ଆପଣ ସ୍କୁଟି କିମ୍ବା ବାଇକ୍ ରେ ଡେଲିଭରି ବୟଙ୍କୁ ଦେଖିଥିବେ । ସମୟ ଭିତରେ ଡେଲିଭରି ଦେବାକୁ ଏମାନେ ପଛ ଘୁଞ୍ଚା ଦିଅନ୍ତିନି । ହେଲେ ନିକଟରେ ଜଣେ ଡେଲିଭରି ଏଜେଣ୍ଟ୍ ଥାର୍ ରେ ଡେଲିଭରି କରିବାକୁ ଯାଇଥିବା ଦେଖିବାକୁ ମିଳିଛି । ସୋସିଆଲ ମିଡିଆରେ ଏହି ଭିଡିଓ ଭାଇରାଲ୍ ହେଉଛି । ଯେଉଁଥିରେ ବ୍ଲିଙ୍କିଟ୍ ଡେଲିଭରି ଏଜେଣ୍ଟ ଜଣଙ୍କ ଦୁଇ ଚକିଆ ନୁହେଁ କଳା ରଙ୍ଗ୍ ର ଥାର୍ ରୁ ଓହ୍ଲେଇ ଡେଲିଭରି କରିବାକୁ ଯାଉଥିବା ଦେଖିବାକୁ ମିଳିଛି । ଯାହାକୁ ଦେଖି ଗ୍ରାହକ ବି ତାଜୁବ୍ ।

View this post on Instagram

A post shared by Divya Srivastava (@divyagroovezz)

ଏହି ଭିଡିଓକୁ ନେଇ ଖୁବ ମଜ୍ଜା ନେଉଛନ୍ତି ୟୁଜର । 'ବ୍ଲିଙ୍କିଟ୍'କୁ କହୁଛନ୍ତି ଆପଣ କଣ ନିଜ କର୍ମଚାରୀଙ୍କୁ ଏତେ ବଢିଆ ଦରମା ଦେଉଛନ୍ତି ଯେ ସେମାନେ ଥାର୍ ଚଲାଉଛନ୍ତି । ତ ପୁଣି ମହେନ୍ଦ୍ରା କମ୍ପାନୀକୁ କିଏ କହୁଛି ଆପଣ କ'ଣ THAR ର ଦାମ୍ କମେଇଦେଇଛନ୍ତି କି ।

ବ୍ଲିଙ୍କିଟ୍ ହେଉଛି ଭାରତର ଏକ କ୍ୱିକ୍ କମର୍ସ ପ୍ଲାଟଫର୍ମ । କମ୍ ସମୟରେ ଡେଲିଭରି କରୁଥିବା ଅନେକ ଏହାକୁ ପସନ୍ଦ କରୁଛନ୍ତି । ସାଧାରଣତଃ ଏଜେଣ୍ଟମାନେ ଭିଡରୁ ବର୍ତ୍ତିବା ପାଇଁ ବାଇକ କିମ୍ବା ସ୍କୁଟିରେ ଡେଲିଭରି ଦେବାକୁ ଯାଆନ୍ତି । ହେଲେ ଡେଲିଭରି ଏଜେଣ୍ଟଙ୍କ THAR ଗାଡି ଦେଖି ସମସ୍ତେ ଆଶ୍ଚର୍ଯ୍ୟ । ପୂର୍ବରୁ scorpio ଏବଂ SUV ରେ ଆସି ଡେଲିଭରି ଏଜେଣ୍ଟ ପାର୍ସଲ ଦେଉଥିବାର ଦେଖିବାକୁ ମିଳିଛି ।