ଦେଶ ଗଠନକୁ ଗୁରୁତ୍ୱ ଦେଇଛି। ମାନୁଫ୍ୟାକ୍ଚରିଂ, MSME, ସେବା କ୍ଷେତ୍ର ଏବଂ ଆର୍ଥିକ କ୍ଷେତ୍ରର ସୁଧାର ଉପରେ କେନ୍ଦ୍ର ସରକାର ଲଗାତାର ଗୁରୁତ୍ୱ ଦେଉଛନ୍ତି ବୋଲି କହିଛନ୍ତି ୱାଲେଟ୍ 4 ୱେଲଥ ମ୍ୟାନେଜିଙ୍ଗ ଡିରେକ୍ଟର ଶ୍ରୀ ତ୍ରିନାଥ ଲେଙ୍କା ।

ରେକର୍ଡ କ୍ୟାପିଟାଲ୍ ବ୍ୟୟ ଓ ବିଶ୍ୱସନୀୟ ଆର୍ଥିକ ସଂକୋଚନ ପଥ ସହିତ, ଦେଶର ମାକ୍ରୋ ଆର୍ଥିକ ସ୍ଥିରତା ଓ ନିବେଶକଙ୍କ ଆତ୍ମବିଶ୍ୱାସକୁ ଦୃଢ଼ କରୁଛି ବୋଲି ୱାଲେଟ୍ 4 ୱେଲଥ ମ୍ୟାନେଜିଙ୍ଗ ଡିରେକ୍ଟର ଶ୍ରୀ ତ୍ରିନାଥ ଲେଙ୍କା କହିଛନ୍ତି।  ‘ମେକ୍ ଇନ୍ ଇଣ୍ଡିଆ’, ଉର୍ଜା ପରିବର୍ତ୍ତନ, ଡିଜିଟାଲ୍ ଅବକାଠାମୋ ଓ MSME ଋଣ ବିସ୍ତାର ସମ୍ବନ୍ଧୀୟ କୌଶଳଗତ ପଦକ୍ଷେପ ଦୀର୍ଘକାଳୀନ ଲାଭ ବୃଦ୍ଧି ଓ ରୋଜଗାର ସୃଷ୍ଟିକୁ ସମର୍ଥନ କରିବ। ଅଳ୍ପକାଳୀନ ଭାବେ STT ବୃଦ୍ଧି ଟ୍ରେଡିଂ ଖର୍ଚ୍ଚ ବଢ଼ାଇପାରେ, କିନ୍ତୁ ବଣ୍ଡ ମାର୍କେଟ୍‌ର ଗଭୀରତା ବୃଦ୍ଧି, ସଞ୍ଚୟର ଆର୍ଥିକୀକରଣ ଓ ଦୀର୍ଘମେୟାଦୀ ପୁଁଜି ଗଠନକୁ ପ୍ରୋତ୍ସାହନ ଦେଇଥିବା ବିସ୍ତୃତ ପଦକ୍ଷେପଗୁଡ଼ିକ ନିବେଶକଙ୍କ ପାଇଁ ଗଠନାତ୍ମକ ଭାବେ ସକାରାତ୍ମକ। ସମଗ୍ରରେ, ଏହି ବଜେଟ୍ ଅନୁମାନ ମୂଳକ ବ୍ୟାପାର ଅପେକ୍ଷା ଦୀର୍ଘମିଆଦୀ, ଲକ୍ଷ୍ୟଭିତ୍ତିକ ନିବେଶକୁ ପ୍ରାଥମିକତା ଦେଇ ଭାରତକୁ ଏକ ଦୃଢ଼ ଓ ଆକର୍ଷଣୀୟ ନିବେଶ ଗନ୍ତବ୍ୟ ଭାବେ ଆହୁରି ସୁଦୃଢ଼ କରିଛି ବୋଲି କହିଛନ୍ତି ୱାଲେଟ୍ 4 ୱେଲଥ ମ୍ୟାନେଜିଙ୍ଗ ଡିରେକ୍ଟର ଶ୍ରୀ ତ୍ରିନାଥ ଲେଙ୍କା

ଚଳିତ ବଜେଟ୍ ଏକ ଭଲ ବଜେଟ୍ ଏବଂ ଓଡ଼ିଶା ପାଇଁ ମଧ୍ୟ ଅନେକ ଗୁରୁତ୍ୱ ବହନ କରୁଛି ବୋଲି ସାମ୍ବାଦିକ ସମ୍ମିଳନୀରେ ଭାରତୀୟ ଶିଳ୍ପ ସଂଘ କହିଛି । ଏଥର ଭିତ୍ତିଭୂମି ପାଇଁ ବଜେଟ୍ ପରିମାଣ ୧୨.୨ ଲକ୍ଷ କୋଟି ହୋଇଛି । ଯାହା ଗତବର୍ଷ ଠାରୁ ଲକ୍ଷେ କୋଟି ଅଧିକ । ଏହାଦ୍ୱାରା ଅଧିକ ନିଯୁକ୍ତି ସୁଯୋଗ ସୃଷ୍ଟି ହେବ । ଏହାସହ ଆତ୍ମନିର୍ଭର ଭାରତ ସେକ୍ଟର ଅଧିକ ପ୍ରାଧାନ୍ୟ ମିଳିଥିବାରୁ ଏ କ୍ଷେତ୍ରରେ ମଧ୍ୟ ନିଯୁକ୍ତି ବଢିବ ।

ଟେକ୍ସଟାଇଲ, ପର୍ଯ୍ୟଟନ, ସ୍ୱାସ୍ଥ୍ୟ ଏବଂ ଏମଏସଏମଇ ସେକ୍ଟରକୁ ଗୁରୁତ୍ୱ ଦିଆଯାଇଛି । ଏହି ଚାରୋଟି ସେକ୍ଟରରେ ଅଧିକରୁ ଅଧିକ ନିଯୁକ୍ତି ମଧ୍ୟ ସୃଷ୍ଟି ହୋଇପାରିବ । ଓଡ଼ିଶା ପାଇଁ ରେୟାର ଆର୍ଥ କରିଡର, ଜଳପଥର ବିସ୍ତାର ପାଇଁ ଓଡ଼ିଶାରେ ଅନେକ ସୁଯୋଗ ରହିଛି । ବେଳାଭୂମି, ଅଲିଭ ରିଡ଼ଲେ କଇଁଛ, ଚିଲିକାରେ ପର୍ଯ୍ୟଟନ ଶିଳ୍ପ ବୃଦ୍ଧିର ସୁଯୋଗ ଥିବାରୁ ଏ କ୍ଷେତ୍ରରେ ଅଧିକ ପୁଞ୍ଜି ଆସିବାର ସମ୍ଭାବନା ରହିଛି । ସାରା ଦେଶରେ ଓଡ଼ିଶା ପୁଞ୍ଜି ନିବେଶ କ୍ଷେତ୍ରରେ ୨ ନମ୍ବରରେ ଅଛି ।