Housing Scheme / ଭଡ଼ା ଘରକୁ କୁହନ୍ତୁ ବାଏ ବାଏ... ଶସ୍ତାରେ ମିଳୁଛି DDA ଫ୍ଲାଟ୍

ଦିଲ୍ଲୀରେ ଭଡ଼ା ଘରେ ରହୁଥିବା ଏବଂ ନିଜ ଘର କିଣିବାକୁ ଯୋଜନା କରୁଥିବା ଲୋକଙ୍କ ପାଇଁ ଖୁସି ଖବର। ଦିଲ୍ଲୀ ବିକାଶ ପ୍ରାଧିକରଣ (DDA) ପକ୍ଷରୁ ୨୦୨୬ରେ ବିଭିନ୍ନ ଆବାସ ଯୋଜନାରେ ଫ୍ଲାଟ୍ ଉପଲବ୍ଧ କରାଯାଉଛି । ବିଶେଷକରି ନରେଲାରେ ଏକାଧିକ କ୍ୟାଟେଗୋରୀର ଫ୍ଲାଟ୍ ଉପରେ ୨୫ ପ୍ରତିଶତ ଡିସକାଉଣ୍ଟର ବ୍ୟବସ୍ଥା ରହିଛି ।

DDAର ଅଧିକାରିକ ଅପଡେଟ୍ ଅନୁସାରେ, ନରେଲା ସହ ଦିଲ୍ଲୀର ଅନ୍ୟ ଅଞ୍ଚଳରେ ମଧ୍ୟ ବିଭିନ୍ନ ଆବାସ ଯୋଜନା ଚାଲିଛି । ସେପ୍ଟେମ୍ବର ୨୦୨୬ରେ DDA ନୂଆ ଯୋଜନା ଘୋଷଣା କରିବା ସହ ପୂର୍ବରୁ ଚାଲିଥିବା କିଛି ଯୋଜନାର ସମୟସୀମା ମଧ୍ୟ ବଢ଼ାଇଛି ।

ନରେଲାରେ ୨୫% ଡିସକାଉଣ୍ଟରେ ଫ୍ଲାଟ୍
DDA Nagrik Awaas Yojana 2026 ଅଧୀନରେ ନରେଲା ଓ ସିରସପୁରରେ ବିଭିନ୍ନ କ୍ୟାଟେଗୋରୀର ଫ୍ଲାଟ୍ ଦିଆଯାଉଛି । ଜାନୁଆରୀରେ ଆରମ୍ଭ ହୋଇଥିବା ଏହି ଯୋଜନାରେ ନରେଲାରେ HIG, MIG, LIG ଓ EWS ମିଶାଇ ୧୩୦୧ଟି ଫ୍ଲାଟ୍ ଏବଂ ସିରସପୁରରେ ୪୧୧ଟି LIG ଫ୍ଲାଟ୍ ରହିଥିଲା । ସମସ୍ତ ଯୋଗ୍ୟ କ୍ୟାଟେଗୋରୀରେ ୨୫ ପ୍ରତିଶତ ଡିସକାଉଣ୍ଟ ଦିଆଯାଇଥିଲା ପରେ ନରେଲାର ସେକ୍ଟର G-7/G-8ରେ ଅତିରିକ୍ତ ୧୯୪୪ଟି LIG ଫ୍ଲାଟ୍ ମଧ୍ୟ ଏହି ଯୋଜନାରେ ଯୋଡ଼ାଯାଇଥିଲା । ଏହି ଫ୍ଲାଟ୍‌ଗୁଡ଼ିକରେ ମଧ୍ୟ ୨୫ ପ୍ରତିଶତ ଡିସକାଉଣ୍ଟର ବ୍ୟବସ୍ଥା ରହିଛି ।

Karmayogi Awaas Yojanaରେ ମଧ୍ୟ ସୁଯୋଗ
ସରକାରୀ କର୍ମଚାରୀଙ୍କ ପାଇଁ DDA Karmayogi Awaas Yojana ଚାଲିଛି । ଏହି ଯୋଜନାରେ କେନ୍ଦ୍ର ଓ ରାଜ୍ୟ ସରକାର, PSU, ସରକାରୀ ବ୍ୟାଙ୍କ, ସ୍ଥାନୀୟ ସଂସ୍ଥା ଏବଂ କିଛି ଅନ୍ୟ ସରକାରୀ ସଂସ୍ଥାର କାର୍ଯ୍ୟରତ ଓ ଅବସରପ୍ରାପ୍ତ କର୍ମଚାରୀଙ୍କ ପାଇଁ ଫ୍ଲାଟ୍ ରଖାଯାଇଛି । ଏହି ଯୋଜନାରେ ମଧ୍ୟ ୨୫ ପ୍ରତିଶତ ଡିସକାଉଣ୍ଟ ଦିଆଯାଉଛି ।

୨୦୨୬ରେ DDA ଏହି ଯୋଜନାରେ ଅତିରିକ୍ତ ଫ୍ଲାଟ୍ ମଧ୍ୟ ଯୋଡ଼ିଛି । ସେପ୍ଟେମ୍ବର ୮ରେ DDA ପକ୍ଷରୁ Karmayogi Awaas Yojanaରେ ଆଉ ୫୪୪ଟି ଫ୍ଲାଟ୍ ଯୋଡ଼ାଯାଇଥିବା ଅଧିକାରିକ ଅପଡେଟ୍‌ରେ ଦର୍ଶାଯାଇଛି ।

ଯୋଜନାର ସମୟସୀମା ମଧ୍ୟ ବଢ଼ିଛି
DDAର ଅଧିକାରିକ ରେକର୍ଡ ଅନୁସାରେ, Nagrik Awaas Yojana 2026 ଏବଂ Karmayogi Awaas Yojana 2025ର ବୁକିଂ ସମୟସୀମାକୁ ୩୦ ସେପ୍ଟେମ୍ବର ୨୦୨୬ ପର୍ଯ୍ୟନ୍ତ ବଢ଼ାଯାଇଥିଲା । ଏହା ସହିତ DDA ସେପ୍ଟେମ୍ବର ୨୪ରେ Janta Awaas Yojana Phase II 2026 ଲଞ୍ଚ କରିବା ସମ୍ପର୍କରେ ମଧ୍ୟ ଅଧିକାରିକ ସର୍କୁଲାର୍ ଜାରି କରିଛି ।

ଫ୍ଲାଟ୍‌ର ଦାମ୍ କେତେ ?
Nagrik Awaas Yojanaର ପୂର୍ବରୁ ପ୍ରକାଶିତ ତଥ୍ୟ ଅନୁସାରେ, ୨୫ ପ୍ରତିଶତ ଡିସକାଉଣ୍ଟ ପରେ ନରେଲାରେ HIG ଫ୍ଲାଟ୍‌ର ଆରମ୍ଭିକ ଦାମ୍ ପ୍ରାୟ ୯୫.୮୮ ଲକ୍ଷ ଟଙ୍କା, MIG ପାଇଁ ୬୬.୨୮ ଲକ୍ଷ ଟଙ୍କା ଏବଂ EWS ପାଇଁ ୯.୬୦ ଲକ୍ଷ ଟଙ୍କା ଥିଲା। ସିରସପୁରର LIG ଫ୍ଲାଟ୍‌ର ଆରମ୍ଭିକ ଦାମ୍ ୧୧.୫୧ ଲକ୍ଷ ଟଙ୍କା ଥିଲା।
ତେବେ ନୂଆ ଯୋଜନା କିମ୍ବା ଅତିରିକ୍ତ ଫ୍ଲାଟ୍ ପାଇଁ ଦାମ୍, ଯୋଗ୍ୟତା, ବୁକିଂ ତାରିଖ ଏବଂ ଅନ୍ୟ ନିୟମ DDAର ଅଧିକାରିକ ବ୍ରୋଶର୍ ଓ ନୋଟିସ୍ ଅନୁସାରେ ନିର୍ଭର କରିବ ।

ଆବେଦନ ପୂର୍ବରୁ କ’ଣ କରିବେ ?
ଯେଉଁମାନେ DDA ଫ୍ଲାଟ୍ କିଣିବାକୁ ଚାହୁଁଛନ୍ତି, ସେମାନେ DDAର ଅଧିକାରିକ ୱେବସାଇଟ୍‌ରେ ଯୋଜନାର ବ୍ରୋଶର୍, ଫ୍ଲାଟ୍‌ର ତାଲିକା, ଦାମ୍, ଯୋଗ୍ୟତା ଓ ବୁକିଂ ନିୟମ ଯାଞ୍ଚ କରିବା ଉଚିତ। DDAର ହାଉସିଂ ସ୍କିମ୍ ପେଜ୍‌ରେ ୨୦୨୬ର ବିଭିନ୍ନ ଯୋଜନା ସମ୍ପର୍କିତ ଦଲିଲ ଉପଲବ୍ଧ ରହିଛି ।

ପାର୍ବଣ ଋତୁରେ ନିଜ ଘର କିଣିବାକୁ ଯୋଜନା କରୁଥିଲେ, ଅଫିସିଆଲ୍ ବ୍ରୋଶର୍ ଓ ନୋଟିସ୍ ଆସିବା ପରେ ହିଁ ଫ୍ଲାଟ୍‌ର ଦାମ୍ ଏବଂ ଆବେଦନ ପ୍ରକ୍ରିୟା ନେଇ ଅନ୍ତିମ ନିଷ୍ପତ୍ତି ନେବା ଭଲ ।